Езекиль 47:12 - Коми Библия 2023

¹² Ю ӧтар-мӧдар пӧлӧныс кутасны быдмыны быдсяма вотӧса пуяс. Налӧн коръясыс оз косьмыны, и налӧн вотӧсыс оз бырлы. Пуясыс быд тӧлысь вайӧны вотӧс, ӧд найӧс юкталӧ вежаинсянь визувтысь ва. Тайӧ пуяслысь вотӧссӧ кутасны сёйны, а корнас бурдӧдчыны».

Езекиль 47:12 ပူးပေါင်းရင်းမြစ်များ

Олӧм 2:9

Господь Ен быдтіс-петкӧдіс муысь быдсяма пусӧ – синтӧ гажӧданасӧ и бур вотӧс вайысьсӧ. Нӧшта пуктіс сад йӧр шӧрӧ олӧмыслысь пу да бурсӧ и лёксӧ тӧдмалан пу.

Иов 8:16

Сійӧ вежӧдӧ шонді улын, вожъясыс шевкнитчӧмаӧсь сад йӧрын,

Псалтыр 1:3

Сійӧ лоӧ визув ю дорын быдмысь пу кодь, ас кадӧ вайӧ вотӧс, сылӧн коръясыс оз косьмыны. Быд удж сылӧн кутас артмыны.

Исай 1:6

Юрсянь кок пыдӧсӧдзныд абу дзониныс: гӧгӧр дой, лӧзӧдӧм да орзьӧм. Найӧс абу весалӧма, абу кӧрталӧма, абу мавтӧма выйӧн.

Исай 60:21

Тэнад войтырысь ставныс лоӧны веськыда олысьясӧн, налы пыр кежлӧ вичмас тайӧ муыс. Найӧ – Меӧн пуктӧм быдмӧгъяс, Ме вӧчи найӧс Аслам киӧн, медым найӧ ошкисны Менӧ.

Исай 61:3

Сионын шогсьысьяслы пӧим пыдди сетны мича юрвевттьӧд, бӧрдӧм пыдди – нимкодясьӧм, шогсьӧм пыдди – ошкӧм. Сэки найӧс шуасны зумыда сулалысь веськыда олысьясӧн, пуясӧн, кодъясӧс Господь вужйӧдіс, медым найӧ ошкисны Сійӧс.

Еремей 17:8

Сійӧ лоӧ ва дорын быдмысь пу кодь, визув ю дорӧ вужъясьӧм пу кодь, сійӧ оз пов шонді пӧжӧмысь, сылӧн коръясыс пыр вежӧсь, зэртӧм кадӧ сійӧ оз майшась, оз дугды вайны вотӧс.

Еремей 8:22

Галаадын ӧмӧй абу бурдӧдчан выйыс, сэні ӧмӧй абу бурдӧдысьыс? Мыйла менам войтырлӧн оз бурдны дойясыс?

Езекиль 47:7

Вадорысь ме аддзи зэв уна пу. Найӧ быдмисны ю ӧтар-мӧдар пӧлӧныс.

Восьтӧм 22:2

Карлӧн паськыд туй шӧрас, ю ӧтар-мӧдар бокас, быдмис Олӧмыслӧн пу, коді вайӧ вотӧссӧ быд тӧлысь, вонас – дас кыкысь. Сылӧн коръясыс бурдӧдӧны войтыръясӧс.