Езекиль 40:16 - Коми Библия 2023

¹⁶ Бокыса жыръясын, найӧс торйӧдысь стенъясын да посводзын вӧліны таса ӧшиньяс, найӧ видзӧдісны йӧрлань. Пыранінлӧн стенъясӧ вӧлі серпасалӧма пальмаяс.

Езекиль 40:16 ပူးပေါင်းရင်းမြစ်များ

Ӧксыяслӧн 3 небӧг 6:29

Крамлӧн став стен вылас пыді и воддза вежӧсас Соломон вундалӧмӧн серпасаліс херувимъясӧс, пальма пуяс да дзоридзьяс.

Ӧксыяслӧн 3 небӧг 6:32

Олив пуысь вӧчӧм кык ӧдзӧс вылас вундалӧмӧн серпасаліс херувимъясӧс, пальма пуяс да дзоридзьяс. Ставсӧ эжис зарниӧн.

Ӧксыяслӧн 3 небӧг 6:35

На вылӧ тшӧтш вундалӧмӧн серпасаліс херувимъясӧс, пальма пуяс да дзоридзьяс, вылытіыс найӧс эжис зарниӧн.

Ӧксыяслӧн 3 небӧг 6:4

Крамас Соломон вӧчис таса ӧшиньяс. Крам пытшкӧссяньыс найӧ вӧліны гырысьджыкӧсь ортсысянь дорысь.

Ӧксыяслӧн 3 небӧг 7:4

Ӧшиньяссӧ вӧлі писькӧдӧма куим визьӧн, воча стенъясын ӧшиньяссӧ вӧлі вӧчӧма ӧта-мӧд весьтас.

2 Каднебӧг 3:5

Крамлысь ыджыд вежӧссӧ пытшкӧссяньыс Соломон эжис кипарис пуӧн, сэсся вевттис медбур зарниӧн, нӧшта мичмӧдіс пальма да чеп серпасъясӧн.

Езекиль 40:12

Быд жыр водзын вӧлі гырддза судта стентор. Ачыс жырйыс вӧлі квайт гырддза пасьта да квайт гырддза кузьта.

Езекиль 40:15

Пыранінлӧн ӧдзӧссянь йӧрӧ петан ӧдзӧсӧдз вӧлі ветымын гырддза.

Езекиль 40:25

Лунвыв пыранінлӧн да посводзыслӧн ӧшиньясыс вӧліны мукӧд пыраніныслӧн кодьӧсь. Пыраніныс кузьтанас вӧлі ветымын гырддза, а пасьтанас – кызь вит гырддза.

Езекиль 40:26

Пыранінӧ кайис сизим тшупӧда сод, а мӧд помас вӧлі посводз. Пыранінлӧн ӧтар-мӧдар бок стенъясӧ вӧлі серпасалӧма пальмаяс.

Езекиль 40:29

Сылӧн бокыса жыръясыс, стенъясыс да посводзыс вӧліны мукӧд пыраніныслӧн кодьӧсь. Пыранінын да посводзын вӧліны ӧшиньяс быд боксянь. Пыраніныс кузьтанас вӧлі ветымын гырддза, а пасьтанас – кызь вит гырддза.

Езекиль 40:30

Быд посводз кузьтанас вӧлі кызь вит гырддза, а пасьтанас – вит гырддза.

Езекиль 40:31

Посводзыс видзӧдіс ортсы йӧрӧ. Пыранінлӧн стенъясӧ вӧлі серпасалӧма пальмаяс. Пыранінӧ кайис кӧкъямыс тшупӧда сод.

Езекиль 40:33

Сылӧн бокыса жыръясыс, стенъясыс да посводзыс вӧліны мукӧд пыраніныслӧн кодьӧсь. Пыранінын да посводзын вӧліны ӧшиньяс быд боксянь. Пыраніныс кузьтанас вӧлі ветымын гырддза, а пасьтанас – кызь вит гырддза.

