Езекиль 45:18 - Коми Библия 2023

¹⁸ «Господь Ыджыдыс тадзи висьталӧ: медводдза тӧлысьлӧн медводдза лунӧ босьтӧй дзоньвидза ӧшкӧс, медым сӧстӧммӧдны вежаин

Езекиль 45:18 ပူးပေါင်းရင်းမြစ်များ

Петӧм 12:2

«Тайӧ тӧлысьыс мед лоас тіянлы волӧн медводдза тӧлысьӧн.

Петӧм 40:2

«Медводдза тӧлысьлӧн медводдза лунӧ сувтӧд вежа чом.

Езекиль 43:19

сет ӧшкӧс Левий чужанкотырысь Садок рӧдысь попъяслы, кодъяслы лэдзӧма матыстчыны Ме дінӧ Меным кесъялӧм могысь, – висьталӧ Господь Ыджыдыс. – Найӧ мед начкасны ӧшкӧс мыжысь вись пыдди.

Езекиль 43:20

Босьт ӧшлысь вирсӧ да мавтышт сыӧн висьпуктанінлысь нёльнан сюрсӧ, тшупӧдлысь нёльнан пельӧссӧ да дорышъяссӧ. Тадзи сӧстӧммӧдан висьпуктанінсӧ.

Езекиль 43:22

Мӧд луннас мыжысь вись пыдди вай дзоньвидза ай кӧзаӧс, медым ӧш вирӧн моз сӧстӧммӧдны висьпуктанінсӧ.

Езекиль 43:23

Сӧстӧммӧдӧм бӧрын вай дзоньвидза ӧшкӧс да дзоньвидза межӧс

Езекиль 43:26

Сизим лун чӧж мед сӧстӧммӧдасны висьпуктанінсӧ, и висьпуктаніныс лоӧ сиӧма вись вайӧмлы.

Езекиль 45:20

Тадзи вӧчӧй тшӧтш тӧлысьыслӧн сизимӧд лунӧ на вӧсна, кодъяс мыж вӧчисны мӧвпышттӧг либӧ гӧгӧрвотӧг. Тадзи сӧстӧммӧдӧй крамсӧ.

Езекиль 46:1

«Господь Ыджыдыс тадзи висьталӧ: квайт уджалан лун чӧж пытшкӧс йӧрӧ нуӧдысь асыввыв пыранін мед лоӧ пӧдса, а шойччан лунӧ да выль тӧлысь пасъян лунӧ мед лоӧ восьса.

Левит 16:16

Татшӧм ногӧн сійӧ сӧстӧммӧдас Вежасьыс-вежаинсӧ Израиль пиянлӧн пежсьыс да мыжсьыс. Израиль пиян пӧвстын сулалысь вежа чомсӧ мед ставнас сӧстӧммӧдас налӧн пежсьыс.

Левит 16:33

сэсся мед сӧстӧммӧдас Вежасьыс-вежаинсӧ, ставнас вежа чомсӧ да висьпуктанінсӧ, вештас попъяслысь да став войтырыслысь мыжсӧ.

Левит 22:20

Энӧ вайӧй Господьлы вись пыдди пемӧсӧс, кодлӧн эм кутшӧмкӧ тырмытӧмтор. А ваянныд кӧ, ті онӧ лоӧй шогманаӧсь Господьлы.

Матвей 6:33

Медводз корсьӧй Енлысь Юралӧмсӧ да Сылысь веськыдлунсӧ, сэки тіян ставыс тайӧ лоӧ.

Еврейяслы 7:26

Дзик татшӧм аркирей колӧ миянлы: вежа, сӧстӧм да мыжтӧм, кодӧс торйӧдӧма мыжа йӧзысь да кыпӧдӧма енэжсьыс вылӧджык на.

Еврейяслы 9:14

сідзкӧ, кымын пӧв ёнджыка сӧстӧммӧдӧ Кристослӧн вирыс! Вежа Лов вынӧн Кристос вайис Асьсӧ Енлы сӧстӧм вись пыдди. Та вӧсна Сылӧн вирыс мыськалӧ миянлысь сьӧлӧмнымӧс кулӧмӧ вайӧдысь лёк вӧчӧмсьыным, медым ми вермим кесъявны збыль да ловъя Енлы.

1 Петыр 1:19

Тіянӧс ньӧбӧма Кристослӧн дона вир вылӧ, тыр-бур да сӧстӧм Балялӧн вир вылӧ.