Иоан 19:31 - Коми Библия 2023

³¹ Ставыс тайӧ вӧлі Ыджыд лунлы паныд лунӧ. Иудейяслӧн веськӧдлысьяс эз кӧсйыны, медым шойясыс колисны крест вылын ӧшавны шойччан лун кежлӧ, ӧд матыстчис Ыджыд лун. Та вӧсна корисны Пилатӧс, медым тшӧктіс чегъявны тувъялӧмаяслысь кокчӧр лыяссӧ да лэдзны найӧс крест вылысь.

Иоан 19:31 ပူးပေါင်းရင်းမြစ်များ

Петӧм 12:16

Медводдза лунӧ да сизимӧд лунӧ тіян мед лоӧ вежа чукӧртчӧм. Некутшӧм удж энӧ вӧчӧй тайӧ лунъясӧ, сӧмын сёян позьӧ лӧсьӧдны.

Шусьӧгъяс 12:10

Веськыда олысь аслас ыж-мӧскыс вӧсна тӧждысьӧ, а мыжа мортлӧн сьӧлӧмыс чорыд.

Микей 3:3

Ті сёянныд Менам войтырлысь вир-яйсӧ, кулянныд кучиксӧ, налысь лыяссӧ чегъяланныд, вундаланныд яйсӧ, медым пӧртйӧ тэчны, рач вылӧ пуктавны.

Матвей 27:62

Мӧд луннас, шойччан лунӧ, аркирейяс фарисейяскӧд локтісны Пилат дінӧ

Марк 15:42

Вӧлі рыт, шойччан лунлы паныд.

Иоан 19:1

Сэки Пилат тшӧктіс чорыда нӧйтны Исусӧс.

Иоан 19:14

Тайӧ вӧлі Ыджыд лунлы паныд, луншӧрнас. Пилат шуис иудейяслы: «Со, тіян Ӧксыныд!»

Иоан 19:42

Матыстчис иудейяслӧн шойччан лун, та вӧсна Исуслысь шойсӧ пуктісны тайӧ дзебанінас, ӧд дзебаніныс вӧлі матын.

Нав Исус 8:29

Гайса ӧксыӧс Исус ӧшӧдіс пу вылӧ, сійӧ ӧшаліс сэні рытӧдзыс. Шонді лэччӧм бӧрын Исуслӧн тшӧктӧм серти шойсӧ лэдзисны сэтысь, шыбитісны карса дзиръя дорӧ да тыртісны изъясӧн. Ӧнӧдз на сэні эм ыджыд из чукӧрыс.