Езекиль 43:20 - Коми Библия 2023

²⁰ Босьт ӧшлысь вирсӧ да мавтышт сыӧн висьпуктанінлысь нёльнан сюрсӧ, тшупӧдлысь нёльнан пельӧссӧ да дорышъяссӧ. Тадзи сӧстӧммӧдан висьпуктанінсӧ.

Езекиль 43:20 ပူးပေါင်းရင်းမြစ်များ

Петӧм 29:12

Чуньтӧ кӧтӧд ӧш вирнас да мавтышт висьпуктанінлысь сюръяссӧ, а коляс вирсӧ койышт висьпуктанін улӧ.

Петӧм 29:36

Мыж вештӧм могысь быд лун начкы ӧшкӧс. Вай сійӧс висьпуктанін вылын мыжысь вись пыдди. Тадзи сӧстӧммӧдан висьпуктанінсӧ. И вежӧдӧм могысь мавтышт сійӧс.

Петӧм 29:37

Сизим лун чӧж сӧстӧммӧд висьпуктанінсӧ да вежӧд сійӧс, и висьпуктаніныс лоӧ вежасьыс-вежа. Ставыс, мый инмас висьпуктанінӧ, лоӧ вежа».

Езекиль 43:14

воргасянь, му веркӧссянь, улыс тшупӧдӧдз вӧлі кык гырддза, тшупӧдлӧн пасьтаыс – ӧти гырддза. Улыс тшупӧдсянь вылыс тшупӧдӧдз вӧлі нёль гырддза, вылыс тшупӧдлӧн пасьтаыс – ӧти гырддза.

Езекиль 43:22

Мӧд луннас мыжысь вись пыдди вай дзоньвидза ай кӧзаӧс, медым ӧш вирӧн моз сӧстӧммӧдны висьпуктанінсӧ.

Езекиль 43:26

Сизим лун чӧж мед сӧстӧммӧдасны висьпуктанінсӧ, и висьпуктаніныс лоӧ сиӧма вись вайӧмлы.

Езекиль 45:18

«Господь Ыджыдыс тадзи висьталӧ: медводдза тӧлысьлӧн медводдза лунӧ босьтӧй дзоньвидза ӧшкӧс, медым сӧстӧммӧдны вежаин

Езекиль 45:19

мыжысь вись вайӧмӧн. Поп мед босьтас ӧшлысь вирсӧ да мавтас вирнас крам куричьяс, висьпуктанін тшупӧдлысь нёльнан пельӧссӧ да пытшкӧс йӧрӧ пыранінлысь куричьяссӧ.

Левит 16:18

Вежа чомйысь петӧм бӧрын Аарон мед сувтас Господь водзын сулалысь висьпуктанін дорӧ да сӧстӧммӧдас сійӧс. Ӧш вирӧн да кӧза вирӧн мед мавтас висьпуктанінлысь сюръяссӧ быд боксянь.

Левит 16:19

Вирнас мед кӧтӧдас чуньсӧ да сизимысь резас висьпуктанінсӧ. Тадзи сӧстӧммӧдас сійӧс Израиль пиянлӧн пежсьыс да вежӧдас сійӧс.

Левит 4:25

Поп мед кӧтӧдас чуньсӧ вись вирнас да мавтас висьпуктанінлысь сюръяссӧ, а коляс вирсӧ мед кисьтас висьпуктанін улӧ.

Левит 4:30

Поп мед кӧтӧдас чуньсӧ вись вирнас да мавтас висьпуктанінлысь сюръяссӧ, а коляс вирсӧ мед кисьтас висьпуктанін улӧ.

Левит 4:34

Поп мед кӧтӧдас чуньсӧ вись вирнас да мавтас висьпуктанінлысь сюръяссӧ, а коляс вирсӧ мед кисьтас висьпуктанін улӧ.

Левит 8:14

Мыжысь вись вайӧм могысь Мӧисей вайӧдіс ӧшкӧс. Аарон да сылӧн пияныс пуктылісны кинысӧ ӧшлы юр вылас.

Левит 8:15

Мӧисей начкис ӧшсӧ, сэсся чуньсӧ кӧтӧдіс ӧш вирнас да мавтыштіс висьпуктанінлысь сюръяссӧ быд боксянь, медым сӧстӧммӧдны висьпуктанінсӧ. Коляс вирсӧ койыштіс висьпуктанін улӧ. Тадзи Мӧисей вежӧдіс-сӧстӧммӧдіс висьпуктанінсӧ.

Левит 9:9

Ааронлӧн пияныс сетісны сылы висьлысь вирсӧ. Чуньсӧ вирӧн кӧтӧдлӧм бӧрын сійӧ мавтыштіс висьпуктанінлысь сюръяссӧ. Коляс вирсӧ койыштіс висьпуктанін улӧ.