Езекиль 45:5 - Коми Библия 2023

⁵ Мӧд му юкӧныс, мый тшӧтш кызь вит сюрс гырддза кузьта да дас сюрс гырддза пасьта, лоӧ крамын кесъялысь левитъяслы. Сэтчӧ найӧ вермасны лэптыны керкаяснысӧ.

Езекиль 45:5 ပူးပေါင်းရင်းမြစ်များ

Езекиль 40:17

Морт вайӧдіс менӧ ортсы йӧрӧ. Йӧр гӧгӧрыс вӧлі вольсалӧма изъяс, и сэні сулаліс керка, кӧні сьӧрсьӧн-бӧрсьӧн вӧлі комын жыр.

Езекиль 48:10

Тайӧ вежа му юкӧныс лоӧ попъяслы. Сійӧ лоӧ кызь вит сюрс гырддза кузьта да дас сюрс гырддза пасьта. Кузьтасӧ лоӧ мурталӧма рытыввывсянь асыввылӧ, пасьтасӧ войвывсянь лунвылӧ. Попъяслӧн му шӧрас лоӧ Господьлӧн вежаин.

Езекиль 48:13

Левитъяслы лоӧ попъяслӧн му бердысь кызь вит сюрс гырддза кузьта да дас сюрс гырддза пасьта му. Попъяслӧн да левитъяслӧн муясыс ӧтлаын лоӧны кузьтанас кызь вит сюрс гырддза, пасьтанас – кызь сюрс гырддза.

Езекиль 48:20

Торйӧдӧм муыс, кытчӧ пырӧны вежа му юкӧныс да карса муыс, лоӧ нёль пельӧса, кузьта-пасьтанас кызь вит сюрс гырддза.

Левит 23:42

Олӧй сизим лун чӧж чомъясын. Израиль муын олысь став вужвойтырыс тайӧ лунъясӧ мед оласны чомъясын.

Лыд 35:2

«Тшӧкты Израиль пиянлы, медым асланыс муысь сетасны левитъяслы олан каръяс да нагӧгӧрса видзьяс.