Езекиль 9:10 - Коми Библия 2023

¹⁰ Та вӧсна Ме ог жалит найӧс, ог бурсьӧлӧмтчы на дінӧ. Ме мынтыся налы олан туйныс серти».

Езекиль 9:10 ပူးပေါင်းရင်းမြစ်များ

Ӧксыяслӧн 3 небӧг 8:32

сэки Тэ кыв енэжсяньыд да веськыда мыжды ассьыд кесйӧгъястӧ: мыжаӧс мыжды, мед сылы юр вылас усьӧ аслас мыжыс, а мыжтӧмӧс дорйы да мынтысь сылы веськыдлуныс серти.

2 Каднебӧг 6:23

сэки Тэ кыв енэжсяньыд да веськыда мыжды Ассьыд кесйӧгъястӧ: мыжаӧс мыжды, мед сылы юр вылас усьӧ аслас мыжыс, а мыжтӧмӧс дорйы да мынтысь сылы веськыдлуныс серти.

Исай 13:18

Том зонъясӧс найӧ лыйласны ньӧввужйысь, кагаясӧс найӧ оз жалитны, челядь дінӧ оз бурсьӧлӧмтчыны.

Исай 65:6

Ме тӧда налысь уджъяссӧ, та йылысь гижӧма: Ме ог кут чӧв овны, Ме мынтыся тіянлы, мынтыся тіянлы тырвыйӧ

Бӧрданкыв 1:5

Дзескӧдысьяс ыджыдалӧны Сион вылын, мустӧмтысьяс гажаа олӧны. Сионлӧн уна мыж вӧсна Господь ыстіс сылы шог. Сылысь челядьсӧ нуӧдісны пленӧ, дзескӧдысьяс вӧтлісны найӧс водзвыланыс.

Езекиль 11:21

Но зывӧкторъяслы юрбитысьяслы Ме мынтыся олан туйныс серти, – висьталӧ Господь Ыджыдыс».

Езекиль 16:43

Сыысь, мый тэ вунӧдін том кадтӧ да скӧрмӧдін Менӧ аслад уджъясӧн, Ме мынтыся тэныд олан туйыд серти, – висьталӧ Господь Ыджыдыс. – Тэнад уджъясыд ӧд пежӧсь да зывӧкӧсь.

Езекиль 17:19

Господь Ыджыдыс тадзи висьталӧ: Ме Ачым кыв сетӧмӧн шуа, мый мынтыся сылы уджъясыс серти. Ӧд Ме водзын сетӧм кывсӧ сійӧ нинӧмӧ пуктіс да Ме водзын вынсьӧдӧм сёрнитчӧмсӧ торкис.

Езекиль 22:31

Та вӧсна ме кисьта Ассьым скӧрлунӧс на вылӧ да Аслам ярлуна биӧн бырӧда найӧс. Ме мынтыся налы олан туйныс серти, – висьталӧ Господь Ыджыдыс».

Езекиль 23:49

Ті мынтысянныд лэдзчысьӧм оласногсьыныд да идолъяслы юрбитӧмсьыныд. Ме мыжда тіянӧс тайӧ мыжъясысь, и ті тӧдмаланныд, мый Ме – Господь Ыджыдыс».

Езекиль 24:14

Тайӧс висьтала Ме, Господь. Мый шуи, вӧча, ог веж Ассьым шуӧмӧс, ог жалит, ог бурсьӧлӧмтчы. Тэнӧ лоӧ мыждӧма лёк оласногыд да уджъясыд серти, – висьталӧ Господь Ыджыдыс».

Езекиль 43:3

Татшӧм жӧ петкӧдчылӧмъяс ме аддзылі, кор Господь воліс бырӧдны Ерусалим кар, и кор ме вӧлі Кевар ю бокын. Ме кымынь уси муас.

Езекиль 5:11

Ме Ачым кыв сетӧмӧн шуа, мый кушӧдз шыра тэнӧ, – висьталӧ Господь Ыджыдыс, – ӧд тэ пежалін Менсьым вежаинӧс аслад пеж уджъясӧн да зывӧкторъясӧн. Ме ог жалит тэнӧ, ог бурсьӧлӧмтчы тэ дінӧ.

Езекиль 7:3

Израиль, тэныд воис пом. Ме кисьта тэ вылӧ Ассьым скӧрлунӧс, мыжда тэнӧ олан туйыд серти, мынтыся зывӧк вӧчӧмсьыд.

Езекиль 7:4

Ме ог жалит тэнӧ, ог бурсьӧлӧмтчы тэ дінӧ. Ме мынтыся тэныд олан туйыд серти, зывӧк вӧчӧмсьыд тэ кывкутан. Сэки ті тӧдмаланныд, мый Ме – Господь.

Езекиль 8:18

Та вӧсна Ме кисьта на вылӧ Ассьым скӧрлунӧс, ог жалит найӧс да ог бурсьӧлӧмтчы на дінӧ. Мед гораа горзӧны Меным, но Ме ог кыв найӧс».

Езекиль 9:11

Сэки шабді паськӧма морт, кодлӧн вӧнь бердас вӧлі гижасянтор, бӧр локтіс да юӧртіс: «Ме вӧчи ставсӧ, мый Тэ тшӧктін меным».

Езекиль 9:5

Ме кылі, кыдзи Господь мукӧдыслы шуис: «Мунӧй сы бӧрся карӧд да жалиттӧг виалӧй йӧзсӧ, энӧ нормӧй сьӧлӧмнаныд.

Осий 9:7

Воис мыждан лун, матысмис мынтысян лун – Израиль мед тӧдӧ тайӧс. Ме, пророк, лои вежӧртӧм, ӧд ті уна лёк вӧчанныд, ме, Ловсянь сёрнитысь, лои йӧй, ӧд ті пыр меным паныд сувтанныд.

Йоиль 3:4

Тир, Сидон да Филистим му, мый ті Месянь кӧсъянныд? Гашкӧ, ті кӧсъянныд водзӧс перйыны Менсьым? Тадзи кӧ, регыд Ме бергӧда водзӧс перйӧмнытӧ ас выланыд.

Закар 11:6

И Ме ог нин бурсьӧлӧмтчы тайӧ муас олысьяс дінӧ, – висьталӧ Господь. – Ме сета найӧс ӧта-мӧдныслӧн киӧ да ӧксыныслӧн кабыр улӧ. Найӧ пасьясны-куштасны ассьыныс мусӧ, и Ме некодӧс ог мезды налӧн киысь».

Индӧд 32:41

чардби моз сявкйысь шыпуртӧс Ме ёсьта, Аслам киӧн Ме мыжда, Меным паныд сувтысьяслысь водзӧс перъя, Менӧ мустӧмтысьяслы мынтыся.

Еврейяслы 10:30

Ми тӧдам тайӧ кывъяссӧ Шуысьӧс: – Ме – водзӧс перъя, Ме мынтыся, – висьталӧ Господь. Нӧшта шуӧма: – Господь кутас мыждыны Ассьыс войтырсӧ.