Лыд 31:28 - Коми Библия 2023

²⁸ Тышӧ ветлысьяслысь босьт Господьлы сетан юкӧнсӧ. Быд витсё мортысь босьт ӧтиӧс, быд витсё ӧш-мӧскысь – ӧтиӧс, быд витсё осёлысь – ӧтиӧс, быд витсё ыж-кӧзаысь – ӧтиӧс.

Лыд 31:28 ပူးပေါင်းရင်းမြစ်များ

Олӧм 14:20

Ошкӧм Медвылысса Енлы, коді сетіс вӧрӧгтӧ тэнад киӧ». Ӧврам сетіс Мелкиседеклы тышын став шедӧдӧмсьыс дасӧд юкӧнсӧ.

1 Каднебӧг 18:11

Давид ӧксы вежӧдіс-торйӧдіс найӧс Господьлы. Нӧшта сиис Господьлы мукӧд войтыръяслысь босьтӧм эзысь да зарни. Эзысь-зарнисӧ сійӧ босьтіс эдом, моав, аммон, филистим да амалик войтыръяслысь.

2 Каднебӧг 15:11

Сійӧ лунӧ Господьлы вись пыдди найӧ вайисны тышын шедӧдӧмаысь сизимсё ӧшкӧс да сизим сюрс ыжӧс.

Исай 18:7

Сэки Господь Саваофлы ваясны козинъяс ён вына да збой войтырсянь, ыджыд тушаа йӧзсянь, кодъясысь быдлаын полӧны, кодъяс ставнысӧ нартитӧны, кодъяслысь мусӧ вожӧдӧны юяс. Козинъяссӧ ваясны Сион керӧс вылӧ, Господь Саваофлӧн оланінӧ.

Исай 23:18

Но Тирлысь сьӧмсӧ, мый сійӧ чукӧртіс асьсӧ вузалысь ань моз, лоӧ торйӧдӧма Господьлы. Сійӧс оз чукӧртны, оз дзебны амбарӧ. Став сьӧмсӧ лоӧ сетӧма Господь водзын кесъялысьяслы, медым найӧ пӧттӧдзныс сёясны да бура пасьтасясны.

Исай 60:9

Саридз дорын олысьяс лача кутӧны Ме вылӧ, фарсисса корабльяс медводзын кывтӧны, ылі муясысь найӧ вайӧны тэнсьыд пиянтӧ да налысь зарни-эзысьсӧ Господьлӧн, тэнад Енлӧн, нимыс вӧсна, Израильлӧн вежа Ен вӧсна, ӧд Сійӧ нимӧдіс тэнӧ.

Лыд 18:21

Му пыдди Ме сета Левий пиянлы дасӧд юкӧнсӧ ставсьыс, мый лоӧ быдтӧма Израиль муын. Тадзи вежа чом бердын кесъялӧмысь налӧн лоӧ удждон.

Лыд 18:26

висьтавны левитъяслы: «Кор ті кутанныд босьтны Израиль пиянсянь дасӧд юкӧнсӧ, мый Ме инді тіянлы, дасӧд юкӧнсьыс ті тшӧтш торйӧдӧй дасӧд юкӧнсӧ Господьлы.

Лыд 31:29

Сет найӧс Элазар поплы. Тайӧ Господьлы козин.

Лыд 31:30

Шедӧдӧмторлысь мӧд джынсӧ колӧ сетны тышӧ ветлытӧм Израиль войтырлы. Быд ветымын мортысь босьт ӧтиӧс, быд ветымын ӧш-мӧскысь – ӧтиӧс, быд ветымын осёлысь – ӧтиӧс, быд ветымын ыж-кӧзаысь – ӧтиӧс да сет левитъяслы, Господьлӧн вежа чом бердын кесъялысьяслы».

Лыд 31:47

Израиль войтырлы вичмӧдӧм быд ветымын мортысь да ветымын ыж-мӧскысь Мӧисей босьтіс ӧтиӧс да сетіс левитъяслы, Господьлӧн вежа чом бердын кесъялысьяслы, кыдзи Господь тшӧктіс Мӧисейлы.

Матвей 22:21

Найӧ вочавидзисны: «Кесарлӧн». Исус шуис налы: «Кесарлысь сетӧй кесарлы, а Енлысь – Енлы».

Нав Исус 6:19

Попъяс букӧстісны буксанӧн. И кор Израиль войтыр кыліс тайӧ шысӧ, найӧ кутісны гораа горзыны. Карса стенмыс подулӧдзыс киссис. Войтырыс пырис карас сэтысянь, кӧні коді сулаліс. Карсӧ вӧлі босьтӧма.

Нав Исус 6:24

Раавӧс, кырсалысь аньӧс, сылысь став гортсасӧ да батьыслысь рӧдсӧ Исус ловйӧн колис. Раавлӧн рӧдыс ӧнӧдз олӧ израильсаяс пӧвстын, ӧд сійӧ дзебліс ас ордас Ерикон карӧ кыйӧдчыны волысьясӧс, кодъясӧс мӧдӧдліс Исус.

Нав Исус 9:27

Тайӧ лунсяньыс Исус уджӧдіс [гаваонса олысь] хивейясӧс, налы ковмис керавны пес да ваявны ва Израиль войтырлы, а сідзжӧ Господьлӧн висьпуктанінӧ. Сійӧ местаас, мый бӧрйӧма Господь, найӧ ӧнӧдз вӧчӧны тайӧ уджсӧ.