Езекиль 36:5 - Коми Библия 2023

⁵ Господь Ыджыдыс тадзи висьталӧ: Аслам ыпъялан скӧрлунӧн Ме сёрнита Эдом войтырлы паныд да мукӧд войтыръяслы паныд. Менсьым муӧс найӧ босьтісны аслыныс, лӧгпырысь нимкодясьӧмӧн да мустӧмтӧмӧн куштісны сійӧс.

Езекиль 36:5 ပူးပေါင်းရင်းမြစ်များ

Псалтыр 137:7

Кор ме пикӧ воа, Тэ ловзьӧдан менӧ, Тэ нюжӧдан китӧ да доръян менӧ мустӧмтысьяслӧн скӧрлунысь, веськыд кинад Тэ мездан менӧ.

Псалтыр 79:5

Господьӧй, Ен Саваоф, дыр-ӧ на Тэ кутан скӧравны Аслад войтырыд вылӧ, ӧтдортны кевмысьӧмнымӧс?

Шусьӧгъяс 17:5

Коді сералӧ гӧль мортӧс, омӧльтӧ сійӧс Вӧчысьӧс, коді нимкодясьӧ мӧдлӧн шогыслы, сійӧс лоӧ мыждӧма, [а бур сьӧлӧма дінӧ Енмыс буралӧ].

Еремей 12:14

Господь тадзи висьталӧ: «Израиль войтыркӧд орччӧн олысь лёк войтыръясӧс Ме нетшышта асланыс муысь, ӧд найӧ уськӧдчисны Израиль му вылӧ, мый Ме вичмӧді Аслам войтырлы. Иуда войтырӧс тшӧтш нетшышта на пӧвстысь.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 49:1

Аммон войтыр йылысь Господь тадзи висьталӧ: – Израильлӧн ӧмӧй абу пияныс, сылӧн ӧмӧй абу пиыс, кодлы овмӧсыс вуджас? Мыйла нӧ Милком идол босьтіс Гад мусӧ, мыйла нӧ сылы юрбитысь войтыр овмӧдчис сэтчӧс каръясӧ?

Еремей 50:11

Ті, Менсьым войтырӧс куштысьяс, гажӧдчинныд-нимкодясинныд, видз вылӧ лэдзӧм кукань моз ризъялінныд, тышӧ петысь вӧв моз корскинныд.

Бӧрданкыв 4:21

Нимкодясь да гажӧдчы, Уц муын олысь эдом войтыр! Тэ кутан юны Енлӧн скӧрлуна дозйысь, коддзымӧныд юан да пасьтӧгыд пӧрччысян.

Езекиль 36:3

Но тэ пророкав налы, мый Господь Ыджыдыс тадзи висьталӧ: тіянӧс куштӧма, и мукӧд войтыръяс быд боксянь кӧсйӧны босьтны тіянӧс аслыныс. Найӧ лёкӧдӧмӧн сёрнитӧны тіян йылысь.

Езекиль 36:6

Та вӧсна пророкав Израиль му йылысь, висьтав керӧс-ыбъяслы да ковтыс-сёнъяслы, мый Господь Ыджыдыс тадзи висьталӧ: вежӧгтӧмӧн да скӧрпырысь Ме мыжда мукӧд войтыръясӧс, ӧд найӧ янӧдӧны тіянӧс.

Езекиль 38:19

Аслам ярлунӧн, Аслам биа скӧрлунӧн Ме шуа, мый сійӧ лунӧ Израильын муыс кутас ёна вӧрны.

Езекиль 5:13

Ме кисьта Ерусалимын олысьяс вылӧ Ассьым скӧрлунӧс, койышта на вылӧ Ассьым ярлунӧс, и сӧмын та бӧрын бурмас Менам сьӧлӧмӧй. Кор Менам скӧрлунӧй мунас на вывті, найӧ тӧдмаласны, мый вежӧгтӧмпырысь Ме, Господь, мыжді найӧс.

Авдий 1:12

Тэ лёка вӧчин, кор нимкодясин вокыдлӧн сьӧкыдалан лунӧ, кор нимкодясин Иуда войтырӧс бырӧдан лунӧ, кор омӧльтін найӧс шог дырйиныс.

Микей 7:8

Менӧ мустӧмтысь, эн серав ме вылын! Ме усьӧма, но ме чечча. Ме ола пемыдын, но Господь – менам югыдыс.

Софоний 3:8

Сідзкӧ, виччысьӧй Менӧ, – висьталӧ Господь, – виччысьӧй сійӧ лунсӧ, кор Ме сувта мыждыны. Ӧд Ме шуи, мый чукӧрта войтыръясӧс, медым кисьтны на вылӧ Ассьым лӧглунӧс, ыпъялысь скӧрлунӧс. Менам скӧрлуна биӧн лоӧ сотӧма став мусӧ.

Закар 1:14

Та бӧрын мекӧд сёрнитысь андел шуис меным: «Юӧрт йӧзыслы, мый Господь Саваоф тадзи висьталӧ: – Ме вежӧгтӧмӧдз радейта Ерусалимӧс, ёна вежӧгтӧмӧй вӧсна доръя Сионӧс.

Закар 1:15

Но Ме чорыда скӧрала сійӧ войтыръяс вылӧ, кодъяс олӧны ышнясьӧмӧн. Кор Ме эг ёна скӧрав Аслам войтыр вылӧ, сэки войтыръяс уна лёксӧ вӧчисны Менам войтырлы.

Марк 3:8

Ерусалим карысь, Идумеяысь, Йӧрдан ю сайысь, Тир да Сидон каръясысь. Найӧ локтісны Исус дінӧ, ӧд кывлӧмаӧсь, мый Сійӧ вӧчӧ.

Индӧд 4:24

Ӧд Господь, тіян Енныд, ставсӧ сотысь би. Сійӧ – вежӧгтысь Ен!