Езекиль 5:13 - Коми Библия 2023

¹³ Ме кисьта Ерусалимын олысьяс вылӧ Ассьым скӧрлунӧс, койышта на вылӧ Ассьым ярлунӧс, и сӧмын та бӧрын бурмас Менам сьӧлӧмӧй. Кор Менам скӧрлунӧй мунас на вывті, найӧ тӧдмаласны, мый вежӧгтӧмпырысь Ме, Господь, мыжді найӧс.

Езекиль 5:13 ပူးပေါင်းရင်းမြစ်များ

Исай 1:21

Тэ вӧлін эскана войтырлӧн карӧн, а ӧні тэ – кырсалысьяслӧн кар. Водзын тэнад олысьясыд мыждісны да олісны веськыда, а ӧнія олысьясыд – морт виысьяс.

Исай 1:24

Вӧрӧгъясӧс Ме верма, паныд сувтысьяслысь Ме водзӧс перъя, – висьталӧ Ыджыдыс, Господь Саваоф, Израильлӧн вына Ен.

Исай 59:17

Кӧрт кышӧдӧн моз Сійӧ вевттьысис веськыдлуннас, пуктіс юр вылас мездмӧмыслысь юртупкӧдсӧ, пасьталіс Ас вылас водзӧс перъян паськӧмсӧ, вевттьысис скӧрлуннас кышанӧн моз.

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Еремей 14:12

Весиг кӧ найӧ кутасны видзавны, Ме ог кыв налысь кевмӧмсӧ. Весиг кӧ найӧ ваясны сотан вись да нянь вись, Ме ог сибӧд найӧс. Ме бырӧда найӧс шыпуртӧн, тшыгъялӧмӧн да пӧрӧс висьӧмӧн».

Еремей 15:9

Сизимӧс чужтысь вынтӧмӧн куйлӧ, сійӧ апалӧ сынӧдсӧ. Луншӧрнас на лэччас сылӧн шондіыс, и сійӧ яналас. Ловйӧн кольӧмаясӧс Ме сета вӧрӧглы, найӧс виасны шыпуртӧн, – висьталӧ Господь».

Еремей 25:12

Но сизимдас во кольӧм мысти Ме мыжда вавилонса ӧксыӧс да сылысь войтырсӧ налӧн лёк вӧчӧмъясысь, – висьталӧ Господь. – Налысь Калдея мусӧ Ме пыр кежлӧ вӧча овтӧминӧн.

Бӧрданкыв 4:11

Господь койыштіс Ассьыс скӧрлунсӧ, кисьтіс Ассьыс ярлунсӧ, ӧзтіс Сионын би, сотіс сійӧс подулӧдзыс.

Бӧрданкыв 4:22

Сион нылӧй, тэнӧ мыждӧмлы воис пом, Господь оз нин вӧтлы тэнӧ аслад муысь. А тэнӧ, эдом войтыр, Сійӧ мыждас, став тэнсьыд мыжъястӧ эрдӧдас.

Езекиль 13:15

Стенмыс вылӧ да сійӧс еджыдӧн мавтысьяс вылӧ Ме кисьта скӧрлунӧс. Сэсся шуа тіянлы: Стенмыс абу, сійӧс мавтысьяс тшӧтш абуӧсь.

Езекиль 14:21

Господь Ыджыдыс тадзи висьталӧ: Ме ыста нёль чорыд мыждӧм Ерусалим вылӧ. Мӧдӧда сэтчӧ шыпурт, тшыгъялӧм, зверъясӧс да пӧрӧс висьӧм, медым бырӧдны йӧзӧс да ыж-мӧскӧс.

Езекиль 16:42

Ме кисьта тэ вылӧ Ассьым ярлунӧс, и сӧмын та бӧрын Ме лӧня вежӧгтӧмысь да ог нин кут скӧравны.

Езекиль 16:63

Тэ уськӧдан тӧд вылад уджъястӧ, и тэныд лоӧ яндзим. Тэ весиг вомтӧ он восьт, кор Ме вешта став мыжтӧ, мый тэ вӧчин, – висьталӧ Господь Ыджыдыс».

Езекиль 17:21

Иудаса ӧксылӧн тышкайӧзыс пышъясны, но шыпурт улӧ шедасны, а ловйӧн кольӧмаясӧс разӧдасны нёльнан му пельӧсӧ. Сэки ті тӧдмаланныд, мый тайӧс висьталі Ме, Господь.

Езекиль 20:21

Но найӧ тшӧтш кыпӧдчисны Меным паныд, эз овны Менам индӧд-тшӧктӧмъяс серти, медым видзны ассьыныс олӧмнысӧ. Нӧшта найӧ пежалісны Менсьым шойччан лунӧс. Сэки Ме шуи, мый овтӧминын кисьта на вылӧ Ассьым скӧрлунӧс, койышта став Ассьым ярлунӧс.

