Езекиль 38:21 - Коми Библия 2023

²¹ Аслам керӧсъяс вылын Ме лэпта шыпурт Гоглы паныд, – висьталӧ Господь Ыджыдыс, – и Гоглӧн тышкайӧзыс ӧта-мӧднысӧ виаласны.

Езекиль 38:21 ပူးပေါင်းရင်းမြစ်များ

2 Каднебӧг 20:23

ӧд аммонсаяс да моавсаяс уськӧдчисны Сеир керӧсвыв муын олысьяс вылӧ. Найӧс бырӧдӧм бӧрын аммонсаяс да моавсаяс пондісны виавны ӧта-мӧднысӧ.

Псалтыр 105:16

Асланыс чомъясын найӧ пондісны вежавны Мӧисейлы да Ааронлы, Господьлӧн вежа мортлы.

Исай 66:16

Став ловъя олысьсӧ Господь мыждас биӧн, быд мортӧс – Аслас шыпуртӧн, и унаӧс лоӧ бырӧдӧма Господьлӧн ки помысь.

Еремей 25:29

Со, тайӧ карыс вылӧ, мый сиӧма Менам нимлы, Ме мӧдӧда шог. Гашкӧ, ті чайтанныд, мый тіянӧс оз ло мыждӧма? Но мыждӧмысь ті онӧ пышйӧй, ӧд му вылас став олысьыс вылӧ Ме мӧдӧда шыпурт, – висьталӧ Господь Саваоф. –

Езекиль 14:17

Ме кӧ мӧдӧді сійӧ му вылас шыпурт, тшӧкті сылы мунны му вывтіыс и бырӧді сэтысь йӧзсӧ да ыж-мӧссӧ,

Аггей 2:22

путкыльта ӧксыяслысь юралан пуклӧснысӧ, мукӧд войтыръясӧс вӧча вынтӧмӧн. Ме путкыльта тарантасъяс да сэні пукалысьясӧс, вӧвъяс да верзьӧмаяс усясны тышын.

Закар 14:13

Сійӧ лунӧ Господь кыпӧдас войтыръяс костын ыджыд шызьӧм. Найӧ уськӧдчасны ӧта-мӧд выланыс, лэптасны кинысӧ асланыс матысса вылӧ.

Ёрдысьяс 7:22

Куимсё израильса тышкамортлӧн буксігкості Господь вӧчис сідзи, мый мадиансаяс виалісны ӧта-мӧднысӧ. А коляс тышкайӧзыс пышйисны Церера карлань Бет-Шитта карӧдз да Авел-Мехола кар дорӧдз, Табат карсянь матӧ.

Ӧксыяслӧн 1 небӧг 14:20

Саул чукӧртіс ассьыс тышкайӧзсӧ, и найӧ котӧртісны тышкасянінӧ. Филистимсаяс сэтшӧма вӧлі шӧйӧвошӧмаӧсь, мый виалісны ӧта-мӧднысӧ.