Езекиль 7:19 - Коми Библия 2023

¹⁹ Найӧ эзысьнысӧ ывлаӧ шыбитасны, зарнинысӧ пежӧн лыддясны. Господьлӧн скӧралан лунӧ эзысь ни зарни оз мезды найӧс, ӧд эзысь-зарнитӧ он сёй, кынӧмтӧ наӧн он пӧткӧд. Буретш эзысь-зарниӧ найӧ крукасисны, мыжас вӧйисны.

Езекиль 7:19 ပူးပေါင်းရင်းမြစ်များ

Ӧксыяслӧн 4 небӧг 7:15

Найӧ вӧтчисны арамейяс бӧрся Йӧрдан ю дорӧдз. Туй вылас туплясис паськӧм-кӧлуй, мый арамейяс вӧлі шыблалӧмаӧсь тэрмасьӧмӧн пышйиганыс. Мӧдӧдӧмаяс бӧр локтісны да юӧртісны та йылысь ӧксылы.

Шусьӧгъяс 10:2

Ылӧдчӧмӧн озырмӧдчӧмыд бурсӧ оз вай, но веськыдлуныд мездӧ кулӧмысь.

Шусьӧгъяс 11:4

Скӧралан лунӧ озырлуныд оз отсав, но веськыдлуныд кулӧмысь мездас.

Еклесиаст 5:10

Кор содӧ овмӧс-эмбурыд, сэки содӧ тшӧтш сёйысьлӧн лыдыс. Мый бурыс таысь овмӧс кутысьлы – сӧмын кольӧ видзӧдны та вылӧ!

Исай 2:20

Сійӧ лунӧ мортыс босьтас зарниысь да эзысьысь вӧчӧм идолъясӧс, кодъясӧс сійӧ вӧчис копрасьӧм вылӧ, да шыбитас найӧс вурдысьяслы да борда шыръяслы.

Исай 30:22

Сэки ті понданныд пежӧн лыддьыны эзысьӧн эжӧм бӧлбанъяснытӧ да зарниӧн эжӧм идолъяснытӧ. Ті шыбитанныд найӧс пеж шыбласӧс моз да шуанныд налы: «Весасьӧй татысь!»

Исай 55:2

Мыйла ті сьӧм мынтанныд сыысь, мый абу сёян? Мыйла ті удждоннытӧ сетанныд сыысь, мый оз пӧткӧд? Сюся кывзӧй Менӧ да пӧткӧдчӧй бурнас, сэки тіян ловныд пондас нимкодясьны.

Бӧрданкыв 4:1

Кутшӧма чусмӧма зарниыс, сӧстӧм зарни воштӧма дзирдсӧ! Вежаинысь изъяссӧ шыблалӧма туйвежъясӧ.

Езекиль 13:5

Найӧ эз кыпӧдчывны дзоньтавны стенлысь киссьӧминсӧ, медым Господьлӧн лунӧ тыш дырйи Израиль войтыр гӧгӧр стенмыс зумыда сулаліс.

Езекиль 14:7

Израиль войтыр пӧвстысь либӧ йӧз муысь локтысьяс пӧвстысь кӧ кодкӧ бергӧдчас Меысь, сьӧлӧмнас кӧртасяс идолъяс дінӧ да син водзас сувтӧдас мыжас уськӧдантор, а сэсся локтас пророк дінӧ, медым сы пыр Менсьым юасьны, сэки Ме, Господь, вочавидза тайӧ мортыслы,

Езекиль 30:3

ӧд матын Господьлӧн луныс. Матыстчӧ сьӧд кымӧра лун, войтыръясӧс мыждан кад.

Езекиль 44:12

Сыысь, мый найӧ кесъялісны Израиль войтырлы идолъяс водзаныс да тайӧн мыжӧ кыскисны войтырӧс, Ме лэпті на вылӧ Ассьым киӧс, – висьталӧ Господь Ыджыдыс. – Мыжныс вӧсна найӧ нуасны мыждӧм.

Софоний 1:18

Господьлӧн скӧралан лунӧ налӧн эзысь-зарниныс оз вермы мездыны найӧс, Господьлӧн скӧрлуна биыс бырӧдас ставнас мусӧ, Сійӧ виччысьтӧг бырӧдас му вылас став олысьсӧ.

Софоний 1:3

бырӧда йӧзӧс и ыж-мӧскӧс, бырӧда енэжвыв лэбачьясӧс и саридзса чериясӧс, бырӧда лёк вӧчысьясӧс да ставсӧ, мый ыштӧдіс найӧс Енсьыс кежны, бырӧда му вывсьыс став йӧзсӧ, – висьталӧ Господь. –

Матвей 16:26

Лоас-ӧ мортыслы бур, босьтас кӧ аслыс став муюгыдсӧ, а олӧмсӧ воштас? Вермас-ӧ бӧр ньӧбны ассьыс олӧмсӧ?

Римӧ 11:9

Давид висьталӧ: – Сёянныс мед лоӧ налы тывйӧн да налькйӧн, налысь мед лоӧ водзӧс перйӧма.