Езекиль 41:22 - Коми Библия 2023

²² Пуысь вӧчӧм висьпуктаніныс вӧлі куим гырддза судта, кык гырддза кузьта да кык гырддза пасьта. Сылысь пельӧс сюръяссӧ, подувсӧ да стенъяссӧ вӧлі вӧчӧма пуысь. Висьпуктанін йылысь морт шуис меным: «Тайӧ пызаныс сулалӧ Господьлӧн чужӧмбан водзын».

Езекиль 41:22 ပူးပေါင်းရင်းမြစ်များ

Ӧксыяслӧн 3 небӧг 6:20

Вежасьыс-вежаиныс вӧлі кызь гырддза пасьта, кызь гырддза кузьта да кызь гырддза судта. Стенъяссӧ Соломон эжис весалӧм зарниӧн, сус пуысь вӧчӧм висьпуктанінсӧ тшӧтш эжис зарниӧн.

Ӧксыяслӧн 3 небӧг 6:22

Крам пытшкӧссӧ дзоньнас эжис зарниӧн, Вежасьыс-вежаин водзвылын сулалысь висьпуктанінсӧ тшӧтш эжис зарниӧн.

Ӧксыяслӧн 3 небӧг 7:48

Таысь кындзи Господьлӧн крамӧ Соломон вӧчӧдіс уна мукӧдтор: зарни висьпуктанін, вежа няньлы зарни пызан

2 Каднебӧг 4:19

Таысь кындзи Енлӧн крамӧ Соломон вӧчӧдіс уна мукӧдтор: зарни висьпуктанін, вежа няньлы пызанъяс,

Петӧм 25:23

«Вӧч акация пуысь пызан: кузьтанас кык гырддза, пасьтанас ӧти гырддза, судтанас гырддза да джын.

Петӧм 30:8

Мед тшынӧдчас тшӧтш быд рыт, кор кутас локны би ӧзтыны. Тадзи Господь водзын колӧ тшынӧдчыны чужысьяссянь чужысьясӧдз.

Шусьӧгъяс 9:2

Начкис пемӧсъяссӧ, дасьтіс вина да лӧсьӧдіс пызан.

Сьылан 1:12

Смирна ёкмыль моз мусукӧй ляскысьӧ менам морӧс бердӧ.

Езекиль 23:41

Ті нюжӧдчывлінныд дона куйланінъяс вылӧ. Тіян водзӧ вӧлі лӧсьӧдӧма пызан, и сэтчӧ ті пуктывлінныд Менсьым тшынӧдчанторйӧс да олив выйӧс.

Езекиль 44:16

Найӧ пондасны пырны Менам Вежаинӧ да матыстчыны Менам пызан дорӧ, медым кесъявны Меным.

Левит 24:6

Господь водзӧ весалӧм зарниысь вӧчӧм пызан вылӧ пукты няньсӧ квайтӧн-квайтӧн кык визьӧ.

Малакий 1:12

А ті янӧданныд Менсьым нимӧс, кор нинӧмӧ пуктанныд Господьлысь пызансӧ, вись пыдди ваянныд сэтчӧ шогмытӧм сёян.

Малакий 1:7

Ті ваянныд Менам висьпуктанін вылӧ пеж нянь. Ті юаланныд: «Мыйӧн ми увтыртам Тэнӧ?» Ті нинӧмӧ пуктанныд Господьлысь висьпуктанінсӧ.

1 Коринфӧ 10:21

Ті онӧ вермӧй ӧтпырйӧ юны Господьлӧн чашаысь да пеж ловъяслӧн чашаысь. Ті онӧ вермӧй ӧтпырйӧ сёйны Господькӧд да пеж ловъяскӧд.

Восьтӧм 3:20

Со, Ме сулала ӧдзӧс дорад да игӧдча. Коді кылас Менсьым гӧлӧс шыӧс да восьтас Меным, сы ордӧ Ме пыра, и ми кутам ӧтвыв сёйны.

Восьтӧм 8:3

Сэсся матыстчис нӧшта ӧти андел да сувтіс тшынӧдчан висьпуктанін водзӧ. Киас сійӧ кутіс зарни тшынӧдчан доз. Сылы вӧлі сетӧма уна ладан, медым вежа войтырлӧн кевмысьӧмъяснас пуктыны сійӧс зарни тшынӧдчан висьпуктанін вылӧ, мый сулаліс юралан пуклӧс водзын.