Исай 63:15 - Коми Библия 2023

¹⁵ Видзӧдлы енэжсяньыс, видзӧдлы Аслад вежа да дзирдлуна оланінсянь! Кӧні Тэнад вежӧгтӧмыд да вынйӧрыд? Тэнад сьӧлӧмыд тупкыса меным, Тэ он бурав ме дінӧ.

Исай 63:15 ပူးပေါင်းရင်းမြစ်များ

Ӧксыяслӧн 3 небӧг 8:27

Збыльысь, му вылын-ӧ Енмыслы овны? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті [Тэнад нимлы], оз вермы тӧрӧдны Тэнӧ.

2 Каднебӧг 30:27

Попъяс да левитъяс бурсиисны войтырсӧ. Енмыс кыліс налысь гӧлӧс шысӧ, налӧн кевмӧмыс воис енэжӧдз, Енлӧн вежа оланінӧдз.

Псалтыр 123:1

Крамӧ мунігӧн сьылӧм. Давидлӧн сьыланкыв. Эз кӧ Господь вӧв миян дор, – мед шуас тадзи Израиль –

Псалтыр 25:6

Господьӧй, ме мыжтӧм, мыська киӧс да кута ветлӧдлыны Тэнад висьпуктанін гӧгӧр,

Псалтыр 33:14

кут ассьыд кывтӧ лёк сёрниысь, видз ассьыд вомтӧ пӧръясьӧмысь.

Псалтыр 68:5

Помкатӧг менӧ мустӧмтысьыс унджык менам юрси дорысь, менӧ дзескӧдысьяс ёнмӧдчӧны, меным ковмас сетны весиг сійӧ, мый эг босьтлы налысь.

Псалтыр 77:10

Асныраяс эз видзны Енлысь йитӧдсӧ, эз кӧсйыны овны Сылӧн Индӧд серти.

Псалтыр 80:14

Менам войтырӧй кӧ кывзіс Менӧ, Израиль войтыр кӧ ветліс Менам туйясӧд,

Псалтыр 80:15

Ме эськӧ ӧдйӧ ланьтӧді налысь вӧрӧгсӧ, Ассьым киӧс эськӧ лэпті найӧс дзескӧдысьяслы паныд,

Исай 16:11

Та вӧсна менам пытшкӧсӧй гусли моз бӧрдӧ Моав вӧсна, сьӧлӧмӧй бӧрдӧ Кир-Харешет вӧсна.

Исай 26:11

Господьӧй, Ассьыд китӧ Тэ лэптӧмыд вылӧ, но лёк вӧчысьяс оз аддзыны сійӧс. А кор аддзасны, лоӧ юръяндзим налы, кодъяс мустӧмтӧны Тэнсьыд войтыртӧ. Тэныд паныд сувтысьясӧс сотас би.

Исай 37:32

Ерусалим карын ловйӧн кольӧмаяс паськӧдчасны кар гӧгӧрыс, мездмӧмаяс паськӧдчасны Сион керӧс гӧгӧр. Тадзи вӧчас Господь Саваоф, ӧд Сійӧ – вежӧгтысь Ен.

Исай 42:13

Господь петас тышкаморт моз, шыпурта моз Сійӧ тырас скӧрлунӧн, Сійӧ гораа горӧдас, чукӧстас тыш вылӧ, Сійӧ петкӧдлас Ассьыс вынсӧ паныд сувтысьяслы.

Исай 49:15

Ань ӧмӧй вунӧдас ассьыс пузчужӧм кагасӧ, сійӧ ӧмӧй оз кут жалитны ассьыс чужтӧм кагасӧ? Но весиг мам кӧ вунӧдас ассьыс кагасӧ, Ме тэнӧ ог вунӧд!

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Исай 59:17

Кӧрт кышӧдӧн моз Сійӧ вевттьысис веськыдлуннас, пуктіс юр вылас мездмӧмыслысь юртупкӧдсӧ, пасьталіс Ас вылас водзӧс перъян паськӧмсӧ, вевттьысис скӧрлуннас кышанӧн моз.

Исай 63:9

сьӧкыд кадӧ Сійӧ вӧлі накӧд, Сылӧн анделыс отсаліс налы. Аслас муслуныс да бурлуныс вӧсна Сійӧ мездывліс найӧс, новлӧдліс найӧс ки вылас став важся лунъясӧ.

Исай 64:12

Господьӧй, Тэ ӧмӧй водзӧ на кутан видзӧдны та вылӧ? Кутан ӧмӧй чӧв овны да нем жалиттӧг миянӧс мыждыны?

Исай 66:1

Господь тадзи висьталӧ: – Енэжыс – Менам юралан пуклӧсӧй, муыс – Менам кок улӧй. Кутшӧм керка ті вӧчанныд Меным? Кӧні лоӧ Меным шойччаніныс?

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Еремей 31:20

Но Ефрем – Менам муса пиӧй, сійӧ вайӧ Меным нимкодьлун. Ме унаысь мыждылі сійӧс, но некор ог вунӧд сійӧс! Менам сьӧлӧмӧй висьӧ Ефрем понда, Ме бурсьӧлӧмтча сы дінӧ, – висьталӧ Господь.

Бӧрданкыв 3:50

кытчӧдз Господь оз видзӧдлы да оз аддзы енэжсяньыс.

Осий 11:8

Верма-ӧ Ме эновтны тэнӧ, Ефрем? Верма-ӧ Ме кольны тэнӧ, Израиль? Верма-ӧ эновтны тэнӧ Адмаӧс моз, вӧчны тэкӧд Севоимкӧд моз? Менам сьӧлӧмӧй небзьӧ, Менам пытшкӧсӧй нормӧ.

Йоиль 2:18

Сэки Господь сувтас дорйыны Ассьыс мусӧ, Сійӧ бурсьӧлӧмтчас Аслас войтырыс дінӧ.

Лука 1:78

Миян бур сьӧлӧма Ен ыстас миянлы енэжсянь асъя кыа,

Индӧд 26:15

Видзӧдлы Аслад вежа оланінсянь, енэжсяньыд, да бурси Ассьыд Израиль войтыртӧ да тайӧ мусӧ, кӧні визувтӧ йӧв да ма, мусӧ, мый Тэ сетін миянлы, кыдзи кыв сетӧмӧн кӧсйысин миян батьяслы”.

Филипӧ 2:1

Кристоскӧд олӧмыс кӧ ышӧдӧ тіянӧс, Сылӧн муслуныс кӧ бурӧдӧ тіянӧс, Енлӧн Лолыс кӧ ӧтвывтӧ тіянӧс, ті кӧ меліӧсь да бур сьӧлӧмаӧсь ӧта-мӧдныд дінӧ,

1 Иоан 3:17

Вермас-ӧ Енлӧн муслуныс лоны сійӧ морт пытшкас, кодлӧн ставыс эм, но вокыслысь гӧльлунсӧ аддзигӧн сійӧ чорзьӧдӧ сьӧлӧмсӧ да оз отсав сылы?