Левит 25:38 - Коми Библия 2023

³⁸ Ме – Господь, тіян Енныд. Ме петкӧді тіянӧс Египет муысь, медым сетны тіянлы Ханаан му да лоны тіян Енмӧн.

Левит 25:38 ပူးပေါင်းရင်းမြစ်များ

Олӧм 17:7

Ме кӧртала тэкӧд да тэсянь чужысьяскӧд нэмъяс кежлӧ йитӧд, Ме лоа тэнад да тэсянь чужысьяслӧн Енмӧн.

Петӧм 20:2

«Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Еремей 31:1

Сійӧ кадас, – висьталӧ Господь, – Ме лоа израильса быд чужанкотырлӧн Енмӧн, а найӧ – Менам войтырӧн.

Еремей 31:33

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Еремей 32:38

Найӧ лоӧны Менам войтырӧн, а Ме – налӧн Енмӧн.

Левит 11:45

Ӧд Ме – Господь. Ме петкӧді тіянӧс Египет муысь, медым лоны тіян Енмӧн. Сідзкӧ, лоӧй вежаӧсь, ӧд Ме – вежа».

Левит 25:37

Сетан кӧ сылы уджйӧзӧн сьӧм, бӧрсӧ содтӧдӧн эн босьт. Сетан кӧ сылы нянь, сетӧм дорсьыд унджык эн босьт.

Лыд 15:41

Ме – Господь, тіян Енныд. Ме петкӧді тіянӧс Египетысь, медым лоны тіян Енмӧн. Ме – Господь, тіян Енныд».

Еврейяслы 11:16

Но найӧ кӧсйисны овмӧдчыны бурджык муӧ – енэжӧ. Та вӧсна Енмыс оз яндысь шуны Асьсӧ налӧн Енмӧн, ӧд Сійӧ дасьтіс налы кар.