Лыд 35:19 - Коми Библия 2023

¹⁹ Вир кисьтӧм вӧсна водзӧс перйысь вермас вины морт виысьӧс сыкӧд паныдасигӧн.

Лыд 35:19 ပူးပေါင်းရင်းမြစ်များ

Олӧм 4:14

Ӧні Тэ вӧтлан менӧ тайӧ мусьыс. Тэ вештан менӧ Аслад чужӧмбан водзысь, ме кута шӧйтны-ветлӧдлыны му вывті. И коді паныдасяс мекӧд, виас менӧ».

Ӧксыяслӧн 2 небӧг 14:11

Ань шуис: «Кора тэнӧ, ӧксыӧй, кыв сет аслад Господь Ен водзын, мый вир кисьтӧм вӧсна водзӧс перйӧм могысь оз кутны водзӧ виавны да оз вины менсьым пиӧс». Ӧксы воча шуис: «Ловъя Господь водзын кыв сета: тэнад пилӧн весиг ӧти юрси сі оз усь юр вывсьыс».

Ӧксыяслӧн 2 небӧг 14:7

Та бӧрын став рӧдвужӧй сувтіс меным паныд. Найӧ шуалісны, сет пӧ миянлы питӧ, ассьыс воксӧ виысьӧс. Ми пӧ виам сійӧс вокыс вӧсна, мед сылы батьыслӧн овмӧсыс оз вудж. Ӧксыӧй, найӧ кӧсйӧны кусӧдны менсьым бӧръя бикиньсӧ, мед бырӧдны верӧслысь нимсӧ да сысянь чужысьӧс».

Ӧксыяслӧн 2 небӧг 3:27

Хевронӧ воӧм бӧрын карса дзиръя дорын Йоав нуӧдіс Авенирӧс бокӧ, быттьӧ кӧсйӧ гусьӧн сёрнитыштны сыкӧд. Сэні виис Авенирӧс, бытшкис сылы кынӧмас. Тадзи водзӧс перйис аслас Асаил вок вӧсна.

Ӧксыяслӧн 2 небӧг 3:30

Йоав да сылӧн Авишай вокыс виисны Авенирӧс сыысь, мый сійӧ виис налысь Асаил вокнысӧ гаваонса тыш дырйи.

Лыд 35:12

Татшӧм карас виысь вермас пышйыны водзӧс перйысь мортысь, медым войтыр водзын мыждытӧг эз вӧв виӧма.

Лыд 35:18

Коді вачкас мӧд мортӧс кувмӧныс пуысь вӧчӧмторйӧн, сійӧ лоӧ морт виысьӧн, а морт виысьӧс колӧ вины.

Лыд 35:20

Коді скӧрйывсьыс йӧткыштас мортӧс либӧ тӧдӧмӧн мыйӧнкӧ лыяс, и мӧдыс кулас,

Лыд 35:21

либӧ коді скӧрпырысь кинас вачкас, и мӧдыс кулас, сійӧс колӧ вины, ӧд сійӧ морт виысь. Вир кисьтӧм вӧсна водзӧс перйысь вермас вины морт виысьӧс сыкӧд паныдасигӧн.

Лыд 35:24

сэки морт виысь да водзӧс перйысь костын венсӧ колӧ видлавны войтыр водзын тайӧ тшӧктӧмыс серти.

Лыд 35:27

и водзӧс перйысь кӧ паныдалас сійӧс кар сайын да виас, сэки водзӧс перйысь оз ло мыжа вир кисьтӧмсьыс.

Индӧд 19:12

сэки сылӧн карысь юрнуӧдысьяс мед мӧдӧдасны ассьыныс йӧзсӧ морт виысьла. Найӧ мед бӧр вайӧдасны морт виысьӧс да сетасны сійӧс водзӧс перйысьлӧн киӧ, ӧд виысьлы колӧ кувны.

Индӧд 19:6

Татшӧм карӧдзыс кӧ туйыс лоӧ кузь, водзӧс перйысь вермас суӧдны пышйысьӧс да скӧрйывсьыс вины сійӧс. Но пышйысь мортӧс оз ков вины, ӧд сійӧ эз мустӧмтлы виӧмаӧс.

Нав Исус 20:3

Быдӧн, коді мӧвпышттӧг виас мортӧс, вермас пышйыны татшӧм карас водзӧс перйысь мортысь [медым морт виысьӧс войтыр водзын мыждытӧг эз вины].

Нав Исус 20:5

Вир кисьтӧм вӧсна вӧтӧдысь морт кӧ локтас сэтчӧ, морт виысьӧс мед оз сетны сы киӧ. Ӧд сійӧ мӧвпышттӧг виис, эз лӧгав ни эз мустӧмт мортӧс, кодӧс виис.

Ёрдысьяс 8:19

Гедеон шуис: «Найӧ вӧліны менам вокъяс, менам мамлӧн пияныс. Ловъя Господь водзын шуа: ті кӧ найӧс ловйӧн колинныд, ме эськӧ тіянӧс тшӧтш ловйӧн коли».