Езекиль 46:13 - Коми Библия 2023

¹³ Быд асыв вайӧй Господьлы сотан вись пыдди дзоньвидза арӧса баляӧс.

Езекиль 46:13 ပူးပေါင်းရင်းမြစ်များ

Псалтыр 92:2

Тэнад юралан пуклӧсыд важысянь сулалӧ, му пуксьытӧдзыс на Тэ пыр вӧлін.

Петӧм 12:5

Босьтны колӧ дзоньвидза арӧса баляӧс, сійӧ мед вӧлі межпи либӧ кӧзапи.

Исай 50:4

Господь Ыджыдыс сетіс меным мывкыд сёрни, медым аслам кывйӧн ме верми ёнмӧдны жебмӧмаясӧс. Быд асыв Сійӧ садьмӧдӧ, садьмӧдӧ менсьым пельӧс, медым бур велӧдчысь моз ме кывзі Сійӧс.

Левит 12:6

Писӧ либӧ нывсӧ чужтӧм бӧрын да сӧстӧммӧдчан лунъясыс помасьӧм бӧрын ань мед ваяс поплы вежа чом пыранін дорӧ сотан вись пыдди арӧса баляӧс да мыжысь вись пыдди гулюпиӧс либӧ гулюӧс.

Лыд 28:10

Тайӧ сотан висьсӧ вайӧй быд шойччан лунӧ быдлунся сотан висьысь да вина висьысь ӧтдор.

Иоан 1:29

Аскинас Иоан аддзис сы дінӧ локтысь Исусӧс да шуис: «Видзӧдлӧй, тайӧ Енлӧн Баля. Сійӧ вештӧ став йӧзлысь мыжъяссӧ.

Восьтӧм 13:8

Сылы копыртчыласны мувывса став йӧзыс, кодъяслысь нимсӧ му пуксьӧмсяньыс абу гижӧма начкӧм Балялӧн небӧгӧ – Олӧмыслӧн небӧгӧ.