Езекиль 47:13 - Коми Библия 2023

¹³ «Господь Ыджыдыс тадзи висьталӧ: со кыдзи тіянлы колӧ юклыны мусӧ Израильлӧн дас кык чужанкотырлы. Ӧсиплы сетӧй кык пай.

Езекиль 47:13 ပူးပေါင်းရင်းမြစ်များ

Олӧм 48:5

Тэнад кыкнан пиыд, Ефремыд да Манассейыд, кодъяс чужисны Египетын менам тэ дорӧ локтӧдз, Рувим да Симеон моз лоӧны менам пиянӧн.

Олӧм 49:26

батьыдлӧн бурсиӧмӧн. Тайӧ нэмӧвӧйся изъяслӧн бурсиӧмысь вынаджык, нэмӧвӧйся керӧсъяслӧн лышкыдлунысь бурджык. Став тайӧ бурсиӧмыс мед вевттяс Ӧсипӧс, ӧд сійӧс бӧрйӧма вокъяс пӧвстысь.

1 Каднебӧг 5:1

Рувим вӧлі Израильлӧн медводдза пи, но сійӧ узис аслас батьыслӧн гӧтыръяс пиысь ӧтикӧд да воштіс медводдза чужысьлысь нимсӧ. Медводдза чужысьлӧн нимыс вуджис Израильлӧн Ӧсип пиянлы.

Еремей 3:18

Сійӧ лунъясас Иудалӧн чужанкотыръясыс да Израильлӧн чужанкотыръясыс ӧтвылысь локтасны войвыв муысь сійӧ муас, мый Ме вичмӧді тіян батьяслы».

Еремей 31:1

Сійӧ кадас, – висьталӧ Господь, – Ме лоа израильса быд чужанкотырлӧн Енмӧн, а найӧ – Менам войтырӧн.

Езекиль 48:1

«Израиль чужанкотыръяслӧн нимъяс серти муясыс татшӧмӧсь. Войвылын лоӧ Дан чужанкотырлӧн муыс. Сылӧн войвыв мудорыс нюжӧдчас Хетлон туйӧд Лево-Хаматӧдз, водзӧ Хацар-Энан карӧдз. Дамаск да Хамат муяс лоӧны мудор войвывладорын. Тайӧ муыс асыввывсянь саридз дорӧдз лоӧ Данлӧн.

Езекиль 48:29

Тадзи юклӧй му Израиль чужанкотыръяслы. Юклӧй сійӧс пудъясьӧмӧн, – висьталӧ Господь Ыджыдыс».

Лыд 34:1

Господь тшӧктіс Мӧисейлы

Нав Исус 16:4

Татшӧм му вичмис Ӧсипсянь чужысьяслы, Манассей да Ефрем чужанкотыръяслы.

Нав Исус 17:1

Водзӧ пудйыс уси Манассей чужанкотырлы. Манассей вӧлі Ӧсиплӧн медводдза пиыс, а Манассейлӧн медводдза пиыс вӧлі Макир, вына тышкасьысь да Галаадлӧн батьыс. Макирлы вӧлі водзынджык вичмӧдӧма Галаад да Васан муяс.