Езекиль 5:16 - Коми Библия 2023

¹⁶ Ерусалимын олысьяс, Ме ньӧвъясӧн моз бырӧда тіянӧс тшыгъялӧм помысь. Ме мырддя тіянлысь няньнытӧ, и ті кутанныд ёна тшыгъявны.

Езекиль 5:16 ပူးပေါင်းရင်းမြစ်များ

Ӧксыяслӧн 4 небӧг 6:25

Самарияын йӧзыс пондісны ёна тшыгъявны. Осёл юрысь найӧ мынтылісны кӧкъямысдас сикель эзысь, а китыр мында гулю сітысь – вит сикель эзысь.

Псалтыр 7:13

коді оз бергӧдчы Сы дінӧ. Енмыс лэчтӧ Ассьыс шыпуртсӧ, зэвтӧ Ассьыс ньӧввужсӧ да веськӧдӧ сылань.

Исай 3:1

Со, Ыджыдыс, Господь Саваоф мырддяс Ерусалимлысь да Иудалысь ставсӧ, мый вылӧ найӧ лача кутӧны: став чукӧртӧм няньсӧ да заптӧм васӧ,

Еремей 52:6

Нёльӧд тӧлысьлӧн ӧкмысӧд лунӧ, кор карас войтырыс ёна тшыгъяліс, и налы нинӧм вӧлі сёйнысӧ,

Бӧрданкыв 3:12

Сійӧ зэвтіс Ассьыс ньӧввужсӧ, веськӧдіс мелань ньӧвсӧ.

Езекиль 14:13

«Морт пиӧй, кутшӧмкӧ муын олысьяс кӧ Меным паныд мыж вӧчасны да эновтасны Менӧ, сэки Ме на вылӧ киӧс лэпта. Ме мырддя налысь няньсӧ, мӧдӧда налы тшыгъялӧм, бырӧда сэтысь став йӧзсӧ да ыж-мӧссӧ.

Езекиль 4:16

Господь шуис меным: «Морт пиӧй, Ме мырддя ерусалимса олысьяслысь няньсӧ. Няньторсӧ найӧ кутасны сёйны веситӧмӧн да майшасьӧмпырысь, васӧ кутасны юны мурталӧмӧн да полӧмпырысь.

Езекиль 5:15

Тэ гӧгӧр олысь войтыръяс кутасны лёкӧдны-омӧльтны тэнӧ. Найӧс полӧм босьтас, кор аддзасны, мый Ме мыжді тэнӧ да кисьті тэ вылӧ Ассьым скӧрлунӧс да ярлунӧс. Тайӧс висьтала Ме, Господь.

Езекиль 5:17

Тіян тшыгъялӧм дырйи Ме ыста тіян вылӧ зверъясӧс, кодъяс виасны ныв-пинытӧ. Тіянӧс суас пӧрӧс висьӧм да вир кисьтӧм. Ме вайӧда тіян вылӧ шыпуртӧс. Тайӧс висьтала Ме, Господь».

Левит 26:26

Ме мырддя тіянлысь няньнытӧ. Ӧти пач дорын дас ань кутасны пӧжасьны, няньсӧ веситӧмӧн кутасны юклыны. Ті кутанныд сёйны, но онӧ пӧтӧй.