Филипӧ 1:20 - Коми Библия 2023

²⁰ Лача кута, мый меным нинӧмысь лоӧ яндысьнысӧ, но воддза мозыс лоа повтӧмӧн да кута водзӧ вайны Кристослы ошкӧмсӧ аслам вир-яйын – олӧмӧн али кулӧмӧн.

Филипӧ 1:20 ပူးပေါင်းရင်းမြစ်များ

Псалтыр 25:2

Господьӧй, видзӧдлы менам сьӧлӧмӧ да тӧдмав менӧ, тӧдмав менсьым мӧвпъясӧс да сьӧлӧмӧс.

Псалтыр 62:5

Кута ошкыны Тэнӧ, кытчӧдз ме ловъя, Тэ дінӧ шыасьӧмӧн кыпӧда ассьым киӧс.

Шусьӧгъяс 10:28

Веськыда олысь долыда виччысьӧ, а лёк вӧчысьлӧн лачаыс абу.

Шусьӧгъяс 23:18

Сэки тэнад лоӧ аскиа луныс, тэнад лачаыд оз кус.

Исай 45:17

Но Господь мездас Израильӧс, сійӧс лоӧ мездӧма пыр кежлӧ! Тіянӧс оз ло янӧдӧма, тіянлы некор оз ло юръяндзим.

Исай 50:7

Господь Ыджыдыс отсалӧ меным, та вӧсна ме ог яндысь, менам чужӧмӧй из кодь. Ме тӧда, меным оз ло яндзим,

Исай 54:4

Эн пов, водзӧ тэнӧ некод оз кут янӧдны, эн майшась, тэныд оз ло юръяндзим. Тэ вунӧдан томдырся яналӧмтӧ, он нин кут казьтывны дӧва кадся увтыртӧмтӧ.

Иоан 21:19

Тайӧс висьталӧмнас Исус сетіс тӧдны, кутшӧм ногӧн ковмас кувны Петырлы да нимӧдны Енмӧс. Сэсся шуис Петырлы: «Лок Ме бӧрся».

Ап. уджъяс 20:24

Ме нинӧм вылӧ ог видзӧд, олӧмӧй меным абу дона. Сӧмын кӧсъя долыд сьӧлӧмӧн помӧдз мунны лӧсьӧдӧм туйӧдыс да помавны кесъялӧмӧс, мый Господь Исус сетіс меным – висьтавны Енлӧн буралӧм йылысь Евангелльӧсӧ.

Ап. уджъяс 21:13

Павел воча шуис: «Мый ті бӧрданныд, менсьым сьӧлӧмӧс дойдаланныд? Ме дась лоны кӧрталӧмаӧн, весиг дась кувны Ерусалимын Господь Исус ним вӧсна».

Ап. уджъяс 4:31

Кевмысьӧм бӧрас чукӧртчанінын муыс вӧрзис. Ставныс тырисны Вежа Лолӧн да повтӧг пондісны висьтавны Енлысь кывсӧ.

Римӧ 12:1

Вокъяс, Енлӧн ыджыд буралӧмыс вӧсна кора тіянӧс: сетӧй асьнытӧ Енлы ловъя, вежа да шогмана вись пыдди. Тайӧ лоӧ бур мывкыда кесъялӧм Енмыслы.

Римӧ 5:5

А лачаыс миян абу весьшӧрӧ, ӧд Ен сетӧма миянлы Вежа Ловсӧ да Сы пыр кисьтӧма сьӧлӧманым Ассьыс муслунсӧ.

Римӧ 6:13

Вир-яйныдлысь весиг ӧти юкӧн энӧ сетӧй мыжыслы лёксӧ вӧчӧм вылӧ. Ӧні ті – кулӧмысь ловзьӧмаяс. Сідзкӧ, сетӧй асьнытӧ да вир-яйныдлысь быд юкӧн Енмыслы, мед вӧчны веськыд уджъяс.

Римӧ 6:19

Ме сёрнита тіянкӧд быдлунъя олӧмсьыс босьтӧм кывъясӧн, медым ті верминныд гӧгӧрвоны менӧ. Водзын кӧ ті вир-яйныдлысь быд юкӧн сетінныд пежыслы вӧчны лёк уджъяс, ӧні быд юкӧн сетӧй веськыдлуныслы вӧчны вежа уджъяс.

