Исай 35:6 - Коми Библия 2023

⁶ Чотысь пондас кӧр моз чеччавны, сёрнитны вермытӧм морт пондас сьывны. Кушинын воссясны ва петанінъяс, кос му вывті визувтасны шоръяс.

Исай 35:6 ပူးပေါင်းရင်းမြစ်များ

Неемий 9:15

Тшыгъяліганыс Тэ сетін налы енэжсянь нянь, горш косьмиганыс Тэ изкыртаысь перйин налы ва. Тэ тшӧктін налы мунны да босьтны аслыныс му, мый китӧ лэптӧмӧн кӧсйысин сетны налы.

Псалтыр 46:4

Сійӧ сетіс миян кипод улӧ войтыръясӧс, пуктіс найӧс миян кок улӧ.

Петӧм 17:6

Хорив изкырта вылын Ме сувта тэ водзӧ. Тэ вачкан изкыртаӧ, и сэтысь ыльӧбтас ва. Тайӧ васӧ мед юас войтырыд». Мӧисей вӧчис тадзи израильса юрнуӧдысьяслӧн син водзын.

Исай 30:25

Сійӧ лунӧ, кор вӧрӧгӧс лоӧ пасьвартӧма, кор усясны башняяс, быд джуджыд керӧс вывсянь визувтасны шоръяс.

Исай 32:2

Быдӧн на пиысь лоӧ тӧвнырысь вевттьӧдӧн, бушколысь сайӧдӧн, кос муын ва петанінӧн, пӧжан муын джуджыд керӧслӧн вуджӧрӧн.

Исай 32:4

Тэрмасьысь велӧдчас мӧвпавны коланасӧ, пыськыль кывъя морт пондас ясыда сёрнитны.

Исай 33:23

Кор тэнад гезъясыд личаласны, оз нин вермыны кутны шолга да зэвтны тӧвдӧра, сэки кутан юклыны тышын шедӧдӧм ыджыд эмбуртӧ, весиг чотысьяс уськӧдчасны юклыны сійӧс.

Исай 35:1

Мед нимкодясясны овтӧмин да кос му, мед нимкодясяс кушин, сійӧ пондас дзоридзавны лилия моз.

Исай 42:11

Мед гораа ошкасны кушинын да сыбердса каръясын олысьяс, сиктъясын олысь Кедарлӧн рӧдыс. Мед гораа нимкодясясны керӧсвывса олысьяс, налӧн гӧлӧс шыныс мед юргас керӧс вывсянь.

Исай 44:3

Потласьӧм му вылӧ Ме кисьта ва, косьмӧм му вылын писькӧда юяс. Тэсянь чужысьяс вылӧ Ме кисьта Ассьым лолӧс, тэнад челядь вылӧ – Ассьым бурсиӧмӧс.

Исай 48:21

Кор Господь нуӧдіс найӧс овтӧминӧд, найӧ эз сьӧкыдавны горш косьмӧмысь. Господь сетіс налы изйысь ва, Сійӧ поткӧдіс изсӧ, и сэтысь визувтіс ва.

Исай 51:3

Господь бурӧдас Сион, бурӧдас пазӧдӧм карсӧ, сылысь овтӧминсӧ вӧчас рай кодьӧн, сылысь кушинсӧ вӧчас Господьлӧн сад йӧрӧн. Сэні пондасны нимкодясьны да гажӧдчыны, кыпыда ошкыны да сьывны.

Йоиль 3:18

Сійӧ лунӧ керӧсъяс вывсянь пондас войтавны вина, мылькъяс вывті визувтны йӧв, Иуда муын сёртасъяс тырасны ваӧн. Господьлӧн крамысь визувтас ва, сійӧ пондас юктавны Ситтим ковтыс.

Закар 14:8

Сійӧ лунӧ Ерусалимсянь пондас визувтны ловъя ва. Визулыс юксяс кык пельӧ: ӧтиыс визувтас асыввыв саридзӧ, мӧдыс – рытыввыв саридзӧ. Ваыс кутас визувтны тӧв и гожӧм.

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Лыд 20:11

Мӧисей кыпӧдіс кисӧ да кыкысь вачкис бедьнас изкыртаӧ, и сэтысь ыльӧбтіс ва. Войтырыс да налӧн ыж-мӧсныс пӧттӧдзныс юисны.

Матвей 11:5

– Синтӧмъяс аддзӧны, коктӧмъяс ветлӧны, проказаысь сӧстӧммӧны, пельтӧмъяс кылӧны, кулӧмаяс ловзьӧны, коньӧръяслы Бур Юӧр висьталӧны.

Матвей 12:22

Исус дінӧ вайӧдісны пеж лолӧн кутӧм мортӧс, сійӧ вӧлі синтӧм, эз вермы сёрнитны. Исус бурдӧдіс сійӧс, и сійӧ пондіс сёрнитны да аддзыны.

Матвей 21:14

Крамын матыстчисны Исус дінӧ синтӧмъяс да коктӧмъяс. Исус бурдӧдаліс найӧс.

Лука 1:64

Сэки воссис Закарлӧн кыв-ворыс, да сійӧ кутіс ошкыны Енмӧс.

Лука 11:14

Исус вӧтліс сёрниттӧм морт пытшкысь пеж лолӧс. Пеж ловлӧн петӧм бӧрын мортыс пондіс сёрнитны. Йӧзсӧ тайӧ шензьӧдіс,

Ап. уджъяс 3:2

Сэні вӧлі чужӧмсяньыс коктӧм морт. Сійӧс быд лун вайлісны крамӧ да пуксьӧдлісны сідз шусяна Мича дзиръя дорӧ, медым сійӧ корис крамӧ волысьяслысь.

Ап. уджъяс 8:7

Уна пытшкысь лёкысь горзӧмӧн петісны пеж ловъяс, унаӧн вӧрзьӧдчыны вермытӧмъясысь да чотысьясысь бурдісны.

Колосӧ 3:16

Кристослӧн кывйыс мед озыра овмӧдчас тіян пытшкӧ. Мывкыда велӧдӧй-туйдӧдӧй ӧта-мӧднытӧ. Господьӧс аттьӧалӧмӧн сьӧлӧмсяньныд сьылӧй псаломъяс, ошкана сьыланкывъяс да бурсьылӧмъяс.

Восьтӧм 22:1

Сэсся андел петкӧдліс меным ю, сэні визувтіс сӧстӧм ловъя ва. Сійӧ вӧлі крусталь кодь югыд. Ваыс петіс Енлӧн да Балялӧн юралан пуклӧссянь.

Восьтӧм 22:17

Лов да гӧтырпу шуӧны: «Лок!» Тайӧс кылысь мед тшӧтш шуӧ: «Лок!» Кодлӧн косьмӧ горшыс, мед локтӧ! Коді кӧсйӧ юны, мед босьтӧ ловъя васӧ дон мынтытӧг.