Езекиль 40:17 - Коми Библия 2023

¹⁷ Морт вайӧдіс менӧ ортсы йӧрӧ. Йӧр гӧгӧрыс вӧлі вольсалӧма изъяс, и сэні сулаліс керка, кӧні сьӧрсьӧн-бӧрсьӧн вӧлі комын жыр.

Езекиль 40:17 ပူးပေါင်းရင်းမြစ်များ

Ӧксыяслӧн 3 небӧг 6:5

Крам ортсыас, Вежаин да Вежасьыс-вежаин стенъяс бердӧ, сійӧ вӧчис жыръяс.

Ӧксыяслӧн 4 небӧг 23:11

Сійӧ бырӧдіс тшӧтш иудаса ӧксыясӧн шонділы сиӧм вӧвъясӧс, кодъяс сулалісны Господьлӧн крам пыранін водзын Нетан-Мелеклӧн, ыджыд чина мортлӧн, вежӧс дорын. Шонділы сиӧм тарантасъяс ӧксы сотіс.

1 Каднебӧг 23:28

Левитъяслы колӧ вӧлі отсасьны Ааронсянь чужысьяслы Господьлӧн крамын кесъялӧм дырйи, тӧждысьны крам йӧръяс да вежӧсъяс вӧсна, став вежаторсӧ сӧстӧммӧдӧм вӧсна да Енлӧн крамын кесъялӧм вӧсна.

1 Каднебӧг 9:26

Нёль левит, кодъяс кывкутісны дзиръя видзысьяслӧн удж вӧсна, тӧждысисны Ен крамлӧн вежӧсъяс да озырлун видзанінъяс вӧсна.

2 Каднебӧг 31:11

Езекей тшӧктіс дасьтыны Господьлӧн крамын вежӧсъяс. Тадзи и вӧчисны.

Петӧм 27:9

«Вежа чом гӧгӧрыс вӧч йӧр. Путшкӧм шабді шӧртысь кы сё гырддза кузьта дӧра, медым ӧшӧдны сійӧс йӧр пӧлӧн лунвывладорас.

Езекиль 10:5

Херувимъяслӧн борд шыныс кыліс весиг ортсы йӧрӧдз, сійӧ вӧлі Ставсӧвермысь Енлӧн гӧлӧс шы кодь.

Езекиль 40:18

Тайӧ улысса изэрдыс заводитчис пыранінлӧн бокыса стен бердсянь. Изэрдлӧн пасьтаыс вӧлі пыранін кузьта кодь.

Езекиль 40:38

Пыранінын вӧлі торъя вежӧс, кӧні мыськалісны сотан висьяс.

Езекиль 40:44

Пытшкӧс йӧрын, пыранінъяс сайын, вӧліны сьылысьяслы ӧти вежӧса керкаяс. Ӧти керкаыс вӧлі войвыв пыранін бердын, и сылӧн ӧдзӧсыс видзӧдіс лунвывлань. Мӧд керкаыс вӧлі лунвыв пыранін бердын, и сылӧн ӧдзӧсыс видзӧдіс войвывлань.

Езекиль 40:45

Морт шуис меным: «Лунвылӧ видзӧдысь керкаыс – крамын кесъялысь попъяслы.

Езекиль 40:46

Войвылӧ видзӧдысь керкаыс – висьпуктанін дорын кесъялысь попъяслы, Садок рӧдысь петысьяслы. Левий чужанкотырысь сӧмын найӧ вермӧны матыстчыны Господь дінӧ, медым кесъявны Сылы».

Езекиль 41:10

Восьсаиныс крамбердса жыръяс да попъяслӧн ӧти вежӧса керкаяс костын вӧлі кызь гырддза пасьта. Восьсаиныс вӧлі крам гӧгӧрыс.

Езекиль 41:6

Найӧ вӧліны ӧта-мӧд вылас куим судтаӧн, быд судтаын вӧлі комын жыр. Крам ортсы стенсянь чурвидзисны тшупӧдъяс. На вылӧ мыджсисны жыръяссӧ кутысь брусъясыс. Тадзи брусъяссӧ эз ковмы йитны крам стенмас.

Езекиль 42:1

Морт петкӧдіс менӧ ортсы йӧрӧ войвыв пыранінӧд да вайӧдіс керка дорӧ, мый сулаліс крамбокса восьсаин войвывладорын, крам сайын сулалысь керкасянь войвылынджык.

Езекиль 42:10

Крам сайын сулалысь керка дорын, крамбокса восьсаин лунвывладорын, сулаліс уна жыръя керка.

Езекиль 42:3

Керка сайын вӧлі пытшкӧс йӧрлӧн кызь гырддза пасьта восьсаин, а керка водзын вӧлі ортсы йӧрлӧн изэрд. Тайӧ куим судтаа керкаас вӧліны восьса жыръяс, найӧ сулалісны ӧта-мӧд выланыс.

Езекиль 42:4

Сё гырддза кузьта керка водзас вӧлі ветланін, сійӧ вӧлі дас гырддза пасьта да сё гырддза кузьта. Керкалӧн ӧдзӧсъясыс видзӧдісны войвывлань.

Езекиль 44:1

Морт бӧр вайӧдіс менӧ вежаинлӧн асыввыв ортсы пыранін дорӧ. Пыраніныс вӧлі пӧдса.

Езекиль 45:5

Мӧд му юкӧныс, мый тшӧтш кызь вит сюрс гырддза кузьта да дас сюрс гырддза пасьта, лоӧ крамын кесъялысь левитъяслы. Сэтчӧ найӧ вермасны лэптыны керкаяснысӧ.

Езекиль 46:21

Сэсся морт петкӧдіс менӧ ортсы йӧрӧ да нуӧдіс йӧрлӧн нёльнан пельӧсӧ. Ме аддзи, мый ортсы йӧрлӧн быд пельӧсын вӧлі ичӧтик йӧр.

Восьтӧм 11:2

Крамлысь ортсы йӧрсӧ эн муртав, сійӧс оз ков муртавны, ӧд сійӧс сетӧма ентӧдтӧмъяслы. Найӧ кутасны талявны вежа карсӧ нелямын кык тӧлысь чӧж.