Езекиль 37:11 - Коми Библия 2023

¹¹ Господь шуис меным: «Морт пиӧй, тайӧ лыясыс – Израиль войтыр. Найӧ шуӧны, миян лыясным пӧ косьмисны, лачаным воши, миянлы воис пом.

Езекиль 37:11 ပူးပေါင်းရင်းမြစ်များ

Иов 17:15

Кӧні сэки лоӧ менам лачаӧй? Коді тӧдӧ тайӧс?

Псалтыр 141:7

Петкӧд менсьым лолӧс пемыдінысь, медым ме верми ошкыны Тэнсьыд нимтӧ. Кор Тэ петкӧдлан ме дінӧ Ассьыд бурлунтӧ, сэки ме гӧгӧр чукӧртчасны веськыда олысьяс.

Псалтыр 88:16

Шуда сійӧ войтырыс, коді нимкодясьӧмӧн ошкӧ Тэнӧ, Господьӧй. Найӧ олӧны Тэнад чужӧмбанлӧн югыдас.

Псалтыр 88:5

Шуи: Ме ёнмӧда тэнсьыд рӧдтӧ пыр кежлӧ, тэнад юралан пуклӧсыд сулалас чужысьяссянь чужысьясӧдз.

Исай 40:27

Яков, мыйла тэ шуан, мыйла, Израиль, тэ висьталан, мый Господь оз аддзы тэнсьыд туйтӧ, мый тэнад Енмыд вунӧдіс тэнсьыд могтӧ?

Исай 49:14

Сион шуліс: «Господь эновтіс менӧ, менам Ыджыдӧй вунӧдіс менӧ!»

Еремей 2:25

Видзчысь, медым котралігад эн коль кӧмтӧг, медым горшыд дзикӧдз эз косьмы. Но тэ шуин: «Ог кӧсйы кывзыны тайӧс! Меным мусаӧсь мукӧд енъяс, и налы ме юрбита».

Еремей 31:1

Сійӧ кадас, – висьталӧ Господь, – Ме лоа израильса быд чужанкотырлӧн Енмӧн, а найӧ – Менам войтырӧн.

Еремей 32:43

Ті шуаланныд, мый тайӧ муыс – овтӧмин, тані морт ни ыж-мӧс оз ов, тайӧ мусӧ сетӧма калдеяса тышкайӧзлӧн киӧ. Но тайӧ муас бара кутасны ньӧбны

Бӧрданкыв 3:18

Ме шуи: «Помасис менам вынӧй, бырис Господь вылӧ лачаӧй».

Бӧрданкыв 3:54

Ваыс юрӧс вевттис, ме шуи: «Меным пом воис».

Езекиль 33:10

Морт пиӧй, висьтав Израиль войтырлы: ті шуаланныд, мыжъясным да лёк вӧчӧмъясным пӧ личкӧны миянӧс, и на вӧсна пӧ ми косьмам-сісьмам, ловйӧн огӧ кольӧй.

Езекиль 36:10

Ме овмӧда унасьыс-уна йӧзӧс Израиль керӧсъяс вылӧ. Израиль войтыр выльысь овмӧдчас каръясас, из чукӧръясысь лэптас керкаяс.

Езекиль 37:16

«Морт пиӧй, босьт бедь да гиж сэтчӧ: ”Иуда чужанкотыр да сыкӧд ӧтувтчӧм израильса чужанкотыръяс”. Сэсся босьт мӧд бедь да гиж сэтчӧ: ”Ӧсип”. Тайӧ лоӧ Ефремлӧн да сыкӧд ӧтувтчӧм израильса чужанкотыръяслӧн бедь.

Езекиль 37:19

шу налы, мый Господь Ыджыдыс тадзи висьталӧ: Ме босьта Ефремлысь да сыкӧд ӧтувтчӧм израильса чужанкотыръяслысь бедьсӧ, кытчӧ гижӧма ”Ӧсип”, да йита сійӧс Иудалӧн беддьыскӧд. Аслам киын Ме вӧча найӧс ӧти беддьӧн.

Езекиль 39:25

Та вӧсна Господь Ыджыдыс тадзи висьталӧ: ӧні Ме бӧр вайӧда пленысь Яковлысь рӧдсӧ, бурсьӧлӧмтча став Израиль войтыр дінӧ. Ме вежӧгтысь Ен, Ассьым вежа нимӧс дорйысь.

Осий 1:11

Иуда да Израиль войтыр ӧтлаӧ чукӧртчасны, аслыныс ӧти юралысьӧс пуктасны, мунысӧ бӧр босьтасны. Тайӧ луныс Изреельлы лоӧ тӧдчана-ыджыд.

Римӧ 11:26

Сэки став Израиль мездмас. Ӧд гижӧма: – Сионсянь локтас Мездысь, Сійӧ бырӧдас Яков чужанвужйысь Ентӧг олӧмсӧ.

2 Коринфӧ 5:14

Миянӧн веськӧдлӧ Кристослӧн муслуныс, сійӧн ми мӧвпалам, мый ӧти кӧ куліс ставныс вӧсна, сідзкӧ, ставныс кулісны.

Ефесӧ 2:1

Енмыс ловзьӧдіс тіянӧс, мыжъясныд да лёк вӧчӧмныд вӧсна кулӧмаясӧс.