Езекиль 39:6 - Коми Библия 2023

⁶ Ме ыста би Магог му вылӧ да саридздорса муясын повтӧг олысь йӧз вылӧ. Сэки найӧ тӧдмаласны, мый Ме – Господь.

Езекиль 39:6 ပူးပေါင်းရင်းမြစ်များ

Псалтыр 72:10

Лёк вӧчысьяс дінӧ бергӧдчӧ тшӧтш Енлӧн войтырыс, ва моз пӧтлытӧг юӧ налысь лёк кывъяссӧ.

Исай 66:19

Ме петкӧдла налы индысьпас. Кодсюрӧӧс ловйӧн кольӧмаяс пӧвстысь Ме мӧдӧда юӧртны Менам дзирдлун йылысь войтыръяслы Фарсисӧ, Пулӧ да Лудӧ, кӧні лыйсьӧны ньӧввужйысь. Мӧдӧда юӧртысьясӧс тшӧтш Тувалӧ да Яванӧ, ылі саридздорса муясын олысь йӧз дінӧ, кодъяс эз на кывлыны Ме йылысь да эз на аддзывны Менсьым дзирдлунӧс.

Еремей 25:22

Тир да Сидон каръясысь ӧксыясӧс, тшӧтш саридз сайын саридздор муясын олысь ӧксыясӧс.

Езекиль 30:16

Египетӧс биӧн сота. Син кар пондас мучитчыны, Но карлысь стенъяссӧ лоӧ пазӧдӧма, а Мемфис вылӧ луншӧр кадӧ уськӧдчас вӧрӧг.

Езекиль 30:8

Кор Ме биӧн сота Египетӧс да пасьварта сылы отсасьысьясӧс, сэки египетсаяс тӧдмаласны, мый Ме – Господь.

Езекиль 30:9

Сійӧ лунӧ корабльяс вылын мӧдӧдчасны Менам юӧр вайысьяс, медым повзьӧдны повтӧг олысь эфиопияса войтырӧс. Найӧ весьӧпӧрасны Египетӧс бырӧдан лунӧ, мый регыд нин лоӧ.

Езекиль 37:6

Ме зэвта тіянӧс сӧнъясӧн, вевття тіянӧс яйӧн да кучикӧн. Ме пукта тіян пытшкӧ лов, и ті ловзянныд. Сэки ті тӧдмаланныд, мый Ме – Господь».

Езекиль 38:11

да шуан, ме пӧ уськӧдча му вылӧ, кӧні каръяс гӧгӧр стенмыс абу. Йӧзыс пӧ сэні олӧны лӧня да повтӧг, кар гӧгӧрныс стен, дзиръя ни иган абу.

Езекиль 38:13

Саваын да Деданын олысьяс, тшӧтш фарсисса вузасьысьяс да лев кодь ён йӧз юаласны тэнсьыд, локтін-ӧ куштыны мусӧ, чукӧртін-ӧ тышкайӧзтӧ, медым мырддявны эзысь-зарни, ыж-мӧс да эмбур-озырлун.

Езекиль 38:2

«Морт пиӧй, бергӧд чужӧмтӧ Гоглань, Магог муын олысь мешек да тувал войтыръяслӧн медыджыд юралысьлань. Пророкав сылы паныд,

Езекиль 38:6

нӧшта гомер войтырлӧн тышкайӧзыс да ылі войвылын олысь Тогарма рӧдлӧн тышкайӧзыс. Тэкӧд лоӧны уна войтыръяс.

Езекиль 39:5

Тэ усян ыб вылын. Тайӧс шуи Ме, – висьталӧ Господь Ыджыдыс.

Амос 1:10

Та понда Тир карлысь стенъяссӧ Ме биӧн сота, сылысь изкарсӧ би ньылыштас.

Амос 1:4

Та понда Азаиллысь керкасӧ Ме биӧн сота, Бен-Хададлысь изкарсӧ би ньылыштас.

Амос 1:7

Та понда Газа карлысь стенъяссӧ Ме биӧн сота, сылысь изкарсӧ би ньылыштас.

Наум 1:6

Коді вермас паныд сувтны Сылӧн лӧглунлы, коді вермас ловйӧн кольны Сылӧн ыпъялан скӧрлунысь? Сылӧн скӧрлуныс би моз разалӧ, Сы водзын потласьӧны-жугалӧны изкыртаяс.

Софоний 2:11

Найӧ кутасны ёна повны Господьысь, ӧд Господь бырӧдас мувывса став енсӧ. Став йӧзыс кутасны копрасьны Господьлы, быд морт копыртчас Сылы аслас муын.

Восьтӧм 20:8

Найӧ паськӧдчасны став му пасьтала да кытшаласны вежа войтырлысь оланінсӧ да Енлысь муса карсӧ.

Восьтӧм 20:9

Но енэжсяньыс, Енсянь, усяс би да бырӧдас найӧс.

Ёрдысьяс 18:7

Тайӧ вит мортыс мунісны водзӧ да воисны Лаис карӧ. Найӧ аддзисны, мый сэтчӧс йӧзыс тӧждысьтӧг да повтӧг олӧны сидонсаяс моз. Сэтчӧс йӧз вылын некод эз ыджыдав, найӧс некод эз дзескӧд. Найӧ олісны сидонсаясысь ылын, и мукӧд йӧзкӧд эз волысьны.