Иоан 18:26 - Коми Библия 2023

²⁶ Сэні вӧлі аркирейлӧн кесйӧг. Тайӧ кесйӧгыс вӧлі рӧдвуж сылы, кодлысь пельсӧ Петыр керыштіс. Сійӧ юаліс Петырлысь: «Эн-ӧ тэ вӧв Сыкӧд тшӧтш сад йӧрас?»

Иоан 18:26 ပူးပေါင်းရင်းမြစ်များ

Шусьӧгъяс 12:19

Збыльсӧ висьталысьыд пыр лоӧ, ылӧгсӧ сёрнитысьыд дыр оз ов.

Матвей 26:73

Бӧрынджык сэні сулалысьяс матыстчисны да шуисны Петырлы: «Тэ дзик на пиысь, сёрниыд налӧн кодь».

Лука 22:58

Недыр мысти мӧд морт аддзис сійӧс да шуис: «Тэ дзик на пиысь». Петыр шуис сылы: «Абу».

Иоан 18:1

Тайӧс шуӧм бӧрын Исус муніс велӧдчысьясыскӧд Кедрон ковтыс сайӧ да пырис накӧд сад йӧрӧ.

Иоан 18:10

Симон-Петырлӧн вӧлі шыпурт. Сійӧ кыскис шыпуртсӧ да керыштіс аркирей кесйӧглысь веськыд пельсӧ. Кесйӧглӧн нимыс вӧлі Малк.