Езекиль 43:3 - Коми Библия 2023

³ Татшӧм жӧ петкӧдчылӧмъяс ме аддзылі, кор Господь воліс бырӧдны Ерусалим кар, и кор ме вӧлі Кевар ю бокын. Ме кымынь уси муас.

Езекиль 43:3 ပူးပေါင်းရင်းမြစ်များ

Еремей 1:10

Талун Ме пукта тэнӧ войтыръяслы юӧртысьӧ, медым нетшкыны да жуглыны, бырӧдны да пазӧдны, выльысь тэчны да вужйӧдны.

Езекиль 3:23

Ме чеччи да петі ковтысӧ. Сэні ме аддзи Господьлысь дзирдлунсӧ, и сійӧ вӧлі дзик сэтшӧм, кутшӧмӧс ме аддзылі Кевар ю бокын. Ме кымынь уськӧдчи муас.

Езекиль 32:18

«Морт пиӧй, ырзӧмӧн бӧрд египетса уна лыда войтыр вӧсна. Колльӧд найӧс да мукӧд вына войтыръясӧс, кодъяс мунасны му пыдӧсас, кулӧмаяс дінӧ.

Езекиль 44:4

Морт вайӧдіс менӧ войвыв пыранінӧд крам водзӧ. Ме аддзи, мый Господьлӧн дзирдлуныс тыртіс крамсӧ, и ме кымынь уськӧдчи муас.

Езекиль 8:4

Сэні ме аддзи Израиль Енлысь сэтшӧм жӧ дзирдлунсӧ, кутшӧмӧс ме аддзылі ковтысын.

Езекиль 9:1

Та бӧрын ме кылі, кыдзи Господь гораа горӧдіс: «Локтӧй, Ерусалим карӧс мыждысьяс! Босьтӧй кианыд тышкасянторнытӧ!»

Езекиль 9:10

Та вӧсна Ме ог жалит найӧс, ог бурсьӧлӧмтчы на дінӧ. Ме мынтыся налы олан туйныс серти».

Езекиль 9:3

Сэки Израиль Енлӧн дзирдлуныс кыпӧдчис херувим вылысь да вуджис крам ӧдзӧслань. Господь корис шабді паськӧма мортӧс, кодлӧн вӧнь бердас вӧлі гижасянтор,

Езекиль 9:5

Ме кылі, кыдзи Господь мукӧдыслы шуис: «Мунӧй сы бӧрся карӧд да жалиттӧг виалӧй йӧзсӧ, энӧ нормӧй сьӧлӧмнаныд.