Езекиль 40:29 - Коми Библия 2023

²⁹ Сылӧн бокыса жыръясыс, стенъясыс да посводзыс вӧліны мукӧд пыраніныслӧн кодьӧсь. Пыранінын да посводзын вӧліны ӧшиньяс быд боксянь. Пыраніныс кузьтанас вӧлі ветымын гырддза, а пасьтанас – кызь вит гырддза.

Езекиль 40:29 ပူးပေါင်းရင်းမြစ်များ

Ӧксыяслӧн 3 небӧг 7:4

Ӧшиньяссӧ вӧлі писькӧдӧма куим визьӧн, воча стенъясын ӧшиньяссӧ вӧлі вӧчӧма ӧта-мӧд весьтас.

2 Каднебӧг 31:11

Езекей тшӧктіс дасьтыны Господьлӧн крамын вежӧсъяс. Тадзи и вӧчисны.

Неемий 13:5

Эльяшив торйӧдіс Товилы ыджыд жыр, кӧні водзынсӧ видзлӧмаӧсь нянь вись, ладан, дозмук-кӧлуй, попъяслы вайӧмторъяс, тшӧтш няньлысь, виналысь да выйлысь дасӧд юкӧнсӧ, мый Индӧд серти вӧлі сетӧны левитъяслы, сьылысьяслы да дзиръя видзысьяслы.

Неемий 13:9

Ме тшӧкті сӧстӧммӧдны видзанінъяс да бӧр пуктыны сэтчӧ Енлӧн крамлысь дозмук-кӧлуйсӧ, нянь вись да ладан.

Еремей 36:10

Господьлӧн крамын, Гемарийлӧн вежӧс бердын, Барук лыддис став войтырыслы гижӧд тубрасысь Еремейлысь кывъяссӧ. Гемарий вӧлі ӧксылӧн гижалысь Шафанлӧн пи. Гемарийлӧн вежӧсыс вӧлі крамбердса вылыс йӧрын, крамӧ пыран выль дзиръя дорын.

Езекиль 40:10

Асыввыв пыранінын вӧлі ӧтар бокас куим жыр, мӧдар бокас тшӧтш куим жыр. Жыръясыс вӧліны ӧтпасьтаӧсь, а найӧс торйӧдысь стенъясыс вӧліны ӧткызтаӧсь.

Езекиль 40:12

Быд жыр водзын вӧлі гырддза судта стентор. Ачыс жырйыс вӧлі квайт гырддза пасьта да квайт гырддза кузьта.

Езекиль 40:16

Бокыса жыръясын, найӧс торйӧдысь стенъясын да посводзын вӧліны таса ӧшиньяс, найӧ видзӧдісны йӧрлань. Пыранінлӧн стенъясӧ вӧлі серпасалӧма пальмаяс.

Езекиль 40:25

Лунвыв пыранінлӧн да посводзыслӧн ӧшиньясыс вӧліны мукӧд пыраніныслӧн кодьӧсь. Пыраніныс кузьтанас вӧлі ветымын гырддза, а пасьтанас – кызь вит гырддза.

Езекиль 40:33

Сылӧн бокыса жыръясыс, стенъясыс да посводзыс вӧліны мукӧд пыраніныслӧн кодьӧсь. Пыранінын да посводзын вӧліны ӧшиньяс быд боксянь. Пыраніныс кузьтанас вӧлі ветымын гырддза, а пасьтанас – кызь вит гырддза.

Езекиль 40:36

Сэні тшӧтш вӧліны бокыса жыръяс, стенъяс да посводз. Пыранінын вӧліны ӧшиньяс быд боксянь. Пыраніныс кузьтанас вӧлі ветымын гырддза, а пасьтанас – кызь вит гырддза.

Езекиль 40:7

Пыранінын вӧліны бокыса жыръяс, налӧн кузьтаыс и пасьтаыс вӧлі ӧти бедь, а найӧс торйӧдысь стенъяслӧн кызтаыс вӧлі вит гырддза. Пыранін помас вӧлі посводз. Посводзлӧн тагӧсыс, ӧдзӧс воссян пасьтаыс, вӧлі ӧти бедь кузьта.