Езекиль 48:21 - Коми Библия 2023

²¹ Ӧксылы вичмас му, мый коляс вежа му юкӧн да карса му ӧтар-мӧдарладорсяньыс. Ӧксылӧн муыс нюжӧдчас Израильлӧн асыввыв мудорӧдз кызь вит сюрс гырддза и рытыввыв мудорӧдз кызь вит сюрс гырддза – сэтчӧ жӧ, кытчӧ чужанкотыръяслӧн муясыс. Тадзи вежа му юкӧныс да крамыс лоӧны ӧксылӧн муяс костын, Израиль му шӧрын.

Езекиль 48:21 ပူးပေါင်းရင်းမြစ်များ

Езекиль 37:24

Менам Давид кесйӧгӧй лоӧ налӧн ӧксынас да видзысьнас. Найӧ пондасны овны Менам индӧд-тшӧктӧмъяс серти.

Езекиль 48:10

Тайӧ вежа му юкӧныс лоӧ попъяслы. Сійӧ лоӧ кызь вит сюрс гырддза кузьта да дас сюрс гырддза пасьта. Кузьтасӧ лоӧ мурталӧма рытыввывсянь асыввылӧ, пасьтасӧ войвывсянь лунвылӧ. Попъяслӧн му шӧрас лоӧ Господьлӧн вежаин.

Езекиль 48:20

Торйӧдӧм муыс, кытчӧ пырӧны вежа му юкӧныс да карса муыс, лоӧ нёль пельӧса, кузьта-пасьтанас кызь вит сюрс гырддза.

Езекиль 48:22

Левитъяслӧн мусянь да карса мусянь асыввылӧ да рытыввылӧ муыс лоӧ ӧксылӧн. Сылӧн муыс лоӧ Иуда да Венямин чужанкотыръяслӧн муяс костын.

Езекиль 48:8

Иуда чужанкотырлӧн му лунвывладорысь асыввывсянь рытыввылӧдз торйӧдӧй кызь вит сюрс гырддза пасьта му. Кузьтанас асыввывсянь рытыввылӧдз муыс мед лоӧ чужанкотыръяслӧн муяс кодь. Сэні шӧрас мед лоӧ вежаин.

Осий 1:11

Иуда да Израиль войтыр ӧтлаӧ чукӧртчасны, аслыныс ӧти юралысьӧс пуктасны, мунысӧ бӧр босьтасны. Тайӧ луныс Изреельлы лоӧ тӧдчана-ыджыд.