Езекиль 37:26 - Коми Библия 2023

²⁶ Ме пыр кежлӧ кӧртала накӧд лӧньлун вайысь йитӧд да сета налы тайӧ мусӧ. Вӧча найӧс уна лыда войтырӧн да пыр кежлӧ сувтӧда на пӧвстӧ Ассьым вежаинӧс.

Езекиль 37:26 ပူးပေါင်းရင်းမြစ်များ

Олӧм 17:7

Ме кӧртала тэкӧд да тэсянь чужысьяскӧд нэмъяс кежлӧ йитӧд, Ме лоа тэнад да тэсянь чужысьяслӧн Енмӧн.

Олӧм 9:16

Кор кымӧръясын мыччысяс [Менам] ӧшкамӧшка, Ме видзӧдла сы вылӧ да уськӧда тӧд вылӧ Ме да мувывса став ловъя олысьыс костын нэмъяс кежлӧ кӧрталӧм йитӧдӧс».

Ӧксыяслӧн 2 небӧг 23:5

Абу-ӧ татшӧм менам рӧдӧй Ен водзын? Енмыс пыр кежлӧ кӧрталіс мекӧд йитӧд – зумыдӧс да вежсьывлытӧмӧс. Быд кадӧ Сійӧ мездыліс менӧ, збыльмӧдліс менсьым кӧсйӧмъясӧс.

Псалтыр 68:18

Эн тупкы Ассьыд чужӧмбантӧ Аслад кесйӧгысь, ӧд ме ёна шогся. Тэрмась вочавидзны меным!

Петӧм 15:17

Тэ вайӧдан да овмӧдан войтыртӧ Аслад керӧс вылӧ, мый Тэ, Господьӧй, вӧчин Аслыд оланінӧн, кытчӧ Тэ, Ыджыдӧй, Аслад киӧн кыпӧдін вежаин.

Петӧм 25:8

Израиль пиян мед вӧчасны Меным вежаин, и Ме кута овны на пӧвстын.

Исай 27:6

Локтана кадӧ Яков вужъясяс, Израиль сетас вож да кутас дзоридзавны. Муюгыдыс тырас вотӧсӧн.

Исай 49:21

Тэ чуйман: «Коді меным чужтіс найӧс? Менам эз вӧвны челядьӧй, ме вӧлі нӧбасьны вермытӧмӧн, ме вӧлі пленын, чужан муысь ылын. Коді нӧ быдтіс найӧс? Ме вӧлі ӧтка – кытысь нӧ лоины найӧ?»

Исай 55:3

Локтӧй Ме дінӧ, сюся кывзӧй Менӧ! Кывзӧй Менӧ, и ті кутанныд овны! Давид дінӧ вежсьывлытӧм буралӧмӧй вӧсна Ме кӧртала тіянкӧд пыр кежлӧ йитӧд.

Еремей 30:19

Сэтысь бара кутас кывны аттьӧалӧм да гажӧдчысьяслӧн гӧлӧс шыныс. Ме рӧдмӧда найӧс, и налӧн лыдыс оз кут чинны. Ме нимӧда найӧс, и найӧс оз кутны увтыртны.

Еремей 31:27

«Воасны лунъяс, – висьталӧ Господь, – кор Израиль да Иуда муын Ме рӧдмӧда йӧзӧс да пемӧсъясӧс.

Еремей 31:31

Воасны лунъяс, – висьталӧ Господь, – кор Ме кӧртала Израиль да Иуда войтыркӧд выль йитӧд.

Еремей 32:40

Ме кӧртала накӧд пыр кежлӧ йитӧд: Ме ог бергӧдчы наысь, а пыр кута вӧчны налы бурсӧ. Ме пукта налӧн сьӧлӧмӧ вежавидзӧм, медым найӧ эз кежны Меысь.

Езекиль 11:16

Та вӧсна шу, мый Господь Ыджыдыс тадзи висьталӧ: Ме вӧтлі найӧс мӧд муясӧ мукӧд войтыръяс пӧвстӧ, но сэні Ме Ачым лои налы вежаинӧн.

Езекиль 16:60

Ме ог вунӧд Ассьым йитӧдӧс, мый Ме кӧрталі тэкӧд том кадад, а вынсьӧда сійӧс пыр кежлӧ.

