Филипӧ 2:25 - Коми Библия 2023

²⁵ Но медводз лыддя коланаӧн мӧдӧдны тіян дінӧ Епафродит вокӧс, ассьым уджъёртӧс да отсасьысьӧс. Ті мӧдӧдлінныд сійӧс, медым сетны меным колана отсӧг.

Филипӧ 2:25 ပူးပေါင်းရင်းမြစ်များ

Шусьӧгъяс 25:13

Кӧдзыд ва ыркӧдӧ нянь вундысьӧс – татшӧм жӧ эскана кесйӧг аслас мӧдӧдысьлы, сійӧ вын сетӧ аслас ыджыдыслы.

Иоан 13:16

Веськыда, веськыда висьтала тіянлы: кесйӧг абу ыджыдджык аслас ыджыдысь, мӧдӧдӧм морт абу ыджыдджык сійӧс мӧдӧдысьысь.

Иоан 17:18

Тэ мӧдӧдін Менӧ муюгыдас. Тэ моз жӧ Ме мӧдӧді найӧс муюгыдас.

Римӧ 16:3

Висьталӧй чолӧм Прискиллалы да Акиллы. Найӧ мекӧд ӧтвыв кесъялӧны Исус Кристослы.

Римӧ 16:9

Чолӧм Урбанлы, сійӧ миянкӧд ӧтвылысь кесъялӧ Кристослы. Чолӧм муса Стакий ёртлы.

1 Коринфӧ 3:9

Ми – Енлӧн уджъёртъяс, а ті – Сылӧн кӧдзӧм муыс, Сылӧн тэчасыс.

2 Коринфӧ 2:13

Но сьӧлӧмӧй ёна майшасис, Тит вокӧс сэтысь эг аддзы да. Сэки ме янсӧдчи сэтчӧс йӧзкӧд да мӧдӧдчи Македонияӧ.

Филипӧ 2:26

Сійӧ ёна гажтӧмтчӧ тіян вӧсна да шогсьӧ, мый ті тӧданныд сылӧн висьӧм йылысь.

Филипӧ 4:18

Епафродит сетіс тіянлысь мӧдӧдӧмторнытӧ, ӧні менам ставыс эм, весиг коланасьыс унджык на. Тіян сетӧмторныд – Енлы шогмана чӧскыда ӧвтан вись кодь, тайӧ Сылы сьӧлӧм сертиыс.

Филипӧ 4:3

Кора тэнӧ, эскана уджъёртӧй, отсав тайӧ аньясыслы. Кор ме висьтавлі Бур Юӧрсӧ, найӧ пыр вӧліны мекӧд, кыдзи и Климент да мукӧд уджалысьяс, кодъяслысь нимъяссӧ гижӧма Олӧмыслӧн небӧгӧ.

Колосӧ 1:7

Ті кылінныд тайӧс миян муса Епафрас уджъёртсянь, коді уджалӧ тіян пӧвстын. Сійӧ – Кристослӧн эскана кесъялысь.

Колосӧ 4:11

Чолӧм Исуссянь, кодӧс нимтӧны Юстӧн. Вундыштчӧмаяс пиысь сӧмын найӧ вӧчӧны мекӧд Ен Юралӧмлысь уджсӧ да вайӧны меным нимкодьлун.

1 Фессалоникаӧ 3:2

а Тимофей вокнымӧс мӧдӧдам тіян дінӧ. Сійӧ миянкӧд ӧтвыв кесъялӧ Енмыслы, отсалӧ висьтавлыны Кристослысь Бур Юӧрсӧ. Ми мӧдӧдім сійӧс тіян дінӧ, медым ышӧдны тіянӧс да ёнмӧдны эскӧмнытӧ,

Филимонлы 1:24

Марк, Аристарк, Димас да Лука, менам уджъёртъясӧй, тшӧтш ыстӧны чолӧм.

Еврейяслы 3:1

Вокъяс, ме шыася тіян дінӧ, вежа войтыр да Енлӧн корӧмаяс дінӧ: видзӧдӧй Исус Кристос вылӧ. Сійӧс Енмыс мӧдӧдіс, Сійӧ – Аркирей, кодлы ми эскам.