1 Морт вайӧдіс менӧ асыввыв пыранін дорӧ.
Херувимъяс шевкнитісны борднысӧ да менам син водзын кыпӧдчисны му вывсянь. Гӧгыльясыс кыпӧдчисны накӧд. Херувимъяс сувтісны Господьлӧн крамӧ пыран асыввыв дзиръя дорӧ, и Израиль Енлӧн дзирдлуныс вӧлі на вылын.
Сэсся морт матыстчис асыввыв пыранін дорӧ, кайис содйӧдыс да мурталіс тагӧссӧ, ӧдзӧс воссян пасьтасӧ. Сійӧ вӧлі бедь кузьта. Пыранінлӧн мӧдар помас тагӧсыс вӧлі татшӧм жӧ.
Крамсӧ йӧръяснас мурталӧм бӧрын морт петкӧдіс менӧ асыввыв пыранінӧд да мурталіс крамлы торйӧдӧм мусӧ.
Господьлӧн дзирдлуныс пырис крамӧ асыввыв пыранінӧд.
Морт бӧр вайӧдіс менӧ вежаинлӧн асыввыв ортсы пыранін дорӧ. Пыраніныс вӧлі пӧдса.
Господь шуис меным: «Тайӧ пыраніныс лоӧ пӧдса. Сійӧс оз восьтны, мортлы сэті пырнысӧ оз позь. Ӧд Господь, Израильлӧн Ен, пырис сэті. Та вӧсна тайӧ пыраніныс лоӧ пӧдса.
«Господь Ыджыдыс тадзи висьталӧ: квайт уджалан лун чӧж пытшкӧс йӧрӧ нуӧдысь асыввыв пыранін мед лоӧ пӧдса, а шойччан лунӧ да выль тӧлысь пасъян лунӧ мед лоӧ восьса.