Езекиль 16:62

Ме вынсьӧда йитӧдӧс, мый Ме кӧрталі тэкӧд, и сэки тэ тӧдмалан, мый Ме – Господь.

Езекиль 20:37

Ыж видзысь моз Ме лыддя-торйӧда тіянӧс. Ме кӧртвомала тіянӧс, медым олінныд Менам йитӧд серти.

Езекиль 20:40

Ӧд Менам вежа керӧс вылын, израильса джуджыд керӧс вылын, ті ставныд, кодъяс оланныд асланыд муын, кутанныд кесъявны Меным, – висьталӧ Господь Ыджыдыс. – Сэні Ме сибӧда тіянӧс, Израиль войтыр. Ме виччыся, мый ті ваянныд сэтчӧ козинъяснытӧ, мувыв быдтассьыныд медводдза босьтӧмторъяснытӧ да вежа сетӧмторъяснытӧ.

Езекиль 34:25

Ме кӧртала накӧд лӧньлун вайысь йитӧд, бырӧда зверъясӧс налӧн муысь, медым Менам ыжъясӧй вермисны повтӧг овны овтӧминын да узьны вӧрын.

Езекиль 36:10

Ме овмӧда унасьыс-уна йӧзӧс Израиль керӧсъяс вылӧ. Израиль войтыр выльысь овмӧдчас каръясас, из чукӧръясысь лэптас керкаяс.

Езекиль 36:11

Ме вайӧда уна йӧзӧс да уна ыж-мӧскӧс, и найӧ кутасны чужтысьны-рӧдмыны. Ме вӧча тіянӧс воддза кодь уна лыда войтырӧн, и воддза дорысь унджык на бурсӧ кута вӧчны тіянлы. Сэки ті тӧдмаланныд, мый Ме – Господь.

Езекиль 36:37

Господь Ыджыдыс тадзи висьталӧ: нӧшта Ме збыльмӧда Менам Израиль войтырлысь корӧмсӧ да ыж чукӧрлысь моз содта налысь лыдсӧ.

Езекиль 43:7

«Морт пиӧй, тайӧ крамыс Менам юралан пуклӧсӧй да Менам кок улӧй. Тані Ме кута овны Израиль пиян пӧвстын нэмъяс чӧж. Израиль войтыр да налӧн ӧксыясыс оз нин кутны пежавны Менсьым вежа нимӧс идолъяслы сетчӧмнас да кулӧм ӧксыясныслы ыджыд казьтылан изъяс сувтӧдӧмнас.

Езекиль 43:9

Но ӧні найӧ мед ылыстасны Ме дінысь идолъяснысӧ да ӧксыясныслысь шойяссӧ, и Ме кута овны на пӧвстын нэмъяс чӧж.

Езекиль 48:35

Ставнас карса стенмыс лоӧ дас кӧкъямыс сюрс гырддза кузьта. Тайӧ лунсяньыс Ерусалим карлӧн нимыс лоӧ ”Тані Господь”».

Софоний 3:15

Господь вештіс тэ вылысь Ассьыс мыждӧмсӧ, Сійӧ вӧтліс тэнӧ мустӧмтысьясӧс. Господь, Израильлӧн Ӧксы, тэ пӧвстын, тэныд оз нин ков повны, мый вӧчасны лёксӧ.

Закар 2:5

Ме лоа сы гӧгӧр биа стенмӧн, – висьталӧ Господь. – Лоа сы пытшкын дзирдлунӧн».

Лыд 25:12

Висьтав Пинеслы, мый Ме кӧртала сыкӧд йитӧд да сета сылы став бурсӧ.

Иоан 14:27

Лӧньлун коля тіянлы. Ассьым лӧньлунӧс сета тіянлы, сійӧ абу муюгыдыслӧн лӧньлун кодь. Энӧ майшасьӧй да энӧ полӧй.

2 Коринфӧ 6:16

Вермасны ӧмӧй сулавны идолъяс Енлӧн крамын? Ӧд ті – ловъя Енлӧн крамыс. Енмыс шуӧ: – Овмӧдча на пытшкӧ да понда ветлыны накӧд. Ме лоа налӧн Енмӧн, а найӧ – Менам войтырӧн.

Еврейяслы 6:14

Енмыс шуис: «Ме озыра бурсиа тэнӧ да сета тэныд уна чужысьӧс».