Езекиль 43:17 - Коми Библия 2023

¹⁷ Сотанін улас тшупӧдыс быд боксянь кузьтанас вӧлі дас нёль гырддза. Сотанінсӧ вӧлі гӧгӧртӧма джын гырддза пасьта дорышӧн да ӧти гырддза джуджда воргаӧн. Висьяссӧ сотанін дорӧдз асыввывсянь кайис сод.

Езекиль 43:17 ပူးပေါင်းရင်းမြစ်များ

Ӧксыяслӧн 3 небӧг 18:32

Тайӧ изъяссьыс Илля тэчис Господьлы висьпуктанін, гӧгӧрыс кодйис гуран, кытчӧ позьӧ вӧлі тӧрӧдны кык куд тыр шыдӧс.

Ӧксыяслӧн 3 небӧг 6:8

Жыръясӧ пыраніныс вӧлі крам лунвывладорсянь. Шӧр судтаас кайисны поскӧд, а сэсянь водзӧ кайисны вылыс судтаас.

Неемий 9:4

Исус, Бани, Кадмиэл, Шеваний, Бунни, Шеревий, Бани да Кенани сувтісны левитъяслы лӧсьӧдӧм сод вылӧ да гораа кевмысисны Господьлы, асланыс Енлы.

Петӧм 20:26

Висьпуктанінӧ содйӧд энӧ кайӧй, медым восьлаліганыд эз тыдовтчы куш яйныд».

Петӧм 25:25

Вӧч пызанлы ки пыдӧс судта дор, а сылысь дорышсӧ вӧч зарниысь.

Петӧм 30:3

Висьпуктанінлысь вывсӧ, бокъяссӧ да сюръяссӧ эж весалӧм зарниӧн. Доргӧгӧрыс вӧч зарни дорыш.

Езекиль 40:6

Сэсся морт матыстчис асыввыв пыранін дорӧ, кайис содйӧдыс да мурталіс тагӧссӧ, ӧдзӧс воссян пасьтасӧ. Сійӧ вӧлі бедь кузьта. Пыранінлӧн мӧдар помас тагӧсыс вӧлі татшӧм жӧ.

Езекиль 43:14

воргасянь, му веркӧссянь, улыс тшупӧдӧдз вӧлі кык гырддза, тшупӧдлӧн пасьтаыс – ӧти гырддза. Улыс тшупӧдсянь вылыс тшупӧдӧдз вӧлі нёль гырддза, вылыс тшупӧдлӧн пасьтаыс – ӧти гырддза.

Езекиль 43:20

Босьт ӧшлысь вирсӧ да мавтышт сыӧн висьпуктанінлысь нёльнан сюрсӧ, тшупӧдлысь нёльнан пельӧссӧ да дорышъяссӧ. Тадзи сӧстӧммӧдан висьпуктанінсӧ.

Езекиль 45:19

мыжысь вись вайӧмӧн. Поп мед босьтас ӧшлысь вирсӧ да мавтас вирнас крам куричьяс, висьпуктанін тшупӧдлысь нёльнан пельӧссӧ да пытшкӧс йӧрӧ пыранінлысь куричьяссӧ.

Езекиль 8:16

Господь вайӧдіс менӧ крамлӧн пытшкӧс йӧрӧ. Крам пыранін дорын, посводз да висьпуктанін костын, сулалісны кызь вит кымын айлов. Найӧ сулалісны Господьлӧн крамлы мышкӧн, чужӧмнаныс асыввылӧ, да копрасисны шонділы.