Езекиль 43:19 - Коми Библия 2023

¹⁹ сет ӧшкӧс Левий чужанкотырысь Садок рӧдысь попъяслы, кодъяслы лэдзӧма матыстчыны Ме дінӧ Меным кесъялӧм могысь, – висьталӧ Господь Ыджыдыс. – Найӧ мед начкасны ӧшкӧс мыжысь вись пыдди.

Езекиль 43:19 ပူးပေါင်းရင်းမြစ်များ

Ӧксыяслӧн 3 небӧг 2:27

Соломон вештіс Авиатарӧс Господь водзын попӧн кесъялӧмысь. Тадзи иніс Илийлӧн рӧд йылысь Силомын Господьлӧн шуӧмыс.

Ӧксыяслӧн 3 небӧг 2:35

Йоав пыдди тышкайӧзӧн веськӧдлыны Соломон пуктіс Бенайӧс, [ачыс Соломон сэки ӧксыаліс Ерусалимын,] а Авиатар поп пыдди ӧксы пуктіс [аркирейӧ] Садокӧс. [Господь сетіс Соломонлы ыджыд мывкыдлун, сюсь вежӧр да уна тӧдӧмлун, сылӧн тӧдӧмлуныс вӧлі саридздор лыа мында. Соломонлӧн мывкыдлуныс вӧлі ёна ыджыдджык важ олысьяслӧн да Египетын олысь мывкыда йӧзлӧн дорысь. Соломон босьтіс гӧтырӧ фараонлысь нывсӧ да вайӧдіс сійӧс Давид карӧ. Сэні гӧтырыс оліс, кытчӧдз Соломон эз лэпты аслыс керка. Но медводз сійӧ лэптіс Господьлы крам да Ерусалим гӧгӧр стен. Соломон вӧчис крамсӧ сизим во чӧж. Соломонлӧн вӧлі сизимдас сюрс морт, кодъяс кыскалісны-ваялісны изъяс, и кӧкъямысдас сюрс морт, кодъяс кералісны-перйисны изсӧ изкыртаысь. Соломон вӧчӧдіс вайӧртӧд да сы улын сулалысь пыкӧдъяс, вӧчӧдіс ыджыд мыссян дозъяс да сюръяяс, крам йӧрас вӧчӧдіс ва петанін да ыргӧнысь вайӧртӧд. Соломон вӧчӧдіс изкар да сы гӧгӧр стен, юкис Давид карсӧ кык пельӧ. Фараонлӧн нылыс вуджис Давид карысь аслас керкаӧ, кодӧс Соломон лэптіс сылы. Кар гӧгӧрыс Соломон кыпӧдіс стен. Куимысь вонас Соломон вайліс сотан да бурасян висьяс висьпуктанін вылын, кодӧс сійӧ лэптіс Господьлы, и сэні Господь водзын тшынӧдчис. Соломон помаліс керка лэптӧмсӧ. Сылӧн вӧлі куим сюрс квайтсё морт, кодъяс видзӧдісны уджалысьяс бӧрся. Господьлысь крамсӧ лэптӧм бӧрын да Ерусалим кар гӧгӧр стен кыпӧдӧм бӧрын Соломон нӧшта кыпӧдіс Ассур, Магдон, Гезер, Вылыс Бет-Хорон да Баалат каръяс. Ловъя дырйиыс на Давид шуліс Соломонлы: «Тэ тӧдан Бахуримысь Венямин чужанкотырысь Герлысь Шимей писӧ. Сійӧ быд ногыс лёкӧдіс менӧ, кор ме вӧлі муна Маханаимӧ. Но кор ме бӧр локті, сійӧ меным воча петіс Йӧрдан ю дорын, и сэки ме Господь водзын кыв сеті сылы, мый ог ви сійӧс. А тэ эн коль сійӧс мыждытӧг. Тэ мывкыд морт, и ачыд тӧдан, мый сыкӧд вӧчны, медым пӧрысь кадас сійӧ вуджас кулӧмаяс дінӧ сылысь вирсӧ кисьтӧм бӧрын».]

Исай 61:6

А тіянӧс пондасны шуны Господьлы кесъялысь попъясӧн, миян Енлӧн кесйӧгъясӧн. Ті понданныд вӧдитчыны войтыръяслӧн озырлунӧн, налӧн нималӧмыс вичмас тшӧтш тіянлы.

Исай 66:22

Кыдзи выль енэжыс да выль муыс, кодъясӧс Ме вӧча, пыр лоӧны Ме водзын, тадзи тіянсянь чужысьяс да тіян нимныд пыр лоӧны Ме водзын, – висьталӧ Господь. –

Езекиль 40:46

Войвылӧ видзӧдысь керкаыс – висьпуктанін дорын кесъялысь попъяслы, Садок рӧдысь петысьяслы. Левий чужанкотырысь сӧмын найӧ вермӧны матыстчыны Господь дінӧ, медым кесъявны Сылы».

Езекиль 43:23

Сӧстӧммӧдӧм бӧрын вай дзоньвидза ӧшкӧс да дзоньвидза межӧс

Езекиль 44:15

Левий чужанкотырысь сӧмын Садок рӧдысь попъяслы, кодъяс эз дугдывны кесъявны Менам вежаинын, кор Израиль пиян кежисны Меысь, позьӧ матыстчыны Ме дінӧ да кесъявны Меным. Найӧ пондасны сулавны Ме водзын да вайны Меным гос да вир, – висьталӧ Господь Ыджыдыс. –

Езекиль 45:4

Тайӧ вежа муыс попъяслӧн, кодъяс кутасны матыстчыны Господь дінӧ, медым вежаинын кесъявны Сылы. Сэні лоӧны налӧн керкаясыс да вежаин.

Езекиль 48:11

Тайӧ муыс лоӧ Садок рӧдысь вежа попъяслы, кодъяс дугдывтӧг кесъялісны Меным да эз кежны Меысь левитъяс моз, кор Израиль войтыр кежис Меысь.

Лыд 16:40

кыдзи Господь тшӧктіс Мӧисей пыр. Лямӧдӧм дозъясыс лоины Израиль пиянлы ӧлӧданпасӧн, медым Ааронсянь чужысьяс кындзи некод эз тшынӧд чӧскыд ӧвтанторъяс Господь водзын, и эз ло сідзи, кыдзи лои Корейкӧд да сылӧн йӧзыскӧд.

Лыд 16:5

Сэсся Корейлы да сылӧн йӧзыслы шуис: «Аски Господь петкӧдлас, коді вежа, коді Сылӧн, да кодлы Сійӧ лэдзӧ матыстчыны Ас дінас. Кодӧс Господь бӧръяс, сійӧс и лэдзас матыстчыны Ас дінас.

Лыд 18:5

Тіянӧс пуктӧма тӧждысьны вежаин да висьпуктанін вӧсна, медым водзӧвылӧ Менам скӧрлунӧй эз су Израиль пиянӧс.

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

Еврейяслы 7:27

Мукӧд аркирейлы моз Сылы абу колана быд лун вись вайны медводз аслас мыжъяс вӧсна, сэсся йӧзлӧн мыжъяс вӧсна. Ӧд Сійӧ вайис нин Асьсӧ вись пыдди ӧтчыдысь да пыр кежлӧ.

1 Петыр 2:5

да вайӧй асьнытӧ ловъя из пыдди, медым Ен вӧчас тіянысь Аслас Ловлы оланін. Сэки лоанныд вежа поп котырӧн да кутанныд вайны Ловсянь вись, мый лоӧ шогмана Енмыслы Исус Кристос пыр.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.