Езекиль 40:24 - Коми Библия 2023

²⁴ Морт нуӧдіс менӧ лунвывладорӧ, и сэтысь ме аддзи лунвыв пыранін. Морт мурталіс пыранінлысь стенъяссӧ да посводзсӧ, и найӧ вӧліны мукӧд пыраніныслӧн кодьӧсь.

Езекиль 40:24 ပူးပေါင်းရင်းမြစ်များ

Езекиль 40:33

Сылӧн бокыса жыръясыс, стенъясыс да посводзыс вӧліны мукӧд пыраніныслӧн кодьӧсь. Пыранінын да посводзын вӧліны ӧшиньяс быд боксянь. Пыраніныс кузьтанас вӧлі ветымын гырддза, а пасьтанас – кызь вит гырддза.

Езекиль 40:6

Сэсся морт матыстчис асыввыв пыранін дорӧ, кайис содйӧдыс да мурталіс тагӧссӧ, ӧдзӧс воссян пасьтасӧ. Сійӧ вӧлі бедь кузьта. Пыранінлӧн мӧдар помас тагӧсыс вӧлі татшӧм жӧ.

Езекиль 46:9

Гажӧдчан лунъяс дырйи Израиль войтыр мед локтас Господь водзӧ. Войвыв пыранінӧд юрбитны локтысь мед петас лунвыв пыранінӧд, а лунвыв пыранінӧд локтысь мед петас войвыв пыранінӧд. Некод мед бӧрсӧ оз пет сійӧ пыранінӧдыс, кыті пырис. Петны колӧ воча сулалысь пыранінӧд.