Езекиль 38:4 - Коми Библия 2023

⁴ Ме пысала вугыр вомкӧтшад, бергӧда да кыска тэнӧ да став тышкайӧзтӧ вӧвъяснас. Верзьӧмаясыд да мукӧд тышкайӧзыд пасьтасьӧмаӧсь тышкасян кӧлуйӧ, найӧ петасны шыпуртъясӧн, ыджыд да ичӧт сайӧдъясӧн.

Езекиль 38:4 ပူးပေါင်းရင်းမြစ်များ

Ӧксыяслӧн 4 небӧг 19:28

Тэ кыпӧдчин Меным паныд, тэнад ышнясьӧмыд воис Менам пельӧдз. Таысь Ме сюя тэнад ныр розьӧ кольча да кӧртвомала тэнӧ, сэсся бӧр ыста тэнӧ сійӧ туйӧдыс, кыті тэ локтін.

1 Каднебӧг 12:8

Гад чужанкотырысь йӧз ӧтувтчисны Давидкӧд, кор сійӧ дзебсясис овтӧминын. Найӧ вӧліны вынаӧсь да повтӧмӧсь, дасьӧсь тышкасьны шыӧн да сайӧдӧн, вӧліны левъяс кодь скӧрӧсь, керӧсвывса газельяс кодь тэрыбӧсь.

2 Каднебӧг 25:5

Амасей чукӧртіс Иудаын олысь айуловӧс, сэсся Иуда да Венямин чужанкотырысь айуловсӧ юкліс рӧдныс серти да сетіс найӧс сюрс тышкамортӧн да сё тышкамортӧн веськӧдлысьяслӧн кипод улӧ. Кызь арӧса да ыджыдджык арлыда айуловӧс арталӧм бӧрти Амасей тӧдмаліс, мый сылӧн эм куимсё сюрс морт, кодъяс вермӧны тышӧ ветлыны. Налӧн быдӧнлӧн вӧлі шы да сайӧд.

Исай 37:29

Тэ кыпӧдчин Меным паныд, тэнад ышнясьӧмыд воис Менам пельӧдз. Таысь Ме сюя тэнад ныр розьӧ кольча да кӧртвомала тэнӧ, сэсся бӧр ыста тэнӧ сійӧ туйӧдыс, кыті тэ локтін.

Еремей 46:9

Рӧдтӧй, вӧвъяс, тӧвзьӧй, тарантасъяс! Петӧй тышӧ, вына шыпуртаяс, петӧй сайӧдъясӧн, эфиопияса да ливияса тышкайӧз, петӧй зэвтӧм ньӧввужъясӧн, лудса тышкайӧз!

Езекиль 23:12

Сійӧ ӧзъяліс лёкколӧмнас орччӧн олысь ассурсаяс дінӧ, кодъяс вӧліны ыджыдалысьяс да юралысьяс. Тыш дырйи найӧ вӧліны вӧла-тарантаса веськӧдлысьясӧн. Ставныс найӧ вӧліны мича том зонъяс, новлісны дона паськӧм.

Езекиль 29:4

Но Ме тэнад вомкӧтшӧ ыджыд вугыр пысала. Тэнад юысь черисӧ Ме ляска кучик бердад и перъя тэнӧ юсьыд тайӧ чериыскӧд.

Езекиль 38:15

Тэ петан аслад муысь, ылі войвылысь. Тэкӧд петасны уна войтыръясысь верзьӧмаяс, лыдтӧм-тшӧттӧм вына тышкайӧз.

Езекиль 38:3

мый Господь Ыджыдыс тадзи висьталӧ: Ме сувта тэныд паныд, Гог, мешек да тувал войтыръяслӧн медыджыд юралысь.

Езекиль 39:2

Ме бергӧда тэнӧ, кыска тэнӧ ылі войвылысь да вайӧда Израиль керӧсъяс вылӧ.

Езекиль 39:20

Менам пызан сайын найӧ пӧттӧдзныс сёясны вӧвъясӧс да верзьӧмаясӧс, вына шыпуртаясӧс да быдсикас тышкайӧзӧс, – висьталӧ Господь Ыджыдыс.

Даниил 11:40

Бӧръя кадас лунвывса ӧксы петас тышӧ войвывса ӧксылы паныд. Ыджыд тӧвныр моз войвывса ӧксы уськӧдчас сы вылӧ аслас тарантасъясӧн, вӧвъясӧн да корабльясӧн. Ойдӧм ва моз сійӧ ыльӧбтас-уськӧдчас уна му вылӧ.

Амос 4:2

Господь Ыджыдыс кыв сетіс, Аслас вежалунӧн кӧсйысис, мый воасны лунъяс, кор тіянӧс вугырӧ пысалӧмӧн нуӧдасны, дзик ставнытӧ кыйӧм чериӧс моз кыскасны.