Езекиль 8:11 - Коми Библия 2023

¹¹ Израиль войтырлӧн сизимдас юрнуӧдысьыс сулалісны серпасъяс водзас. Шафанлӧн Язаний пиыс тшӧтш вӧлі юрнуӧдысьяс пӧвстас. Быдӧн киас кутіс ассьыс тшынӧдчан дозсӧ, и сэтысь чӧскыд дука тшын кымӧрӧн кыптіс вывлань.

Езекиль 8:11 ပူးပေါင်းရင်းမြစ်များ

Ӧксыяслӧн 4 небӧг 22:12

Хилки поплы, Шафанлӧн Ахикам пилы, Микайлӧн Акбор пилы, Шафан гижалысьлы да аслас Асай кесйӧглы ӧксы тшӧктіс:

Ӧксыяслӧн 4 небӧг 22:14

Хилки поп, Ахикам, Акбор, Шафан да Асай мунісны Олдана пророк ань дінӧ. Сылӧн верӧсыс вӧлі Шаллум, коді вӧлі вежа паськӧм видзысьӧн. Шаллумлӧн батьыс вӧлі Тиквай, Тиквайлӧн – Хархас. Олдана оліс Ерусалим карлӧн мӧд юкӧнас. Локтысьяс висьталісны сылы ӧксылысь корӧмсӧ.

Ӧксыяслӧн 4 небӧг 22:3

Аслас дас кӧкъямысӧд веськӧдлан воӧ Иосей ӧксы ыстіс Господьлӧн крамӧ ассьыс Шафан гижалысьӧс. Шафан вӧлі Ацалийлӧн пи, Ацалий – Мешулламлӧн. Иосей шуис Шафанлы:

Ӧксыяслӧн 4 небӧг 22:8

Хилки аркирей шуис Шафан гижалысьлы: «Господьлӧн крамысь ме аддзи Индӧд небӧг». Хилки сетіс небӧгсӧ Шафанлы. Шафан лыддис сійӧс.

Ӧксыяслӧн 4 небӧг 25:22

Вавилонса Навукодоносор ӧксы пуктіс Шафан Ахикамлысь Гедалий писӧ веськӧдлыны Иуда муын кольӧм войтырӧн.

2 Каднебӧг 26:16

Но кор Озейлӧн юралӧмыс зумыдмис, сійӧ пондіс ышнясьны, и тайӧ вайӧдіс сійӧс кулӧмӧдз. Сійӧ мыж вӧчис аслас Господь Енлы паныд, ӧд сійӧ пырис Господьлӧн крамӧ, медым тшынӧдчан висьпуктанін вылын тшынӧдчыны.

2 Каднебӧг 26:19

Озей, кодлӧн киас вӧлі тшынӧдчан дозйыс, ёна скӧрмис. Тайӧ кадас сійӧ сулаліс попъяс водзын Господьлӧн крамын, тшынӧдчан висьпуктанін дорын. Кор сійӧ скӧрмис попъяс вылӧ, сылӧн плешкас мыччысис проказа.

2 Каднебӧг 34:20

Хилкилы, Шафанлӧн Ахикам пилы, Микейлӧн Авдон пилы, Шафан гижалысьлы да аслас Асай кесйӧглы ӧксы тшӧктіс:

Петӧм 24:1

Господь шуис Мӧисейлы: «Кай Ме дінӧ. Тэкӧд тшӧтш мед локтасны Аарон, Надав, Авиуд да Израильлӧн сизимдаснан юрнуӧдысьыс. Ылысянь копыртчылӧй.

Петӧм 24:9

Сэсся Мӧисей да Аарон, Надав да Авиуд Израильлӧн сизимдас юрнуӧдыськӧд кайисны керӧсӧ.

Исай 44:13

Пуысь вӧчасьысь [бӧрйӧм] пусӧ мурталӧ кӧвйӧн, вӧчӧ сэтчӧ серпас, ёсь пуртӧн вундалӧ серпас сертиыс, вӧчӧ пусьыс мича мыгӧра морт кодь идолӧс, пуктӧ сійӧс керка пытшкас.

Еремей 19:1

Господь тадзи висьталіс: «Мун да гырнич вӧчысьлысь ньӧб сёй гырнич. Аскӧдыд босьт войтырлӧн юрнуӧдысьяс пӧвстысь некымынӧс да попъяс пӧвстысь некымын юрнуӧдысьӧс.

Еремей 19:4

Ерусалимын олысьяс эновтісны Менӧ, пежалісны тайӧ ковтыссӧ, сотӧны тані висьяс мукӧд енъяслы, кодъясӧс эз тӧдлыны ни найӧ, ни налӧн батьясныс, ни иудаса ӧксыяс. Найӧ тыртісны тайӧ ковтыссӧ мыжтӧм йӧзлӧн вирӧн.

Еремей 26:22

Сэки Ехояким ӧксы мӧдӧдіс Египетӧ Акборлысь Элнатан писӧ да мукӧд йӧзӧс.

Еремей 26:24

Но Еремейӧс дорйис Шафанлӧн Ахикам пиыс, эз сет войтырлы вины сійӧс.

Еремей 29:3

Еремейлысь гижӧдсӧ вӧлі мӧдӧдӧма Шафанлӧн Элас пиыс да Хилкилӧн Гемарий пиыс пыр, кодъясӧс иудаса Седекей ӧксы мӧдӧдіс Вавилонӧ Навукодоносор ӧксы дінӧ. Гижӧдас вӧлі гижӧма:

Еремей 36:10

Господьлӧн крамын, Гемарийлӧн вежӧс бердын, Барук лыддис став войтырыслы гижӧд тубрасысь Еремейлысь кывъяссӧ. Гемарий вӧлі ӧксылӧн гижалысь Шафанлӧн пи. Гемарийлӧн вежӧсыс вӧлі крамбердса вылыс йӧрын, крамӧ пыран выль дзиръя дорын.

Еремей 44:21

«Эз-ӧ тіянӧс шогыс су сы вӧсна, мый ті, тіян батьясныд, ӧксыясныд, юралысьясныд да став войтырыс вайинныд висьяс иудаса каръясын да ерусалимса уличьяс вылын? Господь тӧдӧ, мый ті вӧчинныд, и оз вунӧд.

Еремей 5:5

Ме шуи, мый муна нималана йӧз дінӧ, понда сёрнитны накӧд, ӧд найӧ тӧдӧны Господьлысь туйсӧ, тӧдӧны асланыс Енлысь Индӧдсӧ. Но найӧ тшӧтш жугӧдісны сийӧснысӧ, орӧдісны кӧртӧднысӧ.

Еремей 52:27

Ривлаын, Хамат муын, вавилонса ӧксы виис найӧс. Тадзи Иуда войтырӧс вӧлі нуӧдӧма пленӧ аслас муысь.

Еремей 7:9

Ті гусясянныд, виаланныд, пежаланныд гозъякост олӧм, кыв сетіганыд пӧръясянныд, сотанныд висьяс Ваал идоллы, юрбитанныд мукӧд енъяслы, кодъясӧс ті онӧ тӧдӧй.

Езекиль 20:1

Сизимӧд воӧ витӧд тӧлысьлӧн дасӧд лунӧ израильса юрнуӧдысьяс пӧвстысь некымын морт локтісны ме дінӧ, медым юасьны Господьлысь. Найӧ пуксисны меным воча.

Езекиль 8:10

Ме пыри да аддзи, мый стен пасьталаыс вӧлі серпасалӧма гаг-веглясьысьясӧс, пеж пемӧсъясӧс да Израиль войтырлысь идолъяссӧ.

Езекиль 9:6

Виалӧй пӧрысьясӧс и ныв-зонмӧс, челядьӧс и аньясӧс. Бырӧдӧй ставнысӧ, но найӧс, кодлӧн эм пас, энӧ вӧрӧдӧй. Босьтчӧй виавны Менам вежаинсянь». Медводз найӧ виисны крам водзын сулалысь юрнуӧдысьясӧс.

Даниил 9:8

Господьӧй, миянлы, миян ӧксыяслы, юралысь-веськӧдлысьяслы да миян батьяслы юръяндзим, ӧд ми мыж вӧчим Тэныд паныд.

Лыд 11:16

Господь шуис Мӧисейлы: «Чукӧрт Ме дінӧ израильса юрнуӧдысьяс пӧвстысь сизимдас мортӧс, кодъяс йылысь тэ тӧдан, мый найӧ бура видзӧдӧны войтыр бӧрся. Вайӧд найӧс вежа чом дорӧ.

Лыд 11:25

Господь лэччис кымӧр пытшкын да сёрнитіс Мӧисейкӧд, сэсся Мӧисей вылысь Ловсӧ юкис да сетіс сизимдаснан юрнуӧдысьыслы. Кор Лолыс лэччис юрнуӧдысьяс вылӧ, найӧ кутісны пророкавны. Но бӧрынджык найӧ эз нин пророкавны.

Лыд 16:17

Быдӧн мед босьтас ассьыс тшынӧдчан дозсӧ, пуктас сэтчӧ тшынӧдчантор да ваяс Господь водзӧ. Тадзи ваянныд кыксё ветымын тшынӧдчан доз, тшӧтш тэ да Аарон ваянныд дознытӧ».

Лыд 16:35

Господьсянь петіс би да сотіс тайӧ кыксё ветымын айуловсӧ, кодъяс вайисны тшынӧдчантор.

Лыд 7:50

Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

Лука 10:1

Та бӧрын Господь бӧрйис нӧшта сизимдас велӧдчысьӧс, сэсся кыкӧн-кыкӧн мӧдӧдіс найӧс кар-сиктъясӧ, кытчӧ кӧсйис Ачыс мунны.