Исай 42:12 - Коми Библия 2023

¹² Мед кыпӧдасны ошкӧм Господьлы, мед Сійӧс ошкасны саридз дорын олысьяс!

Исай 42:12 ပူးပေါင်းရင်းမြစ်များ

Псалтыр 66:2

Енмыс мед бурсьӧлӧмтчас миян дінӧ да бурсиас миянӧс, видзӧдлас миян вылӧ югыд чужӧмбаннас.

Псалтыр 97:1

[Давидлӧн] псалом. Сьылӧй Господьлы выль сьыланкыв! Сійӧ вӧчис шензьӧданаторъяс. Сылӧн веськыд киыс да вежа выныс вайисны Сылы вермӧмсӧ.

Исай 12:4

Сійӧ лунӧ ті шуанныд: «Ошкӧй Господьӧс, шыасьӧй Сы дінӧ! Юӧртӧй войтыръяслы Сылӧн уджъясыс йылысь, висьтавлӧй, кутшӧм ыджыд Сылӧн нимыс.

Исай 42:4

Сійӧ оз лигышмун, оз жебмы, Сійӧ вынсьӧдас му вылын веськыда мыждӧм. Сылысь велӧдӧмсӧ виччысьӧны саридз дорын олысьяс.

Исай 43:21

Тайӧ войтырсӧ Ме Аслым вӧчи, сійӧ кутас кыпӧдны Меным ошкӧмсӧ.

Ӧксыяслӧн 1 небӧг 6:5

Вӧчӧй мыльяссӧ да мунытӧ бырӧдысь крысаяссӧ, мед пыдди пуктыны Израильлысь Енсӧ. Гашкӧ, Сійӧ вештас Ассьыс мыждӧмсӧ тіян вылысь, тіян енъяс да тіян му вылысь.