Езекиль 45:9 - Коми Библия 2023

⁹ Господь Ыджыдыс тадзи висьталӧ: ӧвсьӧй, израильса ӧксыяс! Тырмас виавны-дзескӧдны да бырӧдны! Юралӧй да мыждӧй веськыда, дугдӧй вӧтлавны Менсьым войтырӧс асланыс му юкӧнысь, – висьталӧ Господь Ыджыдыс».

Езекиль 45:9 ပူးပေါင်းရင်းမြစ်များ

Иов 20:19

Ӧд сійӧ гӧльясӧс дзескӧдліс да ӧтдортліс, мырддявліс керкаяс, мый эз лэптывлы.

Иов 22:9

Дӧваясӧс тэ ыстылін куш киӧн, батьтӧм-мамтӧмъясӧс кольлін нинӧмтӧг.

Исай 1:17

велӧдчӧй вӧчны бурсӧ! Зільӧй вӧчны веськыда, отсалӧй увтыртӧмалы, дорйӧй батьтӧм-мамтӧмӧс, сувтӧй дӧва дор.

Еремей 22:3

Господь тадзи висьталӧ: олӧй веськыда да мыждӧй збыльыс серти, увтыртӧмаӧс мездӧй дзескӧдысьлӧн киысь. Йӧз муысь локтысьӧс, батьтӧм-мамтӧмӧс да дӧваӧс энӧ увтыртӧй да энӧ дзескӧдӧй, мыжтӧм мортлысь вирсӧ тайӧ муас энӧ кисьтӧй.

Еремей 6:7

Кыдзи ва петанінысь ылькйӧ-петӧ ва, тадзи тайӧ карсьыс петӧ лёкыс. Сэні ыджыдалӧ виалӧм-дзескӧдӧм да мырддялӧм, висьӧм да дойяс оз вешйывны Менам син водзысь.

Езекиль 44:6

Шу асныра Израиль войтырлы, мый Господь Ыджыдыс тадзи висьталӧ: Израиль войтыр, тырмас тіянлы пежсӧ вӧчны.

Езекиль 7:11

виалӧм-дзескӧдӧм содӧ, сійӧ – лёк вӧчысьяс киын бедь. Весиг морт оз коль налӧн ызгысь чукӧрысь, налӧн озырлунысь нинӧм оз коль, налӧн вылӧ кыпӧдчӧмыс бырас.

Езекиль 7:23

Найӧ вайӧдасны Израиль войтырӧс шызьӧмӧдз, ӧд муыс тырас вир кисьтӧмӧн, юркарын паськалас виалӧм-дзескӧдӧм.

Езекиль 8:17

Сійӧ шуис меным: «Аддзан-ӧ, морт пиӧй? Иуда войтырлы оз ӧмӧй тырмы зывӧк вӧчӧмыс? Виалӧм-дзескӧдӧмнас найӧ тыртісны мусӧ да ӧтарӧ скӧрмӧдӧны Менӧ, кор Меным ныр улӧ пуктӧны пу вожъяс.

Амос 5:15

Мустӧмтӧй лёксӧ да радейтӧй бурсӧ, веськыда мыждӧй ёрд вылын. Гашкӧ, Господь Ен Саваоф бурсьӧлӧмтчас Ӧсип рӧдысь ловйӧн кольӧмаяс дінӧ.

Амос 5:24

Но веськыда мыждӧмыс мед визувтас ва моз, веськыдлуныс – ю моз.

Микей 2:9

Менам войтырлысь аньяссӧ ті вӧтланныд гортсьыныс, налысь ныв-писӧ Меысь пыр кежлӧ торйӧданныд.

Микей 6:10

Тіян керкаясын ӧнӧдз на эм ылӧдчӧмӧн нажӧвитӧм озырлун, пӧръясьӧмӧн муртасян доз.

Закар 7:9

– Господь Саваоф тадзи висьталӧ: веськыда мыждӧй, лоӧй бур сьӧлӧмаӧсь да меліӧсь ӧта-мӧдныд дінӧ.

Закар 8:16

Со мый тіянлы колӧ вӧчны: висьталӧй збыльсӧ ӧта-мӧдныдлы, бурасьӧм могысь веськыда мыждӧй ёрд выланыд.

Лука 3:14

Шыпуртаяс тшӧтш юалісны сылысь: «А миянлы мый колӧ вӧчнысӧ?» Иоан шуис налы: «Мырдысьӧн да повзьӧдлӧмӧн энӧ босьтӧй йӧзлысь сьӧм, тырмӧдчӧй асланыд удждонӧн».

1 Петыр 4:3

Водзынсӧ ті вӧчинныд ентӧдтӧмъяс моз: олінныд лэдзчысьӧмӧн да лёк кӧсйӧмныд серти, кырсалінныд, кодалінныд-гажӧдчинныд да юрбитінныд зывӧк идолъяслы. Пӧттӧдз нин тіян тадзисӧ олӧма.