Езекиль 47:9 - Коми Библия 2023

⁹ И кытчӧ визувтас тайӧ ваыс, сэні кутас овны быдсяма ловъя олысьыс. Ваын лоӧ зэв уна чери, ӧд кытчӧ визувтас тайӧ ваыс, сэні ваыс бурмас да ставыс ловзяс.

Езекиль 47:9 ပူးပေါင်းရင်းမြစ်များ

Псалтыр 103:3

ваяс весьтын лӧсьӧдӧмыд Аслыд вылысса жыръяс. Кымӧръяссӧ Тэ вӧчан Аслад тарантасӧн, Тэ шевкъялан тӧв бордъяс вылын.

Петӧм 15:26

Ен шуис: «Ті кӧ кутанныд кывзыны асланыд Господь Енлысь гӧлӧс шысӧ да вӧчны Сы водзын шогманасӧ, кутанныд кӧ кывзыны Сылысь индӧд-тшӧктӧмъяссӧ да овны на серти, Ме ог мӧдӧд тіян вылӧ весиг ӧти висьӧм, кутшӧмӧс мӧдӧдлі Египет вылӧ, ӧд Ме – Господь [тіян Енныд], тіянӧс Бурдӧдысь».

Исай 12:3

Ті нимкодьпырысь понданныд гумлавны васӧ мездлуныслӧн юкмӧсысь.

Исай 30:26

Сэки тӧлысьлӧн югыдыс лоӧ шонділӧн кодь, а шонділӧн югыдыс лоӧ сизимпӧв югыдджык на, быттьӧ сизим лунлӧн югыдыс. Тадзи лоӧ сійӧ лунӧ, кор Господь кӧрталас Аслас войтырлысь дойяссӧ да бурдӧдас найӧс.

Исай 49:12

Со, Менам войтырӧй локтас ылісянь: ӧтияс – войвывсянь, мӧдъяс – рытыввывсянь, мукӧдыс – Синим муысь.

Исай 55:1

Кывзӧй, кодлӧн горшныд косьмӧ, локтӧй ставныд ва дінӧ! Весиг ті, кодлӧн абу сьӧмныд, локтӧй, босьтӧй да сёйӧй! Сьӧмтӧг да дон мынтытӧг босьтӧй вина да йӧв.

Закар 2:11

Сійӧ лунӧ уна мукӧд войтыр локтасны Господь дінӧ да лоӧны Сылӧн войтырӧн. Господь кутас овны тэ ордын, и тэ тӧдмалан, мый Господь Саваоф мӧдӧдіс менӧ тэ дінӧ.

Иоан 14:19

Регыд муюгыдыс оз нин аддзы Менӧ, а ті кутанныд аддзыны Менӧ. Ме ола, та вӧсна ті тшӧтш кутанныд овны.

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

Иоан 3:16

Енмыслы сэтшӧм мусаӧсь йӧзыс, мый сетіс Ассьыс ӧтка Писӧ, медым Сылы эскысь эз вош, а помтӧг оліс.

Иоан 4:14

Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».

Иоан 5:25

Веськыда, веськыда висьтала тіянлы: воас кад да воис нин, кор кулӧмаяс кыласны Ен Пилысь гӧлӧс шысӧ. Сэки Сійӧс кылысьяс ловзясны.

Иоан 6:63

Сӧмын Лов вермӧ ловзьӧдны, а вир-яй тайӧс вӧчны оз вермы. Менам кывъясӧй сетӧны тіянлы Лов да олӧм.

Ап. уджъяс 2:41

Унаӧн долыдпырысь сибӧдісны сьӧлӧманыс Петырлысь кывъяссӧ да пыртчисны. Сійӧ лунӧ эскысьяс дінӧ содіс куим сюрс гӧгӧр морт.

Ап. уджъяс 2:47

Найӧ ставсьыс ошкисны Енмӧс. Йӧзыс найӧс бурӧ пуктісны, а Господь быд лун содтіс вичкоӧ мездмӧмаясӧс.

Ап. уджъяс 21:20

Павелӧс кывзӧм бӧрын юрнуӧдысьяс ошкисны Енмӧс, сэсся шуисны: «Тӧдан, вокӧй, иудейяс дас сюрсъясӧн бергӧдчисны эскӧмас, и ставныс найӧ кутчысьӧны Индӧдӧ.

Ап. уджъяс 4:4

А кывзысьяс пӧвстысь унаӧн эскисны, и вокъяслӧн лыдыс содіс вит сюрсӧдз.

Ап. уджъяс 5:14

Тадзи Господьлы эскысьяслӧн лыдыс пыр содіс, на пӧвстын вӧліны айулов и аньяс.

Ап. уджъяс 6:7

Енлӧн кывйыс паськаліс да велӧдчысьяслӧн лыдыс Ерусалимын ёна содіс, весиг попъяс пӧвстысь унаӧн кутісны эскыны.

Римӧ 8:2

Ӧд Ловлӧн индӧдыс, мый сетӧ олӧм Исус Кристос пытшкын, мездіс менӧ мыжыслӧн да кулӧмыслӧн индӧдысь.

1 Коринфӧ 15:45

Гижӧдыс висьталӧ: «Медводдза мортыс, Адам, лоис ловъя олысьӧн», а мӧд Адамыс лоис олӧм сетысь Лолӧн.