Езекиль 20:8

Но найӧ кыпӧдчисны Меным паныд, эз кӧсйыны Менӧ кывзыны. Найӧ эз вештыны син водзсьыныс зывӧкторъяссӧ, эз эновтчыны египетса идолъясысь. Сэки Ме шуи, мый Египетын кисьта на вылӧ Ассьым скӧрлунӧс, койышта став Ассьым ярлунӧс.

Езекиль 21:17

Ме тшӧтш скӧрысь ки пыдӧсӧ вачка, став Ассьым скӧрлунӧс койышта. Тайӧс висьтала Ме, Господь».

Езекиль 21:22

Тунасигас сылӧн веськыд киас усьӧ пудъясянтор, мый петкӧдлӧ Ерусалим вылӧ. Сійӧ сувтӧдас жуглан керъяс да лэптас тымӧдъяс, медым кисьтны карса стен да дзиръяяс. Сійӧ тшӧктас аслас тышкайӧзлы гораа горзӧмӧн уськӧдчыны кар вылӧ.

Езекиль 23:25

Кор найӧ скӧрпырысь мыждасны тэнӧ, Ме сета тэныд тӧдны Ассьым вежӧгтӧмӧс. Найӧ керыштасны тэнсьыд ныртӧ да пельтӧ, а сэсся тэнӧ шыпуртӧн виасны. Ныв-питӧ найӧ нуӧдасны пленӧ, а коляс войтыртӧ би ньылыштас.

Езекиль 24:13

Тэнад пежыд зывӧктана. Ме сӧстӧммӧдлі тэнӧ, но тэ эн сӧстӧммы аслад пежсьыд. Кытчӧдз Ме став скӧрлунӧс тэ вылӧ ог кисьт, тэ он сӧстӧммы.

Езекиль 43:8

Ассьыныс тагӧссӧ найӧ пуктісны Менам тагӧс дінӧ да ассьыныс ӧдзӧс куричьяссӧ сувтӧдісны Менам ӧдзӧс куричьяс бердӧ, медым Меа-на костын сӧмын стен вӧлі. Найӧ пежалісны Менсьым вежа нимӧс асланыс пеж уджъясӧн. Та вӧсна Ме бырӧді найӧс скӧрйывсьым.

Езекиль 6:10

и тӧдмаласны, мый Ме – Господь. Тӧдмаласны, мый Менам вӧлі помка, мыйла Ме шуи шог ыстыны на вылӧ.

Езекиль 6:12

Ылі муын олысьяс пӧрӧс висьӧмысь куласны, матын олысьяс шыпурт помысь усясны, ловйӧн кольӧмаяс тшыгнысла куласны. Ме кисьта на вылӧ став Ассьым скӧрлунӧс.

Езекиль 7:3

Израиль, тэныд воис пом. Ме кисьта тэ вылӧ Ассьым скӧрлунӧс, мыжда тэнӧ олан туйыд серти, мынтыся зывӧк вӧчӧмсьыд.

Езекиль 7:8

Регыд Ме кисьта тіян вылӧ Ассьым скӧрлунӧс, Ассьым ярлунӧс петкӧдла тіянлы. Ме мыжда тіянӧс олан туйныд серти, мынтыся зывӧк вӧчӧмсьыныд.

Даниил 11:36

Войвывса ӧксы пондас вӧчны, мый кӧсъяс. Сійӧ пондас ышнясьны да пуктас асьсӧ став енъяссьыс вылӧджык на, пондас лёкӧдны-омӧльтны медыджыд Енмӧс. Сылӧн ставыс кутас артмыны, кытчӧдз оз кус Енлӧн скӧрлуныс. Ӧд мый вӧлі водзвыв шуӧма, ставыс збыльмас.

Даниил 9:2

Сылӧн медводдза веськӧдлан воӧ ме, Даниил, гӧгӧрвои Гижӧдысь, мый Ерусалим кар лоӧ овтӧминӧн сизимдас во чӧж. Та йылысь Господь водзвыв висьтавліс Еремей пророклы.

Осий 10:10

Ме мыжда тэнӧ Аслам кӧсйӧм серти. Тэныд паныд чукӧртчасны мукӧд войтыръяс, тэнӧ кыкпӧвста мыжсьыд лоӧ дорӧма.

Закар 6:8

Господь корис менӧ да шуис: «Видзӧд, войвыв муӧ мунысь вӧвъяс лӧньӧдісны войвыв му дінӧ Менсьым скӧрлунӧс».

Индӧд 28:63

Кыдзи Господь нимкодясис, кор вӧчис тіянлы бурсӧ да содтіс тіянӧс, сідзи жӧ Сійӧ кутас нимкодясьны, кор бырӧдас тіянӧс. Вужнаныд тіянӧс лоӧ нетшыштӧма сійӧ мусьыс, кытчӧ ті мунанныд сійӧс босьтӧм могысь.

Индӧд 32:36

Господь доръяс Ассьыс войтырсӧ, Сійӧ лоӧ бур сьӧлӧма Аслас кесйӧгъяс дінӧ, кор аддзас, мый налӧн выныс эз ло, мый ичӧтсянь ыджыдӧдз некод эз коль.