Лыд 29:39 - Коми Библия 2023

³⁹ Тайӧ висьяссӧ вайӧй Господьлы гажӧдчан лунъясныд дырйи сыысь ӧтдор, мый ваянныд сотан вись, нянь вись, вина вись да бурасян вись пыдди, лоӧ-ӧ висьныд кыв сетан вись либӧ ас кӧсйӧм серти ваян вись».

Лыд 29:39 ပူးပေါင်းရင်းမြစ်များ

1 Каднебӧг 23:31

Налы колӧ вӧлі пыр вайны Господьлы сотан висьяс шойччан лунӧ, выль тӧлысь чужигӧн да гажӧдчан лунъяс дырйи. Быд пӧрйӧ Ен водзын колӧ вӧлі кесъявны сы мында левитлы, мыйта вӧлі шуӧма.

2 Каднебӧг 31:14

Коре нима левит, Имнайлӧн пиыс, асыввыв дзиръя видзысь, тӧждысис войтырлӧн ас кӧсйӧм серти Енлы вайӧмторъяс вӧсна, юкліс попъяслы вежасьыс-вежаторъяс да Господьлы вайӧм козинъяс.

2 Каднебӧг 31:3

Ӧксы сетіс аслас овмӧсысь пемӧсъясӧс, медым Господьлӧн Индӧд серти вайны сотан висьяс асывнас и рытнас, шойччан лунӧ, выль тӧлысь чужигӧн да гажӧдчан лунъясӧ.

Ездра 3:4

Индӧдын гижӧм серти пасйисны Чом вӧчан лунъяс, быд лун вайисны сотан висьяс, мыйта вӧлі тшӧктӧма вайны сійӧ лунӧ.

Ездра 3:5

Тайӧ кадсяньыс найӧ вайисны быдлунся сотан висьяс, а выль тӧлысь пасйигӧн да Господьлы сиӧм мукӧд вежа гажӧдчан лунъясӧ вайисны индӧм висьяс. Нӧшта вайисны Господьлы ас кӧсйӧм серти висьяс.

Неемий 10:33

вежа нянь вылӧ, быдлунся нянь да сотан вись вылӧ, тшӧтш шойччан лунӧ, выль тӧлысь чужигӧн да гажӧдчан лунъясӧ вайӧмторъяс вылӧ, вежа козинъяс вылӧ, мыжысь вись вылӧ, мый вайӧны Израиль войтырлысь мыжсӧ вештӧм могысь, да крампытшса став уджыс вылӧ.

Исай 1:14

Выль тӧлысь да гажӧдчан лунъяс пасйӧмнытӧ Ме мустӧмта. Найӧ сьӧктӧдӧны Менӧ, Ме ёна мудзи наысь.

Левит 23:2

«Висьтав Израиль пиянлы, кутшӧм лунъяс налы колӧ торйӧдны Господьлы. Менам вежа гажӧдчан лунъясӧ налӧн мед лоӧ вежа чукӧртчӧм.

Левит 23:28

Некутшӧм удж энӧ вӧчӧй, ӧд тайӧ луныс – Мыж вештан лун, кор мыжнытӧ вештасны Господь Енныд водзын.

Левит 23:38

Таысь ӧтдор тіянлы колӧ чукӧртчыны Господьлы сиӧм шойччан лунъясӧ да вайны Господьлы козинъяс, кыв сетан висьяс да ас кӧсйӧм серти ваян висьяс.

Левит 7:11

«Господьлы ваян бурасян вись йылысь индӧдыс татшӧм.

Амос 5:22

Ваянныд кӧ Меным сотан да нянь висьяс, Ме ог сибӧд найӧс. Бурасян вись пыдди кӧ ваянныд тшӧгӧдӧм куканьясӧс, Ме ог видзӧдлы на вылӧ.

Лыд 28:2

«Висьтав Израиль пиянлы: ас кадӧ вайӧй Меным чӧскыда ӧвтан висьяс, Менсьым няньӧс.

Лыд 29:38

Мыжысь вись пыдди вайӧй ай кӧзаӧс. Тайӧ висьяссӧ вайӧй быдлунся сотан висьысь, нянь висьысь да вина висьысь ӧтдор.

Лыд 6:21

Тайӧ индӧдыс назорей йылысь, назореялӧмысь Господьлы ваян висьяс йылысь да нӧшта висьяс йылысь, мыйта назорей вермас вайны. Сылы колӧ ставсӧ вӧчны аслас кыв сетӧмыс серти да назореялӧм йылысь индӧдыс серти».

1 Коринфӧ 10:31

Та вӧсна сёянныд-ӧ, юанныд-ӧ али нӧшта мыйкӧ вӧчанныд – ставсӧ вӧчӧй Енмӧс ошкӧм могысь.

Индӧд 12:6

да вайӧй ассьыныд сотан висьястӧ да мукӧд висьястӧ, мувыв быдтасысь дасӧд юкӧнтӧ да вайӧмторъястӧ, кыв сетан висьястӧ, ас кӧсйӧм серти ваян висьястӧ [бурасян висьястӧ] да ыж-мӧсныдлысь медводдза чужысьяссӧ.