Езекиль 38:13 - Коми Библия 2023

¹³ Саваын да Деданын олысьяс, тшӧтш фарсисса вузасьысьяс да лев кодь ён йӧз юаласны тэнсьыд, локтін-ӧ куштыны мусӧ, чукӧртін-ӧ тышкайӧзтӧ, медым мырддявны эзысь-зарни, ыж-мӧс да эмбур-озырлун.

Езекиль 38:13 ပူးပေါင်းရင်းမြစ်များ

Псалтыр 57:4

Лёк вӧчысьяс чужӧмсяньныс вошӧмаӧсь, пӧръясьысьяс мам кынӧмсяньныс ылалӧмаӧсь.

Исай 10:6

Ме веськӧда сійӧс тайӧ мыжа войтырыслы паныд, кодъяс вылӧ кыптӧ Менам скӧрлунӧй. Ме тшӧкта сылы куштыны да мырддявны налысь эмбурсӧ, талявны найӧс ывлавывса няйтӧс моз.

Исай 33:23

Кор тэнад гезъясыд личаласны, оз нин вермыны кутны шолга да зэвтны тӧвдӧра, сэки кутан юклыны тышын шедӧдӧм ыджыд эмбуртӧ, весиг чотысьяс уськӧдчасны юклыны сійӧс.

Еремей 15:13

Став тэнад мыжысь, мый тэ, Иуда войтыр, вӧчин аслад му пасьтала, тэнсьыд эмбуртӧ да озырлунтӧ Ме сета мырддявны, некод оз вештысь сыысь.

Еремей 50:17

Израиль войтыр разалӧм ыж чукӧр кодь, левъяс вӧтлісны сійӧс. Водзынджык сійӧс вильӧдіс ассурса ӧксы, сэсся вавилонса Навукодоносор ӧксы чегъяліс сылысь лыяссӧ.

Еремей 51:38

Вавилонсаяс пондасны лев моз равзыны, левпиян моз эргыны.

Езекиль 25:13

Та вӧсна Господь Ыджыдыс тадзи висьталӧ: Ме лэпта киӧс Эдом вылӧ да ӧтитӧг бырӧда сэтысь йӧзӧс да ыж-мӧскӧс, вӧча Эдом муысь овтӧмин. Теман карсянь Дедан карӧдз ставныс куласны шыпурт помысь.

Езекиль 27:12

Тэнад вӧлі уна вузӧс, та вӧсна Фарсис ньӧбасис тэнсьыд. Сійӧ мынтысьліс тэныд эзысьӧн, кӧртӧн, свинечӧн да озысьӧн.

Езекиль 27:15

Дедансаяс да діяс вылын олысь войтыръяс вузасисны тэкӧд. Найӧ мынтысьлісны тэныд слӧн лыӧн да эбен пуӧн.

Езекиль 27:20

Дедансаяс вузалісны тэныд ӧныр улӧ вевттьӧдъяс.

Езекиль 27:25

Фарсисса корабльяс новлӧдлісны тэнсьыд вузӧстӧ. Тэ вӧлін тырӧдз сӧвтӧма, вӧлін саридз шӧрын кывтысь сьӧкыд корабль.

Езекиль 32:2

«Морт пиӧй, сьыв фараон йылысь, египетса ӧксы йылысь, бӧрдӧдчанкыв. Шу сылы: – Войтыръяс пӧвстын тэ том лев, саридзын олысь гундыр. Быгзьӧдан юястӧ, ва пыдӧссӧ талялан, визув васӧ гудыртан.

Йоиль 3:8

Тіянлысь ныв-пинытӧ Ме вузала Иуда войтырлы, а найӧ вузаласны ылын олысь Сава войтырлы. Тадзи висьталӧ Господь.

Закар 11:3

Кылӧ ыж видзысьяслӧн бӧрдӧм, ӧд налысь йирсянінъяссӧ бырӧдӧма. Кылӧ левъяслӧн равзӧм, ӧд Йӧрдан ю бокысь вӧрсӧ куштӧма.