Римӧ 8:19

Енлӧн став вӧчӧмторйыс ёна виччысьӧ Ен ныв-пилысь воссьӧмсӧ.

Римӧ 9:33

Та йылысь гижӧма: – Сионӧ Ме пукта из, кытчӧ найӧ крукасясны-усясны. Но Сылы эскысь оз янав.

1 Коринфӧ 15:31

Вокъяс, ме быд лун куланвыйын – тайӧ збыль, кыдзи збыль и сійӧ, мый ме ошйыся тіянӧн Исус Кристос Господьным водзын.

1 Коринфӧ 6:20

Енмыс ньӧбис тіянӧс ыджыд дон вылӧ. Сідзкӧ, ошкӧй Енсӧ вир-яйнад и ловнад, ӧд ставыс Сылӧн.

1 Коринфӧ 7:34

Верӧстӧм ань тӧждысьӧ, медым Господьлы шогмыны, медым вир-яйнас да ловнас Сы водзын вежаӧн лоны. А верӧс сайӧ петӧм ань тӧждысьӧ быдлунъя могъяс вӧсна, медым верӧсыслы шогмыны.

2 Коринфӧ 10:8

Меным абу яндзим, весиг кӧ ёнджыка на ошйыся. Ӧд ме ошйыся сыӧн, мый Господь пуктіс миянӧс ыджыдавны тіянӧс ёнмӧдӧм могысь, эз жугӧдӧм могысь.

2 Коринфӧ 3:12

Та вылӧ лача кутӧмӧн ми сёрнитам повтӧг.

2 Коринфӧ 4:10

Асланым вир-яйын ми пыр новлӧдлам Господь Исуслысь кулӧмсӧ, медым миян вир-яйын тыдовтчис тшӧтш Сылӧн олӧмыс.

2 Коринфӧ 5:15

Кристос куліс ставныс понда, медым олысьяс эз нин ас вӧснаныс овны, но олісны на понда Кулысь да Ловзьысь вӧсна.

2 Коринфӧ 7:14

Ме ошйысьлі Тит водзын тіянӧн, да меным абу яндзим таысь. Ми ставсӧ висьтавлім тіянлы веськыда, и Тит водзын миян ошйысьӧмным тшӧтш вӧлі веськыд.

2 Коринфӧ 7:4

Ме ёна эска тіянлы да ошйыся тіянӧн. Шогъяс вылӧ видзӧдтӧг ме ёна нимкодяся, ӧд ті ёна бурӧданныд менӧ.

Филипӧ 1:14

Менам дзескыдінын пукалӧмӧй ышӧдіс уна вокӧс. Найӧ ёнджыка на повтӧг кутісны висьтавлыны Енлысь кывсӧ.

Филипӧ 2:17

Весиг ковмас кӧ кисьтны ассьым вирӧс да вайны ачымӧс вись пыдди тіян эскӧмныд вӧсна, тіянкӧд ӧтвыв кута нимкодясьны.

Колосӧ 1:24

Ӧні ме нимкодяся тіян вӧсна сьӧкыдалігӧн. Кристослӧн вир-яйыс вӧсна, Сылӧн вичкоыс вӧсна, аслам вир-яйын сьӧкыдсӧ нуигӧн ме тырта Кристос шогъяслысь лыдсӧ.

1 Фессалоникаӧ 5:23

Лӧньлуныслӧн Ен мед Ачыс тырвыйӧ вежӧдас тіянӧс да видзас тіянлысь ловнытӧ, олӧмнытӧ да вир-яйнытӧ сӧстӧмӧн миян Господь Исус Кристос локтігкежлӧ.

1 Петыр 4:16

Но сьӧкыдалӧ кӧ кодкӧ Кристослы эскӧмысь, мед оз яндысь. Мӧдарӧ, мед ошкӧ Енсӧ таысь.

1 Иоан 2:28

Челядь, лоӧй Сы пытшкынӧсь, медым Сылӧн локтігӧн ми вӧлім повтӧмӧсь, мед эз вӧв яндзим миянлы сувтны Сы водзӧ.