Езекиль 39:26 - Коми Библия 2023

²⁶ Израиль войтырлы яндзим лоӧ Менӧ эновтӧмысь, кор асланыс муын найӧ кутасны повтӧг овны, и некод оз нин кут повзьӧдлыны найӧс.

Езекиль 39:26 ပူးပေါင်းရင်းမြစ်များ

Ӧксыяслӧн 3 небӧг 4:25

Соломонлӧн ӧксыалӧм дырйи Иуда да Израиль войтыр войвыв Дансянь лунвыв Бер-Шеваӧдз повтӧг олісны. Быдӧн вермис пукавны аслас виноград йӧрын, аслас инжир пу улын.

Исай 17:2

Ароэр каръясӧс лоӧ эновтӧма, найӧ вичмасны ыж-мӧслы, ыж-мӧс кутасны шойччыны сэні, и некод оз повзьӧд найӧс.

Еремей 30:11

Ме тэкӧд, – висьталӧ Господь, – Ме мезда тэнӧ! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.

Езекиль 15:8

Найӧ эновтісны Менӧ, та вӧсна Ме вӧча налысь мусӧ овтӧминӧн, – висьталӧ Господь Ыджыдыс».

Езекиль 16:52

Тэ мыжалін ассьыд чойястӧ, но тэнӧ асьтӧ лоӧ янӧдӧма, ӧд тэнад мыж вӧчӧмыд налӧн мыж вӧчӧм дорысь ёна зывӧк. Ӧткодявны кӧ тэкӧд, чойясыд мыжтӧмӧсь лоӧны. Гӧрдӧд яндзимыдла, ӧд тэнад уна мыж вӧсна чойястӧ позьӧ лыддьыны мыжтӧмӧн.

Езекиль 16:63

Тэ уськӧдан тӧд вылад уджъястӧ, и тэныд лоӧ яндзим. Тэ весиг вомтӧ он восьт, кор Ме вешта став мыжтӧ, мый тэ вӧчин, – висьталӧ Господь Ыджыдыс».

Езекиль 20:27

Морт пиӧй, шу Израиль войтырлы, мый Господь Ыджыдыс тадзи висьталӧ: тіян батьясныд водзӧ мыж вӧчисны Меным паныд да омӧльтісны Менӧ.

Езекиль 20:43

Сэні тіянлы тӧд выланыд усьӧ лёк оласногныд да уджъясныд, мыйӧн пежалінныд асьнытӧ. Сэки лёк вӧчӧм вӧснаныд ті зывӧктанныд асьнытӧ.

Езекиль 32:25

Эламлы да эламса уна лыда войтырлы куйланінсӧ сетісны виӧмаяс пӧвстысь, гӧгӧр дзебанінъяс. Шыпуртӧн виӧма тайӧ вундыштчытӧм йӧзсӧ, кодъясысь коркӧ полісны ловъяяслӧн му вылын. А ӧні налы яндзим, найӧ куйлӧны виӧмаяскӧд му пыдӧсас.

Езекиль 32:30

Сэні куйлӧны войвывса юралысьяс да сидонсаяс, кодъяс лэччисны виӧмаяс пӧвстӧ. Коркӧ вӧліны повзьӧдана ёнӧсь, а ӧні янӧдӧма тайӧ вундыштчытӧм йӧзсӧ, кодъяс куйлӧны шыпуртӧн виӧмаяс пӧвстын, налы яндзим, ӧд куйлӧны кулӧмаяскӧд му пыдӧсас.

Езекиль 34:25

Ме кӧртала накӧд лӧньлун вайысь йитӧд, бырӧда зверъясӧс налӧн муысь, медым Менам ыжъясӧй вермисны повтӧг овны овтӧминын да узьны вӧрын.

Езекиль 36:31

Сэки тіянлы тӧд выланыд усьӧ пеж оласногныд да лёк уджъясныд, и ті понданныд зывӧктыны асьнытӧ мыжъяссьыныд да пеж уджъяссьыныд.

Езекиль 38:8

Уна кад мысти тэ ковман. Сэки тэ уськӧдчан сійӧ му вылӧ, кӧні кар-сиктъяссӧ лэптӧма тыш бӧрын, и кытчӧ олысьяссӧ чукӧртӧма мукӧд войтыръяс пӧвстысь. Тэ уськӧдчан Израиль керӧсъяс вылӧ, кӧні дыр кад чӧж некод эз ов, но кытчӧ олысьясыс бергӧдчӧмаӧсь мукӧд войтыръяс пӧвстысь. Найӧ повтӧг олӧны,

Езекиль 44:13

Ме дінӧ налы оз позь матыстчыны, медым попъясӧн кесъявны Меным. Налы оз позь матыстчыны Меным сиӧм вежаторъяс да вежасьыс-вежаторъяс дінӧ. Найӧ мед яналасны да нуасны мыждӧмсӧ став пеж уджсьыныс.

Даниил 9:16

Господьӧй, Аслад веськыдлуныд ради вешты Ассьыд скӧрлунтӧ да ярлунтӧ Аслад Ерусалим кар дорысь да Тэнад вежа керӧс дорысь. Миян мыжъяс вӧсна да батьяснымлӧн лёк вӧчӧм вӧсна орччӧн олысь войтыръяс лёкӧдӧны Ерусалим карӧс да Тэнсьыд войтыртӧ.

Микей 4:4

Но быдӧн кутас пукавны аслас виноград йӧрын, аслас инжир пу улын, некод оз кут найӧс повзьӧдлыны. Тадзи висьталіс Господь Саваоф.