Езекиль 5:15 - Коми Библия 2023

¹⁵ Тэ гӧгӧр олысь войтыръяс кутасны лёкӧдны-омӧльтны тэнӧ. Найӧс полӧм босьтас, кор аддзасны, мый Ме мыжді тэнӧ да кисьті тэ вылӧ Ассьым скӧрлунӧс да ярлунӧс. Тайӧс висьтала Ме, Господь.

Езекиль 5:15 ပူးပေါင်းရင်းမြစ်များ

Ӧксыяслӧн 3 небӧг 9:7

сэки Ме бырӧда Израиль войтырӧс сійӧ му вывсьыс, мый Ме сеті налы. А тайӧ крамсӧ, мый Ме вежӧді-торйӧді Аслым, Ме ӧтдорта Аслам чужӧмбан водзысь, и Израиль войтыр лоӧ серамтуйын войтыръяс пӧвстын.

2 Каднебӧг 29:8

Та вӧсна Господь скӧрмис Иуда да Ерусалим вылӧ, вӧчис найӧс мукӧдлы повзьӧданторйӧн, сетіс найӧс сералӧм да янӧдӧм вылӧ, мый ті асьныд аддзанныд.

Псалтыр 39:11

Тэнсьыд веськыдлунтӧ ме эг дзеблы, а восьсӧн висьтавлі, мый Тэ эскана Мездысь. Тэнад войтырлӧн ыджыд чукӧртчӧмын ме висьтавлі Тэнад буралӧмыд да збыльыд йылысь.

Псалтыр 79:4

Енмӧй, выльысь сувтӧд миянӧс! Сет миянлы аддзыны Тэнсьыд югыд чужӧмбантӧ, сэки ми мездмам.

Исай 26:9

Войнас менам сьӧлӧмӧй гажтӧмтчӧ Тэысь, асывнас ме пытшкын лолӧй корсьысьӧ Тэнӧ. Кор му вылас ыджыдалӧ Тэнад веськыда мыждӧмыд, сэки му вылас олысьяс велӧдчӧны веськыдлунас.

Исай 43:28

Та вӧсна Ме янӧді крамын кесъялысьясӧс, лэдзи бырӧдны Яковӧс, лёкӧдны Израильӧс.

Еремей 23:40

Ме пыр кежлӧ янӧда да нинӧмӧ пукта тіянӧс, и тайӧс некор оз ло вунӧдӧма.

Еремей 29:18

Ме кута дзескӧдны найӧс шыпуртӧн, тшыглунӧн да пӧрӧс висьӧмӧн. Став мувывса войтыръяслы Ме вӧча найӧс повзьӧдчанторйӧн. Найӧс кутасны ёрны да лёкӧдны-омӧльтны быдлаын, кытчӧ Ме вӧтла найӧс.

Бӧрданкыв 2:15

Туй вывті ветлысь-мунысьяс кинас шлопнитӧмӧн шутьлялӧны, юрнас довкйӧдлӧны да Ерусалим йылысь омӧльтӧмӧн шуалӧны: «Тайӧ ӧмӧй сійӧ карыс, кодӧс шуисны медся мичаӧн, став муюгыдыслӧн гажӧн?»

Бӧрданкыв 2:16

Тэнӧ мустӧмтысьяс жеръялӧны тэ вылын, шутьлялӧны, пиньнысӧ йирӧмӧн шуалӧны: «Ми ньылыштім сійӧс! Ми ёна виччысим тайӧ лунсӧ, а ӧні аддзам сійӧс!»

Езекиль 11:9

Ме вӧтла тіянӧс тайӧ карсьыс да сета тіянӧс йӧз муысь локтысьяс киӧ. Ме мыжда тіянӧс,

Езекиль 14:8

паныд сувта сылы, вӧча сійӧс пасӧн да сёрнитанторйӧн. Ме бырӧда сійӧс Аслам войтыр пӧвстысь. Сэки ті тӧдмаланныд, мый Ме – Господь.

Езекиль 16:41

Найӧ сотасны керкаястӧ, мыждасны тэнӧ мукӧд аньяслӧн син водзын. Тадзи Ме пукта пом тэнад кырсалӧмлы, и тэ дугдан мынтысьны мусукъясыдлы.

Езекиль 16:57

ӧд сэки тэнад лёклуныд эз на воссьы. А ӧні тэнӧ асьтӧ лёкӧдӧны арамса нывъяс да накӧд орччӧн олысьяс. Филистимса нывъяс быд боксянь зывӧктӧмӧн видзӧдӧны тэ вылӧ.

Езекиль 22:4

Тэ мыжа сыысь, мый вир кисьтін. Тэ пежалін асьтӧ бӧлбанъясӧс вӧчӧмнад. Тадзи матыстін мыждан лунтӧ, тэнад олан воясыдлы воис пом. Ме сета мукӧд войтыръяслы лёкӧдны тэнӧ, мукӧд муясын олысьяслы сета янӧдны тэнӧ.

Езекиль 23:32

Господь Ыджыдыс тадзи висьталӧ: тэ кутан юны чойыдлӧн чашаысь, джуджыд да паськыд дозйысь. Чашаыс тырӧма сералӧмӧн да лёкӧдӧмӧн.

Езекиль 25:17

Ме чорыда водзӧс перъя налысь, скӧрпырысь мыжда найӧс. И кор Ме вӧча тадзи, найӧ тӧдмаласны, мый Ме – Господь».

Езекиль 30:19

Тадзи Ме мыжда Египет войтырӧс. Сэки найӧ тӧдмаласны, мый Ме – Господь».

Езекиль 5:16

Ерусалимын олысьяс, Ме ньӧвъясӧн моз бырӧда тіянӧс тшыгъялӧм помысь. Ме мырддя тіянлысь няньнытӧ, и ті кутанныд ёна тшыгъявны.

Езекиль 5:8

Та вӧсна Господь Ыджыдыс тадзи висьталӧ: Ерусалим, Ме сувта тэныд паныд да мыжда тэнӧ мукӧд войтыръяслӧн син водзын.

Левит 26:32

Ме кушта тіянлысь мунытӧ. Вӧрӧгныд весьӧпӧрас, кор локтас сэтчӧ овмӧдчыны.

Наум 1:2

Господь – вежӧгтысь Ен, Сійӧ – водзӧс перйысь Ен. Господь водзӧс перйӧ, Сійӧ тырӧма скӧрлунӧн. Господь мынтысьӧ Сійӧс мустӧмтысьяслы, Сійӧ дугдывтӧг скӧралӧ паныд сувтысьяс вылӧ.

1 Коринфӧ 10:11

Ставыс тайӧ вӧлі накӧд, медым ӧлӧдны йӧзсӧ. Тайӧс гижӧма, медым велӧдны миянӧс, бӧръя кадас олысьясӧс.

Индӧд 28:37

Став войтыръяс, кодъяс пӧвстӧ Господь [Ен] вӧтлас тіянӧс, повзясны сыысь, мый лоӧ тіянкӧд. Найӧ лӧсьӧдласны тіян йылысь шусьӧгъяс, серамвыв лэптасны тіянӧс.

Индӧд 28:46

Тайӧ ёрӧмыс лоӧ индысьпасӧн тіян пӧвстын да тіянсянь чужысьяс пӧвстын нэмъяс чӧж.