Езекиль 40:39 - Коми Библия 2023

³⁹ Пыранінлӧн посводзын ӧтарладорас сулаліс кык пызан, и мӧдарладорас – кык пызан. На вылын начкылісны сотан висьяс, мыжысь висьяс да мыж вештан висьяс.

Езекиль 40:39 ပူးပေါင်းရင်းမြစ်များ

Исай 53:10

Господьлӧн вӧлі шуӧма дойдны Сійӧс, мӧдӧдны Сылы сьӧкыдлунъяс. Но кор Сійӧ Асьсӧ ваяс мыж вештан вись пыдди, Сійӧ аддзас Сысянь чужысьясӧс, кодъяс кутасны дыр овны. Господьлӧн кӧсйӧмыс инас Сы пыр.

Исай 53:5

Но Сійӧс вӧлі бытшкӧма миян мыжъяс вӧсна, дойдалӧма миян лёк вӧчӧмъяс вӧсна. Сійӧ нуис мыждӧмсӧ, медым миян вӧлі лӧньлун. Сылӧн дойясӧн ми бурдім.

Езекиль 40:40

Войвыв пыранін ортсыас, посводз стен бокас, сулаліс кык пызан, и мӧдар стен бокас сулаліс кык пызан.

Езекиль 40:41

Вись начкан пызаныс ставнас вӧлі кӧкъямыс. Нёль пызан вӧлі пыранін ӧтар стен бокас, и нёль пызан – мӧдар стен бокас.

Езекиль 40:42

Нӧшта сэні вӧлі нёль пызан сотан да мукӧд висьяслы, тшӧтш пуртъяслы да мукӧд начкысянторъяслы. Пызанъяссӧ вӧлі вӧчӧма кералӧм изйысь, налӧн кузьтаыс и пасьтаыс вӧлі гырддза да джын, а джудждаыс – ӧти гырддза.

Езекиль 41:22

Пуысь вӧчӧм висьпуктаніныс вӧлі куим гырддза судта, кык гырддза кузьта да кык гырддза пасьта. Сылысь пельӧс сюръяссӧ, подувсӧ да стенъяссӧ вӧлі вӧчӧма пуысь. Висьпуктанін йылысь морт шуис меным: «Тайӧ пызаныс сулалӧ Господьлӧн чужӧмбан водзын».

Езекиль 42:13

Морт шуис меным: «Восьсаин войвылын и лунвылын сулалысь керкаяслӧн жыръясыс вежаӧсь. Сэні попъяс, кодъяслы сетӧма матыстчыны Господь дінӧ, сёйӧны вежасьыс-вежаторъяс. Сэтчӧ найӧ вайӧны вежасьыс-вежа висьяс: нянь вись, мыжысь вись да мыж вештан вись. Тайӧ жыръясыс вежаӧсь.

Езекиль 44:16

Найӧ пондасны пырны Менам Вежаинӧ да матыстчыны Менам пызан дорӧ, медым кесъявны Меным.

Езекиль 46:2

Ӧксылы колӧ пырны посводзӧд тайӧ пыранінас да сувтны ӧдзӧс курич дорӧ. Попъяс мед ваясны ӧксылысь сотан да бурасян висьяссӧ. Пыранін тагӧс дорын ӧксы мед копыртчылас Господьлы да бӧр петас. Пыраніныс рытӧдзыс мед лоӧ восьса.

Левит 5:15

«Коді тӧдлытӧг Господьлӧн вежаторлы паныд мыж вӧчас, сійӧ лоӧ мыжа. Та вӧсна мед ваяс Господьлы мыж вештан вись пыдди аслас ыж чукӧрысь дзоньвидза межӧс. Мыж вештан висьлысь донсӧ тэныд колӧ индыны эзысьӧн вежаинса сикель серти.

Левит 5:19

Тайӧ мыж вештан вись, кор мортыс мыжмӧ Господь водзын».

Левит 6:6

Господьлы мыж вештан вись пыдди мед вайӧдас поп дінӧ аслас ыж чукӧрысь дзоньвидза межӧс. Висьлысь донсӧ тэныд колӧ индыны.

Малакий 1:12

А ті янӧданныд Менсьым нимӧс, кор нинӧмӧ пуктанныд Господьлысь пызансӧ, вись пыдди ваянныд сэтчӧ шогмытӧм сёян.

Малакий 1:7

Ті ваянныд Менам висьпуктанін вылӧ пеж нянь. Ті юаланныд: «Мыйӧн ми увтыртам Тэнӧ?» Ті нинӧмӧ пуктанныд Господьлысь висьпуктанінсӧ.

Лука 22:30

Менам Юраланінын ті понданныд сёйны-юны Мекӧд ӧти пызан сайын да пуксянныд юралан пуклӧсӧ мыждыны израильса дас кык чужанкотырӧс».

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.