Езекиль 40:34

Посводзыс видзӧдіс ортсы йӧрӧ. Пыранінлӧн ӧтар-мӧдар бок стенъясӧ вӧлі серпасалӧма пальмаяс. Пыранінӧ кайис кӧкъямыс тшупӧда сод.

Езекиль 40:36

Сэні тшӧтш вӧліны бокыса жыръяс, стенъяс да посводз. Пыранінын вӧліны ӧшиньяс быд боксянь. Пыраніныс кузьтанас вӧлі ветымын гырддза, а пасьтанас – кызь вит гырддза.

Езекиль 40:37

Посводзыс видзӧдіс ортсы йӧрӧ. Пыранінлӧн ӧтар-мӧдар бок стенъясӧ вӧлі серпасалӧма пальмаяс. Пыранінӧ кайис кӧкъямыс тшупӧда сод.

Езекиль 40:7

Пыранінын вӧліны бокыса жыръяс, налӧн кузьтаыс и пасьтаыс вӧлі ӧти бедь, а найӧс торйӧдысь стенъяслӧн кызтаыс вӧлі вит гырддза. Пыранін помас вӧлі посводз. Посводзлӧн тагӧсыс, ӧдзӧс воссян пасьтаыс, вӧлі ӧти бедь кузьта.

Езекиль 41:18

херувимъяс да пальмаяс. Кык херувим костын вӧлі пальма. Быд херувимлӧн вӧлі кык чужӧм,

Езекиль 41:25

Крам ӧдзӧсъясӧ стенъясӧ моз вӧлі серпасалӧма херувимъяс да пальмаяс. Посводз ортсыас вӧлі пуысь вӧчӧм пос.

Езекиль 41:26

Посводзас ӧтар-мӧдар бокас вӧліны таса ӧшиньяс, стенъясӧ вӧлі серпасалӧма пальмаяс. Тадзи вӧлі серпасалӧма тшӧтш посводзлысь да крамбердса жыръяслысь пу пӧвъясӧн эжӧм стенъяссӧ.

Езекиль 41:3

Морт пырис пыді вежӧсӧ да мурталіс ӧдзӧсдор стенъяссӧ, налӧн кызтаыс вӧлі кык гырддза, а пасьтаыс – сизим гырддза. Ӧдзӧсыс вӧлі квайт гырддза пасьта.

Езекиль 42:3

Керка сайын вӧлі пытшкӧс йӧрлӧн кызь гырддза пасьта восьсаин, а керка водзын вӧлі ортсы йӧрлӧн изэрд. Тайӧ куим судтаа керкаас вӧліны восьса жыръяс, найӧ сулалісны ӧта-мӧд выланыс.

Иоан 5:2

Ерусалимын, Ыж дзиръя дорын, вӧлі вайӧртӧд. Еврей ногӧн сійӧ шусис Бетзата. Вайӧртӧд дінас вӧлі вит пыранін, найӧ вӧліны вевт улынӧсь.

1 Коринфӧ 13:12

Ӧні ми аддзам Енсӧ ылӧсас, чусмӧм рӧмпӧштанысь моз, а бӧрыннас аддзам Сійӧс асланым синмӧн. Ӧні сӧмын этшаник тӧда Енмыс йылысь, а бӧрыннас кута тырвыйӧ тӧдны Енсӧ, кыдзи Сійӧ тӧдӧ менӧ.

Восьтӧм 7:9

Сэсся ме видзӧдлі да аддзи, мый юралан пуклӧс водзын да Баля водзын сулаліс лыдтӧм-тшӧттӧм йӧз чукӧр. Найӧ вӧліны быд чужанвужйысь да чужанкотырысь, быд кыла йӧз пытшкысь да быд войтырысь. Найӧ вӧліны еджыд паськӧмаӧсь, а кианыс кутісны пальма росъяс