Езекиль 36:31 - Коми Библия 2023

³¹ Сэки тіянлы тӧд выланыд усьӧ пеж оласногныд да лёк уджъясныд, и ті понданныд зывӧктыны асьнытӧ мыжъяссьыныд да пеж уджъяссьыныд.

Езекиль 36:31 ပူးပေါင်းရင်းမြစ်များ

Иов 42:6

Та вӧсна шуӧм кывъясӧс ме бӧр босьта, бус да пӧим пытшкын пукалӧмӧн каитча.

Исай 6:5

Сэки ме шуи: «Курыд шог меным, менӧ виччысьӧ кулӧм! Ме ӧд пеж вома морт, ола пеж вома войтыр пӧвстын, но ме аддзылі Ӧксыӧс, Господь Саваофӧс».

Исай 64:6

Ми ставным пежӧсь, миян веськыдлунным няйтчӧм паськӧм кодь, ми ставным косьмӧм коръяс кодьӧсь, миян мыжъясным тӧвныр моз нӧбӧдӧны миянӧс.

Езекиль 20:43

Сэні тіянлы тӧд выланыд усьӧ лёк оласногныд да уджъясныд, мыйӧн пежалінныд асьнытӧ. Сэки лёк вӧчӧм вӧснаныд ті зывӧктанныд асьнытӧ.

Езекиль 21:17

Ме тшӧтш скӧрысь ки пыдӧсӧ вачка, став Ассьым скӧрлунӧс койышта. Тайӧс висьтала Ме, Господь».

Езекиль 39:26

Израиль войтырлы яндзим лоӧ Менӧ эновтӧмысь, кор асланыс муын найӧ кутасны повтӧг овны, и некод оз нин кут повзьӧдлыны найӧс.

Езекиль 6:9

Сэні пленын олігӧн найӧ тӧд выланыс уськӧдасны Менӧ, кор Ме жугӧда налысь сьӧлӧмсӧ да пемдӧда налысь синсӧ. Ӧд найӧ эновтісны Менӧ да кырсалысь ань моз сетчисны идолъяслы. Та бӧрын найӧ зывӧктасны асьнысӧ став пеж вӧчӧмсьыныс

Левит 26:39

Тіян пӧвстысь ловйӧн кольӧмаяс асланыс да батьясныслӧн мыж вӧсна косьмасны-сісьмасны вӧрӧг муын.

Лука 18:13

А вот перйысь сулаліс бокын да весиг синсӧ эз лысьт лэптывны енэжланьыс, сӧмын морӧсас кучкалӧмӧн шуаліс: ”Енмӧй, ло бур сьӧлӧма ме дінӧ, мыжа морт дінӧ!”

Римӧ 6:21

Кутшӧм вотӧс ті сэки чукӧртінныд? Ӧні сыысь весиг аслыныд яндзим, ӧд сійӧ вайӧ кулӧм.