Езекиль 7:16 - Коми Библия 2023

¹⁶ Ловйӧн кольысьяс керӧсӧ пышъясны, гулюяс моз кырта потасӧ дзебсясны. Быдӧн пондас ымзыны-бӧрдны аслас мыж вӧснаыс.

Езекиль 7:16 ပူးပေါင်းရင်းမြစ်များ

Ездра 9:15

Господьӧй, Израильлӧн Енмӧй, Тэ веськыд Ен! Талун ми, войтырлӧн колясыс, асланым мыжъясӧн сулалам Тэ водзын. Дерт, татшӧмтор бӧрын ми огӧ шогмӧй локны Тэнад чужӧмбан водзӧ».

Псалтыр 55:2

Енмӧй, ло бур сьӧлӧма ме дінӧ, ӧд йӧзыс кӧсйӧны бырӧдны менӧ, быд лун усьласьӧны ме вылӧ да дзескӧдӧны менӧ.

Исай 1:9

Господь Саваоф кӧ эз видз коляс войтырсӧ, ми эськӧ бырим Содом моз, миянӧс эськӧ суис сійӧ жӧ, мый Гомораӧс.

Исай 37:31

Сэки Иуда чужанкотырлӧн колясыс бара пыдӧдз лэдзас вужсӧ да ваяс вотӧс.

Исай 38:14

Ме курликті тури моз, чивзі чикыш моз, гажтӧмтчи гулю моз, син мудзтӧдз видзӧді енэжас. Господьӧй, ме сьӧкыдала, отсав меным!

Исай 59:11

Ми ставным равзам ошъяс моз, курксам гулюяс моз. Ми виччысям веськыда мыждӧмсӧ, но сійӧ абу, виччысям мездмӧмсӧ, но сійӧ ылын миянысь.

Исай 59:12

Ӧд ми Тэныд паныд уна лёк вӧчим, миян мыжъясным мыждӧны миянӧс, лёк вӧчӧмъясным век миянкӧд, ми тӧдам ассьыным мыжъяснымӧс.

Еремей 3:21

Изъя керӧсъяс вылын кылӧ гӧлӧс шы, Израиль войтырлӧн бӧрдӧм да кевмӧм шы, ӧд найӧ кежисны асланыс туй вылысь, вунӧдісны Господьӧс, ассьыныс Енсӧ.

Еремей 31:9

Найӧ петасны бӧрдӧмӧн, а Ме вайӧда найӧс бурӧдӧмӧн, нуӧда найӧс визув ва дінӧ шыльыд туйӧд, кӧні найӧ оз крукасьны, ӧд Ме – Израиль войтырлӧн бать, Ефрем – Менам медводдза чужысьӧй.

Еремей 44:14

Иудалӧн коляс войтыр пӧвстысь, кодъяс овмӧдчисны Египетӧ, некод оз мездмы, ловйӧн оз коль. Найӧ бӧр оз бергӧдчыны Иуда муӧ, кытчӧ ёна кӧсйӧны бӧр локны, медым овны сэні. Сӧмын некымын морт пышъясны Египетысь».

Еремей 44:28

Сӧмын этшаӧн пышъясны шыпуртысь да бергӧдчасны Египетысь Иуда муӧ. Сэки Египетӧ овмӧдчӧм Иуда войтырлӧн колясыс тӧдмалас, кодлӧн кывйыс инӧ: Менам али налӧн.

Еремей 9:19

Сионсянь кылӧ бӧрдӧм шы: «Миянлысь ставсӧ мырддисны, миянлы юръяндзим. Миянлы ковмас эновтны мунымӧс, ӧд керкаяснымӧс пазӧдӧма-кисьтӧма!»

Езекиль 14:22

Ерусалимса олысьяс пӧвстысь сӧмын ӧткымын морт ловйӧн колясны, но и найӧс нуӧдасны сэтысь. Найӧ локтасны тіян дінӧ, и ті аддзанныд налысь олан туйсӧ да уджъяссӧ. Сэки ті онӧ нин кутӧй шогсьыны, мый Ерусалим кар вылӧ Ме мӧдӧді шог.

Езекиль 34:6

Менам ыжъясӧй вошӧмаӧсь, шӧйтӧны керӧсъяс да джуджыд ыбъяс вывті. Менам ыжъясӧй став му пасьталаыс разалӧмаӧсь, и найӧс корсьысьыс абу.

Езекиль 36:31

Сэки тіянлы тӧд выланыд усьӧ пеж оласногныд да лёк уджъясныд, и ті понданныд зывӧктыны асьнытӧ мыжъяссьыныд да пеж уджъяссьыныд.

Наум 2:7

Шуӧма, мый карсӧ куштасны, олысьяссӧ нуӧдасны пленӧ. Кесйӧг аньяс ойзӧны-ружтӧны гулюяс моз, вачкалӧны асьнысӧ морӧсаныс.

Софоний 1:14

Матын нин Господьлӧн торйӧдӧм луныс, сійӧ матын нин, регыд воас. Кыланныд-ӧ, мый Господьлӧн луныс воӧ нин? Весиг медся повтӧм тышкамортыс курыда бӧрддзас.