Исай 63:17 - Коми Библия 2023

¹⁷ Господьӧй, мыйла Тэ лэдзан миянлы кежны Тэнад туй вылысь, мыйла лэдзан чорзьыны сьӧлӧмнымлы, медым ми эгӧ полӧй Тэысь? Бергӧдчы миянлань Аслад кесйӧгъясыд вӧсна, Аслад бӧрйӧм чужанкотыръясыд ради.

Исай 63:17 ပူးပေါင်းရင်းမြစ်များ

Псалтыр 141:4

Видзӧд, некод оз кӧсйы тӧдны менӧ, меным некытчӧ пышйыны, ме вӧсна некод оз тӧждысь.

Псалтыр 80:14

Менам войтырӧй кӧ кывзіс Менӧ, Израиль войтыр кӧ ветліс Менам туйясӧд,

Псалтыр 90:13

Яда змей вылӧ тувччан, талялан левӧс да гундырӧс.

Петӧм 11:10

Мӧисей да Аарон вӧчисны став тайӧ [индысьпассӧ да] шензьӧданаторсӧ фараон водзын, но Господь чорзьӧдіс фараонлысь сьӧлӧмсӧ. Фараон эз лэдз Израиль пиянӧс аслас муысь.

Петӧм 4:21

Господь шуис Мӧисейлы: «Кор тэ воан Египетӧ, вӧч сэні фараон водзын став шензьӧданаторсӧ, мый Ме тшӧкті тэныд вӧчны. Ме чорзьӧда фараонлысь сьӧлӧмсӧ, и сійӧ оз лэдз Израиль войтырӧс.

Исай 19:25

Господь Саваоф бурсиас найӧс тадзи: «Бурсиа Ассьым Египет войтырӧс, бурсиа Аслам киӧн вӧчӧм Ассур войтырӧс да Ассьым бӧрйӧм Израиль войтырӧс».

Исай 29:13

Господь шуис: – Тайӧ войтырыс матыстчӧ Ме дінӧ кывнас, вомнас найӧ пыдди пуктӧны Менӧ, но налӧн сьӧлӧмныс ылын Меысь. Меысь налӧн вежавидзӧмыс – тайӧ сӧмын тшӧктӧм серти вӧчӧм – тшӧктӧм, мыйӧ велӧдісны найӧс йӧзыс.

Исай 29:14

Та вӧсна тайӧ войтырыслы Ме бара кута петкӧдлыны Ассьым чуймӧдана да шензьӧдана уджъясӧс. Сэки на пӧвстысь мывкыда йӧзлӧн мывкыдлуныс бырас, сюсь вежӧра йӧзлӧн вежӧрлуныс вошас.

Исай 30:28

Сылӧн ловшыыс ойдӧм ва кодь, мый кыпӧдчӧ голя помӧдз. Господь кутас пожнавны войтыръясӧс, медым бырӧдны найӧс, Сійӧ кӧртвомалас найӧс, медым бокӧ кежӧдны найӧс туй вылысь.

Исай 6:10

Чорзьӧд тайӧ войтырыслысь сьӧлӧмнысӧ, найӧ мед лоӧны сьӧкыд пеляӧсь, куньса синмаӧсь. Синнаныс мед оз аддзыны, пельнаныс мед оз кывны, сьӧлӧмнаныс мед оз гӧгӧрвоны, Мелань мед оз бергӧдчыны, медым Ме бурдӧді найӧс».

Бӧрданкыв 3:9

Изъясӧн потшӧсаліс менсьым туйӧс, чукыльтіс менсьым ордымӧс.

Езекиль 20:26

Найӧ сотлісны биын ассьыныс медводдза чужысь пиянсӧ. Ме лэдзи налы пежавны асьнысӧ татшӧм висьяснас, но ысті на пӧвстӧ ыджыд полӧм да сеті налы тӧдны, мый Ме – Господь.

Закар 1:12

Сэки андел шыасис Господь дінӧ: «Господь Саваоф, дыр-ӧ на Тэ он бурсьӧлӧмтчы Ерусалим да мукӧд Иуда каръяс дінӧ? Сизимдас во нин Тэ скӧралан на вылӧ».

Лыд 10:36

Кор Йитӧд кудйыс сувтліс, Мӧисей шуліс: «Господьӧй, бӧр лок лыдтӧм-тшӧттӧм Израиль пияныд дінӧ!»

Иоан 12:40

– Енмыс тупкис налысь синнысӧ, чорзьӧдіс налысь сьӧлӧмнысӧ, медым эз аддзыны синнаныс, эз гӧгӧрвоны сьӧлӧмнаныс да эз бергӧдчыны Мелань, медым Ме бурдӧді найӧс.

Индӧд 2:30

Но хешбонса Сигон ӧксы эз лэдз миянӧс мунны аслас муӧд, ӧд Господь, тіян Енныд, чорзьӧдіс Сигонлысь сьӧлӧмсӧ, медым сетны сійӧс тіян киӧ. Тадзи ставыс артмис.

Нав Исус 11:20

Ӧд Господь чорзьӧдіс тайӧ войтыръяслысь сьӧлӧмсӧ да ышӧдіс найӧс уськӧдчыны Израиль войтыр вылӧ, медым израильсаяс жалиттӧг дзикӧдз бырӧдісны найӧс, кыдзи Господь тшӧктіс Мӧисейлы.