Езекиль 37:28 - Коми Библия 2023

²⁸ Менам вежаинӧй нэмъяс чӧж лоӧ на шӧрын. Та серти мукӧд войтыръяс тӧдмаласны, мый Ме, Господь, Израильӧс Вежӧдысь».

Езекиль 37:28 ပူးပေါင်းရင်းမြစ်များ

Псалтыр 102:15

Мортлӧн олӧмыс – турун кодь, сійӧ дзоридзалӧ видзвывса дзоридз моз.

Псалтыр 126:2

Ті весьшӧрӧ водз чеччанныд да сёрӧн воданныд, весьшӧрӧ мырсянныд нянь вӧсна, ӧд Аслас мусаяслы Господь сетӧ чӧскыд ун.

Псалтыр 79:10

Мусӧ Тэ весалін, виноградтӧ сэтчӧ вужйӧдін, и сійӧ паськаліс му пасьталаыс.

Петӧм 15:17

Тэ вайӧдан да овмӧдан войтыртӧ Аслад керӧс вылӧ, мый Тэ, Господьӧй, вӧчин Аслыд оланінӧн, кытчӧ Тэ, Ыджыдӧй, Аслад киӧн кыпӧдін вежаин.

Петӧм 25:8

Израиль пиян мед вӧчасны Меным вежаин, и Ме кута овны на пӧвстын.

Петӧм 31:13

«Висьтав Израиль пиянлы, мед видзасны Менсьым шойччан лунӧс. Шойччан лун лоӧ пасӧн Ме да тіян костын чужысьяссянь чужысьясӧдз. Та серти ті тӧдмаланныд, мый Ме – Господь, тіянӧс Вежӧдысь.

Исай 30:19

Ерусалимын олысь сионса войтыр, тэ он нин понды бӧрдны. Кор тэ шыасян Сы дінӧ, Сійӧ кутас буравны тэ дінӧ, Сійӧ кылас да вочавидзас тэныд.

Езекиль 20:12

Ме инді налы шойччан лун. Тайӧ луныс лоӧ Ме да на костын пасӧн, медым найӧ тӧдісны, мый Ме – Господь, найӧс Вежӧдысь.

Езекиль 36:23

Ме петкӧдла вежалунсӧ Аслам ыджыд нимлысь, кодӧс ті янӧдінныд мукӧд войтыръяс пӧвстын. Кор Ме петкӧдла тіян пӧвстын Ассьым вежалунӧс войтыръяс син водзын, сэки найӧ тӧдмаласны, мый Ме – Господь, – висьталӧ Господь Ыджыдыс. –

Езекиль 36:36

Тіян гӧгӧр олысь войтыръяс тӧдмаласны, мый Ме, Господь, киссьӧм каръяссӧ лэпта, овтӧминсӧ ловзьӧда. Тайӧс висьтала Ме, Господь. Мый шуи, вӧча.

Езекиль 38:1

Меным вӧлі Господьсянь кыв:

Езекиль 38:23

Петкӧдла Ассьым вынӧс да вежалунӧс, восьта Ачымӧс уна войтыръяслӧн син водзын. Сэки найӧ тӧдмаласны, мый Ме – Господь».

Езекиль 39:23

Войтыръяс тӧдмаласны, мый Израиль войтырӧс вӧлі нуӧдӧма пленӧ асланыс мыж вӧсна – сыысь, мый эновтісны Менӧ. Та вӧсна Ме дзеби наысь Ассьым чужӧмбанӧс да сеті найӧс вӧрӧг киӧ, и найӧ ставныс кулісны шыпурт помысь.

Езекиль 39:7

Аслам Израиль войтыр пӧвстын Ме восьта Ассьым вежа нимӧс и водзӧ ог лэдз янӧдны сійӧс. Сэки войтыръяс тӧдмаласны, мый Ме – Господь, Израильлӧн вежа Ен.

Езекиль 43:7

«Морт пиӧй, тайӧ крамыс Менам юралан пуклӧсӧй да Менам кок улӧй. Тані Ме кута овны Израиль пиян пӧвстын нэмъяс чӧж. Израиль войтыр да налӧн ӧксыясыс оз нин кутны пежавны Менсьым вежа нимӧс идолъяслы сетчӧмнас да кулӧм ӧксыясныслы ыджыд казьтылан изъяс сувтӧдӧмнас.

Езекиль 48:35

Ставнас карса стенмыс лоӧ дас кӧкъямыс сюрс гырддза кузьта. Тайӧ лунсяньыс Ерусалим карлӧн нимыс лоӧ ”Тані Господь”».

Левит 20:8

Олӧй Менам тшӧктӧмъяс серти, ӧд Ме – Господь, тіянӧс Вежӧдысь.

Левит 21:8

Вежавидзӧмӧн пыдди пуктӧй попӧс, ӧд сійӧ вись вайӧ [Господьлы] тіян Енлы. Поп мед лоас тіянлы вежа, ӧд Ме вежа. Ме – Господь, тіянӧс Вежӧдысь.

Левит 26:11

Ме ог кут зывӧктыны тіянӧс, Ассьым оланінӧс сувтӧда тіян шӧрӧ.

Софоний 3:15

Господь вештіс тэ вылысь Ассьыс мыждӧмсӧ, Сійӧ вӧтліс тэнӧ мустӧмтысьясӧс. Господь, Израильлӧн Ӧксы, тэ пӧвстын, тэныд оз нин ков повны, мый вӧчасны лёксӧ.

Матвей 23:17

Синтӧмъяс да мывкыдтӧмъяс! Мый ыджыдджык: зарниыс али зарнисӧ вежӧдысь крамыс?

Римӧ 11:15

Найӧс ӧтдортӧмыс кӧ вайис бурасьӧм муюгыдыслы, сэки мый ваяс найӧс сибӧдӧмыс? Оз-ӧ кулӧмысь ловзьӧм?

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

Ефесӧ 5:26

медым вежӧдны сійӧс. Сійӧ сӧстӧммӧдіс вичкосӧ ваӧн да кывнас,

1 Фессалоникаӧ 5:23

Лӧньлуныслӧн Ен мед Ачыс тырвыйӧ вежӧдас тіянӧс да видзас тіянлысь ловнытӧ, олӧмнытӧ да вир-яйнытӧ сӧстӧмӧн миян Господь Исус Кристос локтігкежлӧ.