Езекиль 7:24 - Коми Библия 2023

²⁴ Ме вайӧда лёксьыс-лёк войтыръясӧс, и найӧ босьтасны Ерусалимын олысьяслысь керкаяссӧ. Вынаяслӧн ыкшаасьӧмлы Ме пукта пом, вежаинъяснысӧ лоӧ пежалӧма.

Езекиль 7:24 ပူးပေါင်းရင်းမြစ်များ

Олӧм 47:26

Фараонлы витӧд пай сетӧм йылысь тшӧктӧмыс, мый лӧсьӧдіс Ӧсип, ӧнӧдз вына Египет муын. Сӧмын попъяслӧн муыс эз вудж фараонлы.

Псалтыр 106:41

А гӧльясӧс Сійӧ мездӧ шогысь, насянь чужысьясӧс рӧдмӧдӧ ыж чукӧрӧс моз.

Псалтыр 74:7

Ӧд мортсӧ вылӧ кыпӧдӧмыс оз во асыввывсянь, рытыввывсянь либӧ овтӧминсянь,

Псалтыр 83:12

Ӧд Господь Ен – шондіыс да сайӧдыс, Господь сетӧ буралӧмсӧ да нимӧдӧмсӧ. Сӧстӧма олысьяслы Сійӧ лышкыда бурсӧ сетӧ.

Исай 5:14

Пыдӧстӧминыс воссяс, сійӧ паськыда восьтас ассьыс горшсӧ да ньылыштас нималана йӧзӧс и озыръясӧс, сійӧ ньылыштас став гажӧдчысь йӧзсӧ.

Еремей 12:12

Овтӧминса керӧсъяс вывті локтісны бырӧдысьяс. Господьлӧн шыпуртыс бырӧдӧ мусӧ помсяньыс помӧдзыс, некод оз мездмы сыысь.

Еремей 17:4

Ті воштанныд мунытӧ, мый Ме сеті тіянлы. Ме пукта тіянӧс кесъявны асланыд вӧрӧглы сійӧ муас, мый ті онӧ на тӧдӧй, ӧд ті пестінныд Менам скӧрлунлысь бисӧ, и сійӧ пыр пондас ыпъявны.

Еремей 4:7

Сук вӧрысь петӧ лев, локтӧ войтыръясӧс бырӧдысь. Сійӧ петӧ аслас оланінысь, медым пазӧдны тэнсьыд мутӧ. Тэнсьыд каръястӧ лоӧ кисьтӧма-жугӧдӧма, сэні оз коль олысьыс.

Еремей 6:12

Налӧн керкаясныс, видз-муныс да гӧтыръясныс вичмасны йӧз муысь локтысьяслы, ӧд Ме лэпта киӧс тайӧ муас олысьяс вылӧ, – висьталӧ Господь. –

Бӧрданкыв 5:2

Миян муным вуджис мукӧдлы, керкаясным – локтысь йӧзлы.

Езекиль 21:2

«Морт пиӧй, бергӧд чужӧмтӧ Ерусалимлань. Пророкав крамлы паныд да Израиль мулы паныд.

Езекиль 21:31

Ме кисьта тэ вылӧ Ассьым скӧрлунӧс, пӧльышта тэ вылӧ Ассьым ярлуна биӧс. Ме сета тэнӧ чорыд йӧзлы, скӧр виысьяслӧн киӧ.

Езекиль 24:21

Господь Ыджыдыс тшӧктіс меным висьтавны Израиль войтырлы, мый Сійӧ тадзи висьталӧ: Ме сета пежавны Ассьым вежаинӧс – тіянлысь син гажӧданторнытӧ да сьӧлӧм бурӧданторнытӧ, тіянлысь зумыд пыкӧднытӧ, мыйӧн ті ошйысянныд. Ныв-пиныд, кодъясӧс ті колинныд карас, куласны шыпурт помысь.

Езекиль 28:7

Ме вайӧда тэ вылӧ йӧз муысь скӧрсьыс-скӧр войтырӧс. Найӧ перъясны шыпуртнысӧ, медым бырӧдны тэнсьыд ыджыд мывкыдлунтӧ. Найӧ няйтӧ таляласны тэнсьыд нималӧмтӧ

Езекиль 33:28

Тайӧ мусӧ Ме кушта, и бырас сылӧн выныс, мыйӧн сійӧ ошйысьӧ. Овтӧммасны Израиль керӧсъяс, сэті ветлысь-мунысьыс оз ло.

Софоний 1:13

Но налысь озырлунсӧ мырддясны, налысь керкаяссӧ куштасны. Найӧ лэптасны керкаяс, но овны сэні оз кутны, пуктасны виноград, но винасӧ юны оз кутны.