Езекиль 40:4 - Коми Библия 2023

⁴ Сійӧ шуис меным: «Морт пиӧй, бура видзӧд, сюся кывзы да босьт тӧд вылад ставсӧ, мый ме петкӧдла тэныд. Дзик та вӧсна тэнӧ татчӧ вайӧдӧма. Ставсӧ, мый аддзылан, висьтав Израиль войтырлы».

Езекиль 40:4 ပူးပေါင်းရင်းမြစ်များ

Исай 21:10

Менам войтырӧй, тэнӧ вартӧма-изӧма гумла вылын. Мый ме кывлі Господь Саваофсянь, Израильлӧн Енсянь, сійӧс ӧні висьтала тіянлы.

Еремей 26:2

«Господь тадзи висьталӧ: сувт Господьлӧн крам йӧрас. Иуда каръясысь олысьяс кор локтасны сэтчӧ, медым юрбитны Господьлӧн крамын, висьтав налы ставсӧ, мый Ме тшӧкта тэныд висьтавны, нинӧм эн чинты.

Езекиль 2:1

Татшӧм ногӧн петкӧдчис Господьлӧн дзирдлуныс. Сійӧс аддзӧмысь ме кымынь уськӧдчи муас. И ме кылі гӧлӧс шы. Сійӧ шуис меным: «Морт пиӧй, чеччы. Ме кута сёрнитны тэкӧд».

Езекиль 2:3

Сійӧ шуис меным: «Морт пиӧй, Ме мӧдӧда тэнӧ Израиль пиян дінӧ, кывзысьтӧм йӧз дінӧ, кодъяс эновтісны Менӧ. Асланыс батьяс моз найӧ пыр на Меным паныд кыпӧдчӧны.

Езекиль 3:17

«Морт пиӧй, Ме пукті тэнӧ Израиль войтырлы видзысьӧ. Кор тэ кылан Менсьым кывйӧс, тэныд ковмас ӧлӧдны Израиль войтырӧс Ме пыдди.

Езекиль 43:10

А тэ, морт пиӧй, юӧрт Израиль войтырлы тайӧ крам йывсьыс. Кор найӧ тӧдмаласны, кутшӧм ыджыд да тыр-бур тайӧ крамыс, налы яндзим лоӧ асланыс мыжъясысь.

Езекиль 44:5

Господь шуис меным: «Морт пиӧй, бура видзӧд, сюся кывзы да босьт тӧд вылад ставсӧ, мый Ме висьтала тэныд Аслам крам да пыран-петанінъяс йылысь. Босьт тӧд вылад на йылысь индӧд-тшӧктӧмсӧ.

Езекиль 47:6

Морт шуис меным: «Морт пиӧй, аддзылін?» Сэсся сійӧ петкӧдіс менӧ ваысь.

Матвей 10:27

Мый Ме шуа тіянлы пемыдын, висьталӧй югыдын. Пеляныд вашкӧдӧмасӧ юӧртӧй керка вывсянь.

Матвей 13:9

Кодлӧн эм пель, мед кылӧ!»

Ап. уджъяс 20:27

ме ӧд ланьтлытӧг висьтавлі тіянлы Енлысь став кӧсйӧмсӧ.

1 Коринфӧ 11:23

Ме висьтавлі нин тіянлы, мый Ачыс Господь меным висьталіс. Господь Исус, Сійӧс вузалан войӧ, босьтіс нянь,

Индӧд 32:46

шуис: «Босьтӧй сьӧлӧманыд кывъяссӧ, мый талун висьтала тіянлы. Тшӧктӧй асланыд ныв-пилы овны тайӧ Индӧдыс